ကလေးပြုစုစောင့်ရှောက်ခြင်း

ကလေးတစ်ယောက်အတွက် စားသုံးသမျှက ဘေးကင်းပြီး အာဟာရဖြစ်ဖို့ လိုပါမယ်။ ဒါကြောင့်လည်း မေမေတွေက အစားအစာ ရွေးချယ်တဲ့အခါ အိမ်မှာ ကလေးရှိလာရင် ပိုဂရုစိုက်လာ​ကြတာပါ။ ဒီတစ်ခေါက်တော့ ကလေးတွေ အစားစစားချိန်မှာ ဘယ်လို ဟင်းချက်ဆီကို သုံးရမလဲဆိုတာ တွေးရခက်နေတဲ့ မေမေတွေအတွက် ဟင်းချက်ဆီ ရွေးချယ်နည်းလေး ပြောပြပေးချင်ပါတယ်။ ကလေးက ဆီစားသုံးဖို့ လိုသလား ............ ကလေးတွေက ခန္ဓာကိုယ် ကြီးထွားဖွံ့ဖြိုးဖို့အတွက် အဆီကို လိုအပ်ပါတယ်။ ကလေးက လမ်းစလျှောက်တတ်ပြီဆိုရင် ဦးနှောက်နဲ့ခန္ဓာကိုယ် အကောင်းဆုံး ကြီးထွားဖွံ့ဖြိုးဖို့အတွက် အဆီကို လိုအပ်ပါမယ်။ ဒီကာလမှာ မေမေဖေဖေတို့အနေနဲ့ ကလေးကို ဝမှာစိုးတယ်ဆိုပြီး အဆီကို လုံးဝမကျွေးတာမျိုး မလုပ်စေချင်ပါဘူး။ ကြီးထွားဖွံ့ဖြိုးဖို့ အရှိန်ယူနေတဲ့အချိန်မှာ ကလေးကို လုံလောက်တဲ့ အဆီပမာဏ ဖြည့်ပေးဖို့ လိုပါမယ်။ ဒါမှ ကလေးက ရှိသင့်တဲ့ အရပ်အမြင့်နဲ့ကိုယ်အလေးချိန်ကို ရရှိမှာပါ။ […]

ကလေးတစ်ယောက် ကောင်းမွန်စွာ အရွယ်ရောက်လာစေဖို့ ငယ်စဉ်ကတည်းက အာဟာရပြည့်ဝဖို့ လိုပါမယ်။ ကောင်းမွန်ပြည့်စုံတဲ့ အာဟာရဓာတ်မရရှိတဲ့ကလေးတွေဟာ ရုပ်ပိုင်းစိတ်ပိုင်းဆိုင်ရာ ဖွံ့ဖြိုးမှုတွေနောက်ကျတတ်ပါတယ်။ ကလေးတွေရဲ့ အာဟာရလမ်းကြောင်းမှာ မဖြစ်မနေအရေးပါတာကတော့ နို့တိုက်ကျွေးမှုပါ။ ဒီ တစ်ခေါက်တော့ ကလေးတစ်ယောက် ကြီးထွားစေဖို့ မဖြစ်မနေ လိုအပ်တဲ့ နို့အာဟာရတွေထဲကမှ ကလေးအတွက် အသင့်တော်ဆုံး နဲ့ အာဟာရအပြည့်ဆုံးဖြစ်မယ့် နို့ကို ဘယ်လိုရွေးချယ်မလဲဆိုတဲ့ နည်းလမ်းလေး ဆွေးနွေးရအောင်လား …………… ကလေးတစ်ယောက် ဘယ်အရွယ်ထိ နို့သောက်သင့်လဲ…………. ကလေးတစ်ယောက်ဟာ အသက် ၁၀ နှစ်အထိ အာဟာရပြည်ဝတဲ့ နို့ကို သောက်သုံးဖို့လိုပါမယ်။ မွေးစကနေ ၅ နှစ်အထိက မှတ်ဉာဏ်တည်ဆောက်ဖို့၊ဦးနှောက်နဲ့ အာရုံကြောတွေ အကောင်းဆုံး ဖွံ့ဖြိုးဖို့နဲ့ ကိုယ်ခံအား တည်ဆောက်ဖို့ ဖြစ်ပြီး ၅ နှစ် ကနေ ၁၀ နှစ်အတွင်းမှာတော့ ရှိသင့်တဲ့ ကိုယ်အလေးချိန် နဲ့ […]

သားသမီးတိုင်းကို ရင်နဲ့အမျှချစ်ကြတဲ့သူတွေက မိဘတွေကလွဲလို့ အခြားသူမရှိပါဘူး။ မေမေက ကိုးလဆယ်လလွယ်ပြီး မွေးဖွားပေးသလို ကိုယ်ဝန်ဆောင်ကာလတစ်လျှောက် မေမေနဲ့ ဗိုက်ထဲက ကလေးဘေးကင်းစေဖို့ အမြဲမပြတ်စောင့်ကြည့်ပေးသူက ဖေဖေပါ။ ဒီလိုမေမေနဲ့ဖေဖေရဲ့ အနှိုင်းမဲ့တဲ့ မေတ္တာတွေကြောကြောင့် သားသားမီးမီးတို့က ကျန်းမာပျော်ရွှင်စွာ လူလားမြောက်လာရတာပါ။ မိဘတွေက ဖြစ်ချင်တာတွေကို ထုတ်မပြောရင်တောင် ဘာလို့သိနေတာလဲ။ ဒီခံစားချက်ကို ကိုယ်တိုင်ကြုံဖူးမယ်ထင်ပါတယ်။ ဘာစားချင်လိုက်တာ၊ ဘာလေးကိုတော့ ရှာနေတာ မတွေ့ဘူးဆိုပြီး အမှုမဲ့အမှတ်မဲ့ပြောလိုက်ရင်တောင် ချက်ကျွေးတာ၊ အဆင်သင့်ရှာပေးထားတာတွေကြောင့် အံ့အားသင့်ခဲ့ရတဲ့ မေမေ့ရဲ့ အလိုက်သိမှုတွေကြောင့် အဆင်ပြေခဲ့ရတာ ရေတွက်လို့မကုန်အောင်ပါ။ အဖေတွေဟာ အမေတွေလောက် ဂရုစိုက်မှုတွေကို သိသိသာသာဖော်ပြလေ့မရှိကြပေမယ့် ဘေးကနေ မသိမသာ ထိန်းကျောင်းပေးနေပါတယ်။ နေ့စဉ်ဘဝပြဿနာတွေမှာ ပါဝင်လေ့မရှိရင်တောင် ဘဝရဲ့ အရေးပါတဲ့ ဆုံးဖြတ်ချက်တွေကို ချဖို့ တွေဝေမှုတွေဖြစ်နေချိန်မှာ အကောင်းဆုံးဖြစ်အောင် လမ်းပြပေးတတ်ကြပါတယ်။ ငယ်ငယ်မှာ ချစ်ခြင်းမေတ္တာအပြည့်အဝရရှိခဲ့သူတွေဟာ စိတ်ပိုင်းဆိုင်ရာ ကြံ့ခိုင်ပြည့်ဝသူတွေအဖြစ်ကြီးပြင်းလာကြပါတယ်။ ချစ်ခြင်းမေတ္တာကိုလည်း လက်ဆင့်ကမ်းမျှဝေတတ်ကြပါတယ်။ ကိုယ်တိုင်မိဘနေရာရောက်တဲ့အခါမှာလည်း […]

မိုးဦးတော့ကျလာခဲ့ပါပြီ။ မိုးနဲ့အတူ ကူးစက်ရောဂါတွေ၊ မှိုရောဂါတွေ၊ အရေပြားရောဂါတွေ၊ ကာလဝမ်းလို၊ တုပ်ကွေးလို ရောဂါတွေလည်း ကပ်လျက်လိုက်ပါလာကြပါတော့မယ်။ မိမိရဲ့ နေအိမ်မှာ ကလေးတွေ ရှိတယ်ဆိုရင် ဒီကာလဟာ မိဘတွေအတွက်တော့ ရင်ပူစရာကာလတစ်ခုပါပဲ။ ရာသီအကူးအပြောင်းမှာ ဖျားတာနာတာမျိုးက ကလေးတွေမပြောနဲ့ လူကြီးတွေမှာတောင် ဖြစ်တတ်တာမျိုးမဟုတ်လား။ ခုလိုကာလမျိုးမှာ ရင်သွေးတွေကို စားတာသောက်တာ နေတာထိုင်တာကအစ ဂရုတစိုက်ရှိနေဖို့ လိုအပ်ပါတယ်။ အထူးသဖြင့်တော့ အစားအသောက်ပါပဲ။ ကလေးတွေ ရဲ့ နုနယ်တဲ့ အစာအိမ်လေးတွေဟာ အစာပေါင်းစုံကို လက်ခံနိုင်စွမ်းမရှိပါဘူး။ ခုလို ရာသီအကူးအပြောင်းတွေမှာ ကိုယ်ခံအားပိုနည်းနေနိုင်တာမို့ အဖျားအနာပိုဖြစ်နိုင်ပါတယ်။ လူတိုင်းနီးပါးရဲ့ ကျန်းမာရေးပြဿနာတွေမှာ အစာအိမ်က ရာခိုင်နှုန်းတော်တော်များများ အရေးပါနေတတ်တယ်မဟုတ်လား။ ဒါကြောင့် ဒီလို ရာသီအကူးအပြောင်းကာလတွေမှာ ရင်သွေးတွေကို မကျွေးမွေးပဲ သတိထား ရှောင်ကြဉ်သင့်တဲ့ အစားအစာတွေကို ဖော်ပြချင်ပါတယ်။ ရာသီအကူးအပြောင်းမှာ ကလေးတွေကို မကျွေးသင့်တဲ့ အစားအစာများ ရာသီအကူးအပြောင်းမှာ ကလေးတွေကို မကျွေးသင့်တဲ့ […]

ကလေးတစ်ယောက် ပျိုးထောင်ရတာ လွယ်ကူတဲ့ ကိစ္စတော့မဟုတ်ပါဘူး။ အတွေ့အကြုံ မရှိသေးတဲ့ ဖေဖေမေမေတို့ဆိုရင် ပိုလို့တောင် ခက်ပါဦးမယ်။ ဒီတစ်ခေါက်တော့ ဘေဘီလေးကို ကိုယ်ဝန်ဆောင်ချိန်ကစလို့ မွေးဖွားသည်အထိ ဂရုတစိုက်နေထိုင်ခဲ့ရတဲ့ မေမေတို့ နဲ့ ဘေးကနေ လိုလေသေးမရှိ ဂရုစိုက်ပေးတဲ့ ဖေဖေတို့ရေ ဘေဘီလေးကို မွေးဖွားပြီးတဲ့အခါ ဘယ်လို အနှီးထုတ်ရမလဲ ဆိုတာကို ဒီဆောင်းပါးလေးထဲမှာ ဖတ်ကြည့်နော်။ ဘေဘီလေးက နုနယ်သေးတဲ့အချိန်မှာ အစစအရာရာ ဂရုစိုက်ဖို့ လိုပါမယ်။ ဒီကာလမှာ အနှီးထုတ်တာကစလို့ ရေချိုး သန့်စင်ပေးတာအထိ အကုန်လုံးကို သေချာလေး ဂရုစိုက်ဖို့ လိုပါမယ်။ ဒီလိုပြောရတာက မေမေဖေဖေတို့ရဲ့ လုပ်ဆောင်မှု တစ်ချက်ချင်းစီတိုင်းက ဘေဘီလေးအပေါ်မှာ သက်ရောက်မှု ရှိနိုင်တာကြောင့်ပါ။ ဘေဘီလေးကို ဘယ်လို အနှီးထုတ်မလဲ မွေးကင်းစ ဘေဘီလေးတွေကို အနှီးထုတ်တာက ရင်းနှီးကျွမ်းဝင်တဲ့ ကိစ္စတစ်ခုမဟုတ်ပါဘူး။ ဘေဘီလေးကို အနှီးထုတ်တာက ရှေးယခင်ကာလတွေကတည်းက လိုက်နာကျင့်သုံးခဲ့တဲ့ […]

ဘေဘီလေးတစ်ယောက်ရဲ့ ကြီးထွားဖွံ့ဖြိုးမှုဖြစ်စဉ်မှာ မေမေဖေဖေတို့ဘက်က လုပ်ပေးရမှာတွေ၊ ဂရုစိုက်ရမှာတွေက အတော်လေး များသား။ ဒီလို ဂရုစိုက်မှုတွေထဲမှာ ထည့်တွေးရတဲ့ အရာတစ်ခု ရှိပါတယ်။ ဒါကတော့ ကလေးကို ဒါလေးတိုက်လို့ ဖြစ်ပါ့မလား။ ဒီအရွယ်ဆို တိုက်လို့ရပြီလားဆိုတဲ့ ကိစ္စပါ။ ဒီစိတ်ထဲ တွေးပူနေရတဲ့ကိစ္စကို တူတူဆွေးနွေးကြရအောင်လား။ ဘေဘီလေးကို ဘယ်အရွယ်မှာ ဘာတွေ တိုက်မလဲ.............. ဘေဘီလေး တစ်ယောက် အရွယ်ရောက်လာတဲ့အခါ ဘယ်အရွယ်မှာ ဘာတွေများတိုက်ရမလဲဆိုတော့ မွေးစကနေ ၁ နှစ်တာ မွေးစကနေ ၆ လ အထိမှာ ဘေဘီလေးက အခြားသော အစားအစာတွေ၊ ရေတွေကို သောက်စရာ မလိုသေးပါဘူး။ ကလေးက ဒီအရွယ်မှာ မိခင်နို့တစ်မျိုးတည်းကိုသာ သောက်ရမှာပါ။ မေမေက အာဟာရပြည့်ဝအောင် စားပြီး နို့ချို များများတိုက်ပေးရင် လုံလောက်ပြည့်ဝတဲ့ အာဟာရကို ဘေဘီလေး ရမှာပါ။ ၆ လပြည့်ပြီးနောက်ပိုင်းမှာ […]

ဘေဘီလေးကို ချစ်လို့ ခိုးခိုးခစ်ခစ်ရယ်တဲ့ အသံလေးကို ချစ်လိုက်တာဆိုပြီး ကျီးဖြူကျီးမဲ ဆော့ရင်း ကလိထိုးနေမိလား........ မေမေဖေဖေတို့ရေ။ ဒါဆိုရင်တော့ ကလိထိုးတဲ့အခါ ဘေဘီလေး ရယ်တာ ပျော်လို့ရယ်တာလား....... ဘာကြောင့် ရယ်တာလဲ ဆိုတာကို သေသေချာချာသိဖို့ ဒီဆောင်းပါးလေးကို ဖတ်ကြည့်လိုက်ပါ။ ကလိထိုးတဲ့အခါ ဘေဘီလေးက ရယ်တာ ပျော်လို့လား............. ကလိထိုးတဲ့အခါ ဘေဘီလေး ရယ်တာ ပျော်လို့ မဟုတ်ပါဘူး။ ကလိထိုးလို့ ကသိကအောင့် ဖြစ်နေတာကို ရပ်ပါလို့ ပြောရခက်နေတာကြောင့်ပါ။ ကလိထိုးလို့ ကသိကအောင့် ဖြစ်တယ်ဆိုရင် ကလေးက ဘာလို့ မငိုတာလဲလို့ မေးစရာရှိနေနိုင်ပါတယ်။ ကလိထိုးတဲ့အခါ ရယ်တာက အလိုလျောက်ဖြစ်လာတဲ့ တုံ့ပြန်မှု တစ်ရပ်ပါ။ ကလေးကတော့ ကလိထိုး မရပ်သရွေ့ ရယ်နေမှာပါပဲ။ ဒါကြောင့် ကလေးက ရယ်တယ်ဆိုပြီး တောက်လျောက် ကလိထိုး မနေဖို့ ပြောချင်ပါတယ်။ ကိုယ်တိုင် ကြုံဖူးမယ် […]

တော်တော်များများ လက်ခံထားကြတာက ကလိထိုးတာဟာ ကလေးကို တုံ့ပြန်မှု ကောင်းစေပြီး ဖွံ့ဖြိုးမှု မြန်ဆန်စေတယ် ဆိုတာပါ။ ဒီလိုထင်ရတာက ကလေးကို ကလိထိုးတဲ့အခါ ကလေးက ရယ်တယ်။ ငိုတယ်၊ အသံအမျိုးမျိုးနဲ့ အော်တယ် စတဲ့ တုံ့ပြန်မှုတွေ ကြောင့်ပါ။ ဒီလိုဆိုတာနဲ့ ကလေးရဲ့ နေ့စဉ် လှုပ်ရှားမှုတွေထဲမှာ ကလိထိုးတာကို ထည့်လိုက်လို့ မဖြစ်ပါဘူး။ ကလိထိုးတာက ကောင်းကျိုးထက် ဘေဘီလေးတွေအတွက် ဆိုးကျိုးပိုများနိုင်လို့ပါ။ ဒါကြောင့် ဘေဘီလေးကို ကလိထိုးတာမျိုး မလုပ်ခင် ကိုယ် သိထားတာတွေ မှန်ရဲ့လားဆိုတာကို သိနိုင်စေဖို့ ဒီဆောင်းပါးလေးကို ဖတ်ရင်း ဆန်းစစ်ကြည့်စေချင်ပါတယ်။ ဘေဘီလေးကို ကလိထိုးတာနဲ့ ပတ်သက်ပြီး သိထားနိုင်တဲ့ အလွဲများ တဆင့်စကားတဆင့်နားနဲ့ ဘေဘီလေးကို ကလိထိုးတာနဲ့ ပတ်သက်လို့ သိထားမိနိုင်တဲ့ အကြောင်းအရာလေးတွေကတော့ Myth (1) - ကလိထိုးတာက ကလေးကို စကားပြောအောင် […]

ဒီနေ့ခေတ်ကြီးမှာ အရပ်ရှည် ခြင်းဟာလည်း လာဘ်တစ်ပါးပါပဲ။ ယောကျ်ားလေးတွေရော၊ မိန်းကလေးတွေအတွက်ပါ အရပ်မြင့်ခြင်းက အခြားသူတွေထက် တစ်ပန်းသာတဲ့ ခေတ်ကြီးမှာ မေမေတို့အနေနဲ့ မိမိတို့ကလေး အရပ်ရှည်လာနိုင်ဖို့အတွက် ဂရုစိုက်ပေးရမယ့် တာဝန်ရှိပါတယ်။ အရပ်မြင့်ခြင်း မမြင့်ခြင်းဟာ မျိုးရိုးဗီဇ ပေါ်မူတည်တယ်ဆိုတာ မှန်ပေမယ့် မျိုးရိုးဗီဇ တစ်ခုတည်းနဲ့ သတ်ဆိုင်တာတော့ မဟုတ်ပါဘူး။ အစားအသောက်နဲ့ နေထိုင်မှုပုံစံတွေကလည်း အရပ်မြင့်အောင် ကူညီပေးနိုင်ပါတယ်။ ဒါပေမယ့် အခုအစားအသောက်၊ အနေအထိုင် ပြောင်းလိုက်ရုံနဲ့ ခုချက်ချင်း အရပ်မြင့်လာမှာ မဟုတ်ပါဘူး။ ကလေးငယ်ဘဝတည်းက သေသေချာချာ စားသောက်နေထိုင်မှုပုံစံတွေ ကောင်းမွန်အောင် ဂရုစိုက်ထားမှသာ ဖွံ့ဖြိုးကြီးဖွားတဲ့ အရွယ်ရောက်တဲ့အခါ တစ်ဖြည်းဖြည်းနဲ့ အကျိုးခံစားလာရမှာ ဖြစ်ပါတယ်။ ဒါ့ကြောင့် ဒီဆောင်းပါးလေးမှာတော့ မိမိကလေးအတွက် အရပ်ရှည်လာစေဖို့ ငယ်ဘဝထဲက ဘယ်လို ကျွေးမွေး၊ပြုစုသင့်တယ် ဆိုတာလေးတွေကိုမျှဝေပေးသွားပါမယ်။ ၁။ နေ့စဉ်အစားအစာတွေကို မျှတအောင် […]

မိုးရာသီရောက်လာပြီဆိုရင် ရာသီတုပ်ကွေး၊ သွေးလွန်တုပ်ကွေးကနေစလို့ အရေပြားရောဂါတွေအထိ ကျန်းမာရေးပြဿနာတွေ များတတ်ပါတယ်။ အထူးသဖြင့် ရင်သွေးတွေမှာပေါ့။ ကလေးတွေ မိုးတွင်းကာလမှာ ကျန်းမာရေးကောင်းမွန်နေဖို့ ဆိုရင် မိဘတွေရဲ့ ပြုစုစောင့်ရှောက်မှုက အရေးအကြီးဆုံး အချက်ပါပဲ။ ရင်သွေးတွေကို ကျန်းမာနေအောင်ပြုစုစောင့်ရှောက်တဲ့ မိဘတိုင်းဟာ ကိုယ့်ကလေးကို အာဟာရမျှတစွာ ကျွေးမွေးပြီး ကိုယ်ခံအားစနစ်ကောင်းမွန်နေအောင် အာဟာရဓာတ်တွေ ပြည့်ဝနေအောင် ကျွေးမွေးတတ်ကြတယ်မဟုတ်လား။ ပုံမှန်အချိန်မှာတောင် ရင်သွေးတွေကို ဘယ်လိုအစာတွေ ကျွေးရမယ်ဆိုတာက ခေါင်းခဲစရာပြဿနာတစ်ခုပါ။ ခုလို မိုးရာသီမှာ ရင်သွေးတွေရဲ့ ကျန်းမာသန်စွမ်းမှုကို မြှင့်တင်ပေးပြီး ဖျားတာနာတာကင်းအောင် အထောက်အကူဖြစ်စေမယ့် အစားအစာတွေကို ရွေးချယ်နိုင်ဖို့က ပိုပြီး ခေါင်းခဲစရာဖြစ်နေမှာပါ။ ဒီလိုဆိုရင်တော့ မပူပါနဲ့။ မိုးရာသီမှာ ရင်သွေးတွေရဲ့ ကျန်းမာရေးကို အထောက်အကူဖြစ်စေမယ့် အစားအစာတွေကို ဖော်ပြပေးသွားမှာပါ။ မှတ်သားပြီး ပြန်လည်အသုံးချကြည့်နိုင်ပါတယ်။ ၁။ ကြက်သွန်ဖြူ ကြက်သွန်ဖြူမှာ ဓာတ်တိုးဆန့်ကျင်ပစ္စည်းလို့ခေါ်တဲ့ Antioxidants ပါဝင်နေတာမို့ ကိုယ်ခံအားစနစ်ကို မြှင့်တင်ပေးနိုင်တဲ့ အာနိသင်ရှိပါတယ်။ […]