ကလေးပြုစုစောင့်ရှောက်ခြင်း

သူတို့ယုံကြည်စေချင်တာကို ယုံကြည်ပေးဖို့၊ သူတို့လိုအပ်တာကို ပေးနိုင်ဖို့အတွက် သင်တို့ကို လှည့်စားဖို့ ကလေးတွေရဲ့ ကြီးပြင်းစပြုလာတဲ့စိတ်ထားတွေက သူတို့တွေကိုပြန်လည်သင်ကြားပေးနေပါတယ်။ သူတို့မှာ အဆူမခံရမယ့်နည်းလမ်းတွေရှိနေတတ်ပါတယ်။ သူတို့ သင့်ကိုလှည့်စားနေတာတွေကို ဘယ်လိုရင်ဆိုင်ကျော်ဖြတ်မလဲ။ သင့်ကလေးတွေနဲ့ သင့်ကြားက ဆက်ဆံရေးကို ဘယ်လိုပြန်လည်တည်ဆောက်မလဲ။ သင့်ရဲ့ ဆယ်ကျော်သက်အရွယ် ကလေးက သင့်ကို ဘယ်လိုနည်းလမ်းတွေသုံးပြီး လှည့်စားမလဲ။ မိဘတွေဟာ သားသမီးတွေအပေါ် ထိန်းချုပ်ထားတာတွေ ရှိတတ်ပါတယ်။ အချို့သော ကိစ္စရပ်တွေမှာ သူတို့လေးတွေဟာ မိဘတွေကို အနိုင်တိုက်ဖို့ ဒါမှမဟုတ် အလျှော့ပေးစေဖို့အတွက နည်းလမ်းလေးတွေသုံးလာတတ်ကြပါတယ်။ ဆယ်ကျော်သက်ကလေးတွေသုံးလေ့ရှိကြတဲ့ အသုံးများကြတဲ့ လှည့်ကွက်လေးတွေကတော့ မေတ္တာ မိဘတွေနဲ့ သိပ်ပြီး ရင်းရင်းနှီးနှီးမနေတတ်တဲ့ ကလေးတွေဟာ မိဘထံမှ ခွင့်ပြုချက်ရဖို့ခက်ခဲတဲ့အခါ အမေနဲ့ အဖေရဲ့ နှလုံးသားကို အချစ်တွေပြရင်း၊ ကပ်ချွဲရင်း နဲ့ အရည်ပျော်အောင်လုပ်တတ်ကြပါတယ်။ ကလေးတွေနဲ့ သိပ်ပြီးမနီးကပ်တဲ့မိဘတွေကတော့ ဒီလှည့်ကွက်ထဲ အလွယ်တကူ ကျသွားတော့တာပါပဲ။ ဒေါသ တကယ်လို့ ကလေးတွေဟာ သူတို့မိဘတွေဆီက ငြင်းဆန်မှုတွေရခဲ့မယ်ဆိုရင် […]

သွေးကင်ဆာဖြစ်နေတဲ့ကလေးတွေဟာ သူတို့နေမကောင်းဖြစ်လို့ ကုသမှုခံယူရတိုင်း ကျောင်းတက်နိုင်မှာမဟုတ်ပါဘူး။ သူတို့ဟာ ကျောင်းမှာရှိတဲ့သူငယ်ချင်းတွေနဲ့ ဆရာမတွေကို လွမ်းဆွတ်နေနိုင်သလို သာမန်၊ ပုံမှန်ကျောင်းသားတစ်ယောက်ရဲ့ လူနေမှုဘဝကိုလည်း တမ်းတနေပါလိမ့်မယ်။ ကျောင်းပြန်တက်ဖို့ဆိုတာ သွေးကင်ဆာရောဂါသည် ကလေးတစ်ယောက်အတွက်တော့ ထွက်ပေါက်တစ်ခုလည်းဖြစ်နိုင်သလို စိန်ခေါ်မှုတစ်ခုလည်းဖြစ်နိုင်ပါတယ်။ ဘယ်လိုပဲဖြစ်ဖြစ် ဒီလိုအခြေအနေဟာ သူတို့မှာ တောက်ပနေတဲ့အနာဂတ်ရှိနေတယ်ဆိုတာနဲ့ ကင်ဆာရောဂါ အပြည့်အဝပျောက်နိုင်ချေရှိနေသေးတယ်ဆိုတဲ့ အတွေးတွေအတွက် အထောက်အပံ့တော့ ဖြစ်မှာပါ။   ကလေးကျောင်းပျက်တိုင်း ကျောင်းကို အသိပေးပါ။ ကလေးရဲ့ကျောင်းနဲ့ အဆက်အသွယ်မပြတ်စေဘဲ ဆရာတွေနဲ့ သူ့အတန်းဖော်လေးတွေ၊ ကျောင်းသားလေးတွေကို သင့်ကလေးရဲ့ကျန်းမာရေးအတွက် ဂရုစိုက်ပေးနိုင်ဖို့ ၊ စိတ်ဝင်တစားရှိဖို့ တိုက်တွန်းကြည့်ပါ။ ဆရာ၊ဆရာမတွေကလည်း ကလေးကို ကျောင်းမှာသူလွတ်သွားတဲ့ သင်ခန်းစာတွေကို ပြန်လည် ရှင်းပြပေးနိုင်ပါလိမ့်မယ်။ ကျောင်းအုပ်ကြီးဆီကို ကလေးရဲ့ရောဂါအခြေအနေတွေ၊ ကုသဖို့ အစီအစဉ်တွေကို ရေးပြီး ပို့ပေးဖို့ လည်း လိုအပ်ပါလိမ့်မယ်။ ကျောင်းက ကလေးရဲ့ အခြေအနေတွေ၊ ကုသမှု အချိန်စာရင်းတွေနဲ့ သင့်ကလေး ဘယ်လောက်ကျောင်းပျက်နိုင်မလဲဆိုတာ သိသင့်ပါတယ်။ ကလေးရဲ့အခြေအနေကို […]

ခုမှ ပထမဆုံး ဖခင်ဖြစ်ရတော့မယ်ဆိုတာကြီးက အတော်ကို လွှမ်းမိုးနိုင်ပြီး တစ်မျိုးတော့ ကြောက်စရာကောင်းတဲ့ အတွေ့အကြုံတစ်ခုဖြစ်ပေမယ့် အမျိုးသားအများစုကတော့ လျင်လျင်မြန်မြန်ပဲ သင်ယူတတ်မြောက်သွားကြပါတယ်။ ဖခင်ဘဝဟာ အမျိုးသားတစ်ယောက်ရဲ့ ဘဝကိုလည်း ပြောင်းလဲစေနိုင်တယ်လေ။ မိခင်တွေက ကလေးတွေအပေါ်ခံစားသလို စိတ်မျိုး အဖြစ်လည်း သူတို့ရဲ့ဦးနှောက်က ပြောင်းလဲပေးလိုက်ပါတယ်။   အဖေ့ ဦးနှောက်(အတွေး)က အမေနဲ့ အတူတူပါပဲ။ ဖခင်ဘဝနဲ့ ကလေးတစ်ယောက်ရလာပြီးတဲ့နောက် လိုအပ်ချက်တွေဟာ ခံားချက်တွေ၊ စိတ်ပိုင်းဆိုင်ရာတွေနဲ့ ရုပ်ပိုင်းဆိုင်ရာ အားထုတ်မှုတွေ အများကြီးလိုအပ်လာကြောင်း သိလာပါလိမ့်မယ်။ ကလေးတစ်ယောက်ကို ဂရုစိုက်ပြုစုတာက ဖခင်ရဲ့ဥိးနှောက်ကို ပြုပြင်လိုက်ပြီး မိခင်တွေမှာ တွေ့ရသလို အတွေးအခေါ်နဲ့ ခံစားမှုပုံစံလမ်းကြောင်းတွေကို တွေ့ရပါတယ်။ ဖခင်တွေမှာလည်း ဟော်မုန်းအပြောင်းအလဲတွေ ဖြစ်ပါတယ်။ ကိုယ်ဝန်ဆောင်ခြင်း၊ ကလေးမွေးခြင်းနဲ့ နို့တိုက်ခြင်း အရာအားလုံးဟာ မိခင်တွေမှာတော့ ဟော်မုန်းအပြောင်းအလဲတွေဖြစ်စေပါတယ်။ ဒါပေမဲ့ လေ့လာသူတွေကတော့ အမျိုးသားတွေမှာလည်း သူတို့ဖခင်ဘဝရောက်တဲ့အခါမှာ ဟော်မုန်းအပြောင်းအလဲတွေနဲ့ ကြုံတွေ့ရတယ်ဆိုပါတယ်။ ကျွမ်းကျင်းသူတွေကတော့ မိခင်နဲ့ ကလေးတို့နဲ့ ထိတွေ့ဆက်ဆံနေမှုဟာ […]

ကလေးများရန်ဖြစ် ခြင်းသည် သဘာဝပင်ဖြစ်ပြီး မောင်နှမများသည် မိဘတို့၏ အာရုံစိုက်မှုကို ရရှိစေရန် တစ်ယောက်နှင့်တစ်ယောက် ယှဉ်ပြီးရန်ဖြစ်ခြင်းများပြုလုပ်တတ်ကြသည်။ မောင်နှမတိုင်းတွင် ပဋိပက္ခဖြစ်တတ်သည်မှာ ပုံမှန်ဖြစ်ပြီး သဘောထား မတိုက်ဆိုင်ခြင်းများကလည်း ရှောင်လွဲမရတတ်ပါ။ သို့သော် ကလေးများကြား ဆက်ဆံရေးပြန်လည် ကောင်းမွန်စေရန် အချက်မှာ ရန်ဖြန်တာကို ဘယ်လိုပြန်ဖြေရှင်းသလဲပေါ် မူတည်ပါသည်။ ညီအစ်ကို မောင်နှမချင်း ရန်ဖြစ်တာ မဆန်းပါ။ ဖြစ်ကိုဖြစ်တတ်သည်ကို သင်သိထားရပါမည်။ သို့သော် တခြားအရာများလိုပင် သင်ကိုင်တွယ်ရမည့်နည်းလမ်းနှင့် ဗျူဟာများတော့ လိုပါလိမ့်မည်။ ကလေးတွေ ဘာကြောင့် ရန်ဖြစ်ရသလဲ။ ပထမဆုံးအနေနှင့် ကလေးများရန်ဖြစ် ရသည့် အကြောင်းရင်း၄ ခုရှိသည်ကို သိထားသင့်ပါသည်။ တစ်ခုစီကလည်း ခံစားချက်တစ်မျိုးစီကို အခြေခံပါသည်။ အဘယ့်ကြောင့်ဆိုသော် ကလေးများရန်ဖြစ်ခြင်းသည် များသောအားဖြင့် ခံစားချက်တွေကြောင့်ဖြစ်ပြီး ဟုတ်တိပတ်တိအကြောင်းများကြောင့် မဟုတ်ပါ။ ပျင်းရိခြင်း သင့်ကလေး ပျင်းလာသည့်အခါ သူ့ကိုပြန်တုန့်ပြန်မှာ သေချာသည့် တစ်ယောက်ယောက်ကို အပျော်စနောက်ရန်ရှာတာထက် ကောင်းတဲ့နည်းလမ်းရှိမှာ […]

ကလေးများကို ခွင့်မပြုသည့်နေရာများ ဘာကြောင့်ရှိရသလဲ။ အရွယ်ရောက်ပြီးသူများနှင့်မတူပဲ ကလေးများသည် အသိပညာနည်းသူများဖြစ်သောကြောင့် သူတို့၏ခံစားမှုနှင့် စိတ်အခြေအနေများအား ကောင်းကောင်းထိန်းချုပ်နိုင်စွမ်း မရှိကြပါ။ ဘယ်နေရာမဆို ကလေးများသည် မိဘများကို အရှက်ရစေနိုင်သည်ကိုမသိကြပဲ ကန်ကျောက် အော်ဟစ်တတ်ကြပါသည်။ ဖြစ်ရပ်အများစုတွင် သူတို့လိုချင်သည်ကိုမရသည့်အခါ ဒေါသထွက်ကြောင်း ပြသတတ်ကြသော်လည်း တချို့အခြေအနေများတွင်တော့ ၎င်းတို့သည် အကြောက်တရား၊ စိုးရိမ်မှုတို့နှင့် ဆက်စပ်နေပါသည်။ ကလေးများ၏ အကျိုးအကြောင်းမရှိ ကြောက်တတ်ခြင်းသည် အသက်ကြီးလာသည်နှင့် တဖြည်းဖြည်းပျောက်သွားတတ်ပါသည်။ သို့သော် မိဘများမှ ဘာလုပ်ရမည်ကိုသိထားလျှင် မြန်မြန်ပျောက်သွားအောင် တွန်းအားပေးနိုင်ပါလိမ့်မည်။ ထိတ်လန့်၍အကြောက်ကြီးနေသောကလေးအား ဘယ်လိုစိတ်ငြိမ်အောင်လုပ်မလဲ။ အေးဆေးပြီး ပုံမှန်ဖြစ်သောအသံကိုထိန်းပြောပါ။ အရွယ်ရောက်ပြီးသူများ စိတ်ထဲတွင်မှတ်ထားရမည့် ပထမဆုံးသောအရာမှာ ကလေးများမှ မရည်ရွယ်ပဲ ပြုလုပ်မိသည့် မကောင်းသော ခံစားချက်များနောက်လိုက်ပြီး စိတ်လိုက်မာန်ပါမလုပ်ရန်ဖြစ်သည်။ ပြောသည်မှာ လွယ်သလောက် တကယ်မလုပ်ရန်ခက်၏။ အသံကျယ်ခြင်းသည် စိတ်အခြေအနေကို ပိုဆိုးဝါးစေသောကြောင့် မိဘများသည် အသံကို နှိမ့်ပြီး တည်တည်ငြိမ်ငြိမ် ဖြစ်နေသင့်သည်။ ရုပ်ပိုင်းဆိုင်ရာဖြင့် ချစ်ခင်မှုကိုပြပါ။ ကလေးလက်များကို […]

မိထွေး ပထွေးတိုင်း ရုန်းကန်ရလေ့ရှိသည့် အချက်များထဲမှ တစ်ခုသည် သူတို့၏ အိမ်ထောင်ဖက်မှ ပါလာသော သားသမီးများနှင့် ကောင်းမွန်ပြည့်စုံသော ဆက်ဆံရေးရရှိရန် ဘယ်လိုလုပ်ရမည်ကို မသိခြင်းပင်ဖြစ်သည်။ ကြိုးစားရာတွင် အချိန်နှင့်စိန်ခေါ်မှုတော့ အနည်းငယ် လိုပါလိမ့်မည်။ ထို့ကြောင့် သင့်ဖက်က စိတ်ရှည်ရှည်ထားပြီး အိမ်ထောင်ဖက်၏ကလေးများနှင့် ဆက်နွယ်ပါတ်သတ်ရာတွင် အထောက်အကူပြုမည့် အောက်ပါ အလွယ်ကူဆုံး နည်းဗျူဟာ ၄ ခုကို လေ့လာကြည့်ပါ။   ၁။ ပထမဆုံးတွေ့တွေ့ချင်း ထင်မြင်ချက်သည် အရေးကြီး၏။ · လူတစ်ဦးနှင့် စစတွေ့ချင်း သူ့အပေါ် ထင်မြင်ချက်အမြင်သည် အချိန်အတော်ကြာသည်အထိ မပြောင်းလဲနိုင်သော လူသားတို့၏ သဘာဝဖြစ်ပါသည်။ ထို့ကြောင့် မိထွေး ပထွေးများအနေဖြင့် အိမ်ထောင်ဖက်မှ ပါလာသော ကလေးများနှင့် စစတွေ့ချင်း အကောင်းဆုံးသော ပုံရိပ်ကို ဖန်တီးပြီး အထင်ကြီးလေးစားအောင် သူတို့ဘဝအတွက် အချိန်ပေးနေထိုင်မည့်သူဖြစ်ကြောင်းသိအောင် လုပ်နိုင်ရန် အရေးကြီးပါသည်။ ထို့ကြောင့် နွေးထွေးသော […]

ကလေးမွေးဖွားပြီး တစ်နှစ်အတွင်းမှာ ကလေးမှာ ရုပ်ပိုင်းဆိုင်ရာ၊ လူမှုရေးနဲ့ ခံစားချက်ဆိုင်ရာတွေ အလျင်အမြန်ပဲ တိုးတက်ကြီးထွားလာတတ်ပါတယ်။ ဒီအချိန်အတွင်းမှာ စားသောက်မှုပုံစံကလည်း တိုးတက်လာပြီး အစာတစ်မျိုးတည်းစားတဲ့ကလေးအဖြစ်ကနေ (ဆိုလိုတာက မိခင်နို့ ဒါမှမဟုတ် နို့ဗူးပဲသောက်ရာကနေ) အခြားစားစရာအမျိုးမျိုးကိုလည်း စားတတ်တဲ့အရွယ်ရောက်လာပါပြီ။ စားသောက်ပုံကတော့ လူကြီးတွေနဲ့ တူလာပြီပေါ့။ ဒီပြောင်းလဲနေတဲ့အချိန်အတွင်းမှာ အခြားသူတွေရဲ့ စားသောက်ခြင်း အလေ့အထတွေကို လေ့လာရင်းနဲ့ ကလေးငယ်တွေကို တိုက်ရိုက်ခံစားကြည့်ခိုင်းခြင်းအားဖြင့် အစားအစာတွေအကြောင်း သင်ယူတတ်ပါစေ။ လေ့လာသူတွေကတော့ လမ်းလျှောက်တတ်စအရွယ်မှာ မိခင်နို့တိုက်ကျွေးခြင်းနဲ့ အုပ်ထိန်းမှုပုံစံတွေက ကာလရှည်စားသောက်မှု အလေ့အထတွေအတွက် အရေးပါတဲ့ ကဏ္ဍကနေ ပါဝင်နေတယ်လို့ ဆိုပါတယ်။ မိခင်နို့မစို့ရတဲ့ ကလေးငယ်တွေဟာ သူတို့ကြီးထွားဖွံ့ဖြိုးစဉ်အချိန်မှာ မိဘတွေစားတဲ့ အလေ့အထကနေပြီး သူတို့အတွက် ကောင်းကျိုးတွေအများကြီး ရနေဆဲပါပဲ။ မိခင်နို့တိုက်ကျွေးခြင်းဟာ ပထမ ၆လအတွက် အကောင်းဆုံးအစာဖြစ်ပြီး ဒါဟာ ကလေးရဲ့ နောက်ပိုင်း စားသောက်မှုအလေ့အထတိုးတက်လာမှုအတွက် ကောင်းကျိုးတွေဖြစ်စေတယ်လို့ သက်သေပြုချက်တွေရှိထားပါတယ်။ မိခင်နို့တိုက်ကျွေးခြင်းဟာ ဗိုက်ဆာတဲ့အချိန်နဲ့ […]

ကလေးခန္ဓာကိုယ်ကြီးထွားဖွံ့ဖြိုးမှုအတွက် လိုအပ်သောအာဟာရများနှင့် ၎င်းတို့၏လုပ်ဆောင်မှုများ ကလေးတိုင်း ကျန်းမာသန်စွမ်းတဲ့ ကလေးတစ်ယောက်အနေနဲ့ ကြီးပြင်းလာဖို့ဆိုတာက အာဟာရသင့်တင့်မျှတအောင်ကျွေးမွေးဖို့လိုအပ်တယ်ဆိုတာကို မိဘတိုင်းလိုလို သိရှိပြီးဖြစ်ကြမှာပါ။ ကလေးတွေကို အာဟာရမျှတအောင်ကျွေးမွေးနိုင်စေဖို့အတွက် ကလေးတွေမှာ မဖြစ်မနေလိုအပ်တဲ့ အာဟာရဓာတ်အချို့နဲ့ သူတို့ရဲ့ လုပ်ဆောင်မှုတွေကို ဖော်ပြပေးလိုက်ပါတယ်။ ပရိုတင်း ကြွက်သားတွေနဲ့ ကလေးရဲ့ကိုယ်ခန္ဓာက အခြားတစ်ရှုးတွေကို တည်ဆောက်ပေးတဲ့အာဟာရဓာတ်ဖြစ်ပါတယ်။ ကိုယ်ခံအားစနစ် တိုးတက်ကောင်းမွန်အောင်လည်း အထောက်အပံ့ပေးပါတယ်။ ပရိုတင်းဓါတ်ပါဝင်တဲ့အစားအစာများ - ငါး ကြက်သား ကြက်ဆင်သား အဆီမပါတဲ့အသား အခွံမာသီးတွေ ဥအမျိုးမျိုး နို့အမျိုးမျိုး ဒိန်ချဉ် ချိစ် မြေပဲထောပတ် ပဲပိစပ်အစိမ်း ကာဗိုဟိုက်ဒရိတ်ဓါတ် -ကာဗိုဟိုက်ဒရိတ်က ခန္ဓာကိုယ်အတွက်အလွန်အရေးပါလှတဲ့ စွမ်းအင်အရင်းအမြစ်တစ်ရပ်ဖြစ်ပါတယ်။ ကာဗိုဟိုက်ဒရိတ်က ကလေးတွေရဲ့ ခန္ဓာကိုယ်တည်ဆောက်ဖို့နဲ့ တစ်ရှုးတွေပြုပြင်ဖို့အတွက် အဆီတွေနဲ့ ပရိုတင်းတွေကို အသုံးပြုရာမှာ အထောက်အကူပေးပါတယ်။ ကာဗိုဟိုက်ဒရိတ်ကို အစားအသောက်အမျိုးမျိုးကနေရရှိနိုင်ပါတယ်။ ကာဗိုဟိုက်ဒရိတ်ရရှိနိုင်တဲ့အစားအသောက်များ - ပေါင်မုန့် cereals ထမင်း ခရက်ခ်ကာ ပတ်စတာ အာလူး သံဓာတ် ခန္ဓာကိုယ်အတွက်အောက်ဆီဂျင်တွေကို သယ်ဆောင်ပေးတဲ့သွေးနီဥဆဲလ်တွေဖြစ်ပေါ်အောင် အထောက်အပံ့ပေးပါတယ်။ ကလေးတွေကြီးထွားဖို့အတွက်ထောက်ကူပေးပါတယ်။ […]

ကိုလက်စထရောမြင့်မားတယ်ဆိုတာ လူကြီးကိုရော ကလေးတွေကိုပါ အကျိုးသက်ရောက်စေတဲ့အရာတစ်ခုပါ။ ဒါဟာ ကလေးကြီးပြင်းလာတဲ့အခါ ကျန်းမာရေးပြဿနာတွေအများကြီးကိုဖြစ်စေနိုင်ပါတယ်။ အထူးသဖြင့်တော့ နှလုံးရောဂါပေါ့။ နှလုံးနဲ့ အခြားသော ခန္ဓါကိုယ်အစိတ်အပိုင်းတွေကိုသွေးထောက်ပံ့နေတဲ့ သွေးလွှတ်ကြောနံရံတွေမှာ Plaque တွေစုစည်းလာခြင်းဟာ ကိုလက်စထရောမြင့်မားခြင်းရဲ့ နောက်ဆက်တွဲပြဿနာတစ်ခုပါ။ နှလုံးရောဂါတွေနဲ့ လေဖြတ်ခြင်းတွေကို ဖြစ်စေနိုင်တဲ့ နှလုံးသွေးကြောကျဉ်းခြင်းနဲ့ နှလုံးဆီ သွေးမရောက်ခြင်းတွေဖြစ်စေတဲ့ အဖြစ်အများဆုံးအကြောင်းရင်းတစ်ခုလို့ Plaque တွေကို သတ်မှတ်ထားပါတယ်။   ကလေးဘ၀ ကိုလက်စထရောမြင့်မားခြင်းအန္တရာယ်က ဘယ်သူတွေမှာအရှိနိုင်ဆုံးလဲ။ ကလေးရဲ့သွေးထဲမှာရှိတဲ့ ကိုလက်စထရောလယ်ဗယ်ဟာ မျိုးရိုး၊အစားအသောက်၊ အဝလွန်ခြင်း စတဲ့အချက်၃ချက်နဲ့ ဆက်စပ်နေတယ်လို့ တွေ့ရှိရပါတယ်။ ကိုလက်စထရောမြင့်မားတဲ့ မိဘရဲ့ ကလေးတွေဟာလည်း အများအားဖြင့်တော့ တူညီတဲ့အခြေအနေတွေကို ရင်ဆိုင်ဖြတ်သန်းရမှာပါ။   ကလေးတွေမှာ ကိုလက်စထရောလယ်ဗယ်မြင့်နေတယ်ဆိုတာကို ဘယ်လိုဆုံးဖြတ်မလဲ။ ကျန်းမာရေးဆိုင်ရာ ကျွမ်းကျင်သူတွေကတော့ ကျောင်းနေအရွယ်ကလေးတွေအတွက် ရိုးရှင်းတဲ့သွေးစစ်မှုတစ်ခုကိုလုပ်ပြီး သူတို့ရဲ့ ကိုလက်စထရောကို စစ်ဆေးနိုင်ကြပါတယ်။ မိသားစုထဲမှာ နှလုံးရောဂါရှိနေသူတွေများပြားခဲ့ရင် ဒါမှမဟုတ် ကလေးရဲ့ မိဘမှာ ကိုလက်စထရောမြင့်နေခဲ့ရင်တော့ စစ်ဆေးမှုကို မဖြစ်မနေခံယူဖို့ အရေးကြီးလှပါတယ်။ […]

ကလေးတစ်ယောက်ကို ကြီးပြင်းလာတဲ့ထိ ပြုစုစောင့်ရှောက်ဖို့ဆိုတာ လိုအပ်ချက်တွေအများကြီးရှိနေပါတယ်။ လိုအပ်ချက်တွေလို့ ဆိုရာမှာလည်း ဗဟုသုတ၊ သည်းခံနိုင်စွမ်းနဲ့ အတွေ့အကြုံတွေကလည်း မရှိမဖြစ်လိုအပ်တဲ့အရာတွေပါ။ ဒီအရာတွေအားလုံးထဲမှာ အရေးအကြီးဆုံးအရာတွေထဲက တစ်ခုကတော့ ကလေးအတွက် အစားအစာကို သူ့ကအသက်အရွယ်နဲ့လိုက်ပြီး အာဟာရပြည့်အောင် ပြင်ဆင်ရတာပါပဲ။ ဒီဆောင်းပါးမှာတော့ ကလေးရဲ့ ဘဝအစ ပထမ ၆လအတွင်း အစာတွေကို ဘယ်လို ဘယ်အချိန်မှာ ကျွေးရမယ်ဆိုတဲ့ နည်းလမ်းတွေကို ဖော်ပြပေးသွားမှာပါ။ ကလေးတစ်ယောက်ရဲ့ အသက်အရွယ်ကိုလိုက်ပြီး အစာကျွေးနည်း လမ်းညွှန် ကလေးရဲ့ ပထမ ၄လတာကာလကျွေးမွေးမှု အနေအထား (ပုံစံ) ဒီအသက်အရွယ်မှာတော့ သင့်ကလေးဟာ နို့စို့ဖို့အတွက် နို့သီးခေါင်းဘက်ကို လှည့်ရှာနိုင်နေပါပြီ။ ကျွေးရမည့်အရာ မိခင်နို့ သို့မဟုတ် နို့မှုန့်သာ တိုက်ပါ။ တစ်ရက်တာ ကျွေးမွေးမှု ပမာဏ ကလေးနို့ပမာဏဘယ်လောက်စို့လဲသိရဖို့ဆိုရင် နို့ဘူးတိုက်တဲ့အချိန်မှာ လေ့လာထားနိုင်ပါတယ်။ ဒါပေမယ့် မိခင်နို့တိုက်နေတဲ့အချိန်မှာတော့ ကလေးက တစ်နေ့တာအတွက် လုံလောက်တဲ့ အာဟာရပမာဏကို ရ၊မရဆိုတာ လက္ခဏာအချို့ပေါ် အခြေခံလို့ ဆုံးဖြတ်နိုင်ပါတယ်။ ကလေးကို […]