သဘာဝဆေးဖက်ဝင်ပစ္စည်းများ

အသုံးပြုပုံများလိုဘီလီယာ ကို ဘာအတွက်အသုံးပြုကြသလဲ Lobelia ကို အောက်ပါကျန်းမာရေးအခြေအနေအတွက် အသုံးပြုပါတယ်။ ပန်းနာရင်ကြပ်၊ လေပြွန်ရောင်ခြင်း၊ ကြက်ညှာချောင်းဆိုး၊ မွေးကင်းစကလေးများတွင် အသက်ရှုရပ်သွားခြင်း ကဲ့သို့သော အသက်ရှုလမ်းကြောင်း ပြဿနာများ။ စိတ်ပြေလျော့စေခြင်း ချွေးထွက်များခြင်း ကြွက်သားများ နာကျင်ခြင်း၊ လေးဘက်နာရောဂါကြောင့် အဆစ်တို့ တွင် အကျိတ်အဖုများ ဖြစ်နေခြင်း၊ အတွင်းကြေခြင်း၊ အဆစ်လွဲခြင်း၊ အကောင်ကိုက်ခြင်း၊ အပင်ဆိပ်မိခြင်း နှင့် ပွေးပေါက်ခြင်း။ Lobelia ကို အခြားအခြေအနေများအတွက်လည်း အသုံးပြုပါသေးတယ်။ ထပ်မံသိရှိလိုသည်များအတွက် ဆရာဝန်၊ ကျွမ်းကျင်သူတို့ကို မေးမြန်းပါ။ လိုဘီလီယာဘယ်လိုအလုပ်လုပ်လဲ Lobelia မှာ အကျိအချွဲတွေကို နည်းပါးစေခြင်းအားဖြင့် ချောင်းဆိုးရ၊ အသက်ရှုရ လွယ်ကူအောင် လုပ်ပေးတဲ့ ဓါတုပစ္စည်းတွေ ပါဝင်ပါတယ်။ အထူးသဖြင့် ပန်းနာရင်ကြပ်သမားတွေမှာပေါ့။ Lobelia မှာ ပါတဲ့ ဓါတုပစ္စည်းတစ်မျိုးက နီကိုတင်းလို အစွမ်းရှိပါတယ်။ Lobelia ဘယ်လို အလုပ်လုပ် တယ်ဆိုတာ အတိအကျဖော်ပြနိုင်တဲ့ လေ့လာတွေ့ရှိချက်တွေ မရှိသေးပါဘူး။ […]

အသုံးပြုပုံများထပ်တစ်ရာပန်း ကို ဘာအတွက်အသုံးပြုကြသလဲ ထပ်တစ်ရာပန်းဆိုတာ အပင်တစ်မျိုးပါ။ ရာသီသွေးလာစေခြင်း နှင့် အဖျားကျစေခြင်းတို့အတွက် အသုံးပြုပါတယ်။ လည်ချောင်းနာ၊ ပါးစပ်နာ၊ ရာသီလာစဉ် သားအိမ်ညှစ်ခြင်း၊ ကင်ဆာနှင့် အစာအိမ်၊အူသိမ် အနာပေါက်ခြင်းတို့ကို ကုသရန်အတွက်လည်း သုံးပါတယ်။ အောက်ပါတို့အတွက်လည်း အရေပြားကို လိမ်းနိုင်ပါတယ်။ အနာ၊ အရောင် ကျစေခြင်း အနာမကျက်နိုင်ခြင်း၊ ခြေထောက်အနာဖြစ်ခြင်းများ ကုသခြင်း နှာခေါင်းသွေးလျံခြင်း၊ သွေးပြန်ကြောများ ထောင်နေခြင်း၊ လိပ်ခေါင်း၊ အူမကြီး ရောင်ရမ်းခြင်း နှင့် မျက်ခွံအတွင်းသား ရောင်ရမ်းခြင်း တို့ကို ကုသခြင်း ထပ်တစ်ရာပန်းကို အခြားအရာများအတွက်လည်း အသုံးပြုပါသေးတယ်။ နောက်ထပ်သိရှိလိုပါက ဆရာဝန်၊ ကျွမ်းကျင်သူတို့ကို မေးမြန်းပေးပါ။ ထပ်တစ်ရာပန်းက ဘယ်လိုအလုပ်လုပ်လဲ ထပ်တစ်ရာပန်းမှာ ပါတဲ့ ဓါတုပစ္စည်းတစ်မျိုးက ို တစ်ရှုးတွေ အသစ်ဖြစ်စေခြင်းအားဖြင့် အနာကျက်ခြင်း ကူညီပေးတယ်၊ လည်းချောင်းနဲ့ ပါးစပ်တွေမှာ ရှိတဲ့ ရောင်ရမ်းနာတွေကို လျော့နည်းစေတယ်လို့ သိရပါတယ်။ နောက်ထပ်သိရှိလိုပါက ဆရာဝန်၊ကျွမ်းကျင်သူတို့ဖြင့် ဆွေးနွေးတိုင်ပင်ပေးပါ။ ကြိုတင်သတိပြုရန်များနှင့် […]

အသုံးပြုပုံများနာနတ်သီး ကို ဘာအတွက်အသုံးပြုကြသလဲ နာနတ်သီးကို ကပ်ပါးပိုး၊ သန်ကောင်များ နှိမ်နင်းရန်အတွက်အသုံးပြုပြီး အစာအိမ်ပြဿနာများကို သက်သာစေသည်။ ကိုယ်ဝန်ဖျက်ချရန် နှင့် ဓမ္မတာလာစေရန် လှုံ့ဆော်ရာတွင်လည်း အသုံးပြုသည်။ နာနတ်သီးမှ ရရှိသော bromelain ပရိုတင်းကို ကျန်းမာရေးဓါတ်စာအဖြစ် အသုံးပြုလျက်ရှိသည်။ ၎င်းသည် ကင်ဆာဆဲလ်ကြီးထွားခြင်းကို နှောင့်ယှက်တားဆီးပြီး သွေးခဲခြင်းကိုတားကာ ရောင်ရမ်းခြင်းကို လျော့ကျစေ၍ အနာမှ ပျက်စီးတစ်ရှူးများ ဖယ်ရှားရန်လည်း ကူညီပါသည်။ နာနတ်သီးကို အခြားနေရာများတွင် အသုံးပြုရန် ညွှန်ကောင်းညွှန်နိုင်သည်။ ထပ်မံသိရှိလိုပါက ဆရာဝန် (သို့) ဆေးဝါးကျွမ်းကျင်ပညာရှင်ကို မေးမြန်းနိုင်ပါသည်။ နာနတ်သီးကဘယ်လိုအလုပ်လုပ်လဲ လက်တွေ့စမ်းသပ်လေ့လာချက်များအရ နာနတ်သီးမှ ရရှိသော သဘာဝကုန်ကြမ်း bromelain ပရိုတင်းသည် ကုထုံးများတွင် ကျယ်ပြန့်စွာ အထောက်အကူပြုလျက်ရှိကြောင်း သိရသည်။ သက်သေအထောက်အထားများအရ bromelain ကို မီးလောင်နာများ ဆဲလ်သေများ ဖယ်ရှားရန်နှင့် အရောင်ကျစေရန် အသုံးပြုလျက်ရှိသည်။ ပိုမိုသိရှိလိုပါက သင့်ဆရာဝန် […]

အကြောပြင်ကုထုံးဟာဆိုရင် ကျောရိုးနှင့် အဆစ်အမြစ်ပိုင်းဆိုင်ရာ ပြဿနာတွေကို လက်ဖြင့် အနေအထားပြုပြင်ပြောင်းလဲသော ကုသမှု ဖြစ်ပြီး ဆေးသောက်ခြင်း သို့မဟုတ် ခွဲစိတ်ကုသမှု လုပ်စရာမလိုပဲ သဘာဝအတိုင်း ခန္ဓါကိုယ်ကို ပြန်ကောင်း သွားအောင် ကူညီပေးတဲ့ ကုသမှု အမျိုးအစားတစ်ခု ဖြစ်ပါတယ်။ တကယ်လို့ ဒီကုသမှုဟာ သင့်အတွက် အသစ်ဖြစ်နေတယ်ဆိုရင် ၎င်းရဲ့ အကြောင်းကို ပိုမိုသိရှိဖို့ရာ သင့်ကို အောက်ပါအချက် ၁၀ ချက်က ကူညီပေးနိုင်ပါလိမ့်မယ်။ ၁။ အကြောပြင်ကုသမှုဟာ ကမ္ဘာတစ်ဝှမ်းအသုံးပြုလျက်ရှိသည် ၎င်းကုသမှုဟာ ကမ္ဘာ အနှံ့အပြားမှာ ရေပန်းစားနေပါတယ်။ အမေရိကန် နိုင်ငံမှာ ၁၉၈၅ ခုနှစ်ကစပြီး ရေပန်းမစားခင် ကတည်းက တရုတ်နိုင်ငံတွင် ၎င်းနည်းကို ကျောရိုးဆိုင်ရာ ပြုပြင်ကုသမှုမှာ အချိန်အကြာကြီး အသုံးပြုနေပြီးဖြစ်ပါတယ်။ ၁၉၆၀ ကိုရောက်လာတဲ့ အခါမှာ ၎င်းအကြောပြင် ကုသမှုဟာ […]

၎င်းပြုပြင်ကုသမှုဟာ ခါးနာကျင်ခြင်း နှင့် အခြားနာကျင်မှုဝေဒနာ အမျိုးအစားများစွာကို သက်သာစေနိုင်တယ်လို့ များသောအားဖြင့် သိကြပါတယ်။ သို့သော် ၎င်းဟာ သင့်ရဲ့ ကိုယ်ခံအားစနစ်ကို မြှင့်တင်ပေးတယ်ဆိုတာရော သင်သိပါလား။ ၎င်းနှင့် ပတ်သက်ပြီး လေ့လာမှုများစွာနဲ့ သုတေသန ပြုချက်များစွာ ရှိပါတယ်။ ၎င်းလေ့လာမှုတွေရဲ့ ရလဒ်အရ ကျောရိုးနှင့် အဆစ်အမြစ်များကို လက်ဖြင့် အနေအထားပြုပြင်ပြောင်းလဲ ကုသသော အကြောပြင်ကုထုံးဟာ ကိုယ်ခံအားစနစ်ကို ပိုကောင်းစေတယ်ဆိုတာကိုပါ တွဲဖက်တွေ့ရှိရပါတယ်။ ထပ်မံလေ့လာဖို့တော့လိုအပ်နေဆဲ ဖြစ်ပါတယ်။ သို့သော် အနာဂတ်မှာတော့ ပိုကောင်းလာနိုင်ဖွယ်ပဲ ရှိပါတယ်။ ၎င်းပြုပြင်ကုသမှုဟာ သင့်ရဲ့ ခုခံအားစနစ်ကို ဘယ်လို အကျိုးသက်ရောက်စေတယ်ဆိုတာကို အတွင်းကျကျလေ့လာကြည့်ကြရအောင်။ အကြောပြင်ကုထုံးဆိုတာ ဘာလဲ။ အကြောပြင်ကုထုံးဆိုတာ ကျောရိုးနှင့် အဆစ်အမြစ်များကို လက်ဖြင့် အနေအထားပြုပြင် ပြောင်းလဲကုသခြင်းဖြစ်ပါတယ်။ ဒီကုသမှုဟာ ပထမဦးစွာတော့ ကြွက်သားများ၊ အဆစ်အမြစ်များ၊ အရိုးများနှင့် တွယ်ဆက်တစ်ရှူးများရဲ့ […]

အဆီချေဖျက်ကုသမှုခံယူပြီးတဲ့ ဇနီးသည်တွေကို အမျိုးသားများဘက်မှ ဂရုစိုက်စောင့်ရှောက်ရမယ့် နည်းလမ်းတွေကို ဖော်ပြပေးထားပါတယ်။ အဆီချေဖျက်ကုသခြင်းဟာ အဆီများစုပ်ထုတ်၍ ကုသခြင်းမျိုးနှင့် ပုံစံတူသော်လည်း ခွဲစိတ်မှုမဟုတ်သော ကုသနည်းမျိုးဖြစ်ပါတယ်။ ဒါကြောင့် အဆီများစုပ်ထုတ် ကုသခြင်းရဲ့ အဓိက အန္တရာယ်တွေကို ရှောင်ရှားနိုင်ပါတယ်။ သို့သော် ဒီကုသမှုဟာလည်း အန္တရာယ်လုံးဝကင်းတဲ့ ကုသမှုလို့တော့ မဆိုနိုင်ပါဘူး။ ဒါ့အပြင် အဆီချေဖျက် ကုသပြီးနောက်မှာလည်း ဆက်ပြီး ဂရုစိုက်ပေးဖို့ရာလည်း လိုအပ်ပါတယ်။ အောက်ဖော်ပြပါ နည်းလမ်းအချို့ကတော့ ခင်ပွန်းသည်ဟာ မိမိရဲ့ ဇနီး ဆေးထိုးပြီး အဆီချေဖျက်ကုသပြီးတဲ့နောက် ပံ့ပိုးကူညီရမယ့် နည်းလမ်းတွေကို ဖော်ပြပေးထားပါတယ်။ သင့်ဇနီးရဲ့ သွေးခြေဥနေတဲ့နေရာတွေကို အေးအောင် ပြုလုပ်ပေးပါ။ ကုသမှု ခံယူပြီးတဲ့နောက်မှာ အဆီတွေဟာ အရည်ပျော်လာမှာ ဖြစ်တဲ့အတွက် အရေပြားယားခြင်း၊ နီခြင်း နှင့် ဖောင်းခြင်းတွေ ဖြစ်ပေါ်လာနိုင်ပါတယ်။ ဒါကြောင့် ဒီနေရာတွေကို ရေခဲကပ်ပေးခြင်း […]

Maidenhair tree လို့ လူသိများတဲ့ Ginkgo biloba ဟာ ကမ္ဘာပေါ်မှာ ရှေးအကျဆုံး အပင်မျိုးစေ့တွေထဲက တစ်ခုဖြစ်ပါတယ်။ Ginkgo ပင်တွေဟာ အလွန်ထူးခြားတဲ့ အစွမ်းသတ္တိတွေ ရှိပါတယ်။ သူတို့ဟာ ပေ၁၃၀ ကျော်အထိ မြင့်နိုင်ပြီးတော့ နှစ်ပေါင်း ၁၀၀၀ ကျော်တဲ့ အထိ အသက်ရှင်နေနိုင်ကြပါတယ်။ မကြာသေးမီနှစ်တွေက Ginkgo အာဟာရတွေဟာ အလွန်ထင်ရှားလာပါတယ်။ သူတို့ဟာ အခုလောလောဆယ်မှာ ရောင်းအားအကောင်းဆုံး ဆေးဖက်ဝင် အပင်နဲ့ ဖေါ်စပ်ထားတဲ့ ဆေးတစ်မျိုးဖြစ်ပါတယ်။ Ginkgo ဟာ အရေးကြီးတဲ့ တရုတ်တိုင်းရင်းဆေးတစ်မျိုးဖြစ်ပြီး Ginkgo ရွက်နဲ့ အစေ့တွေဟာ နှစ်ပေါင်းထောင်ပေါင်းများစွာ အသုံးပြုခဲ့ကြပါတယ်။ Ginkgo က ထုတ်လုပ်ထားတဲ့ ပစ္စည်းကို အပင်ရဲ့ ခြောက်သွေ့တဲ့ အစိမ်းရောင်အရွက်တွေကနေ ထုတ်ယူပြီးတော့ အရည်ပုံစံ၊ ဆေးတောင့်ပုံစံနဲ့ […]

ပျားတစ်ကောင်ဟာ ဝတ်ရည်ကို စုစည်းချိန်မှာ ပန်းတွေက ဝတ်မှုန်အချို့ဟာ သူတို့နဲ့ ပါလာတတ်ပါတယ်။ ဒီဝတ်မှုန်တွေဟာ ချိုမြိန်တဲ့ အရသာရှိတဲ့ ရွှေရောင် အမှုန့်လေးတွေပုံစံနဲ့ လာတတ်ပါတယ်။ ပျားဝတ်မှုန်ဟာ သွေးမဆုံးခင်ဖြစ်တတ်တဲ့ ရောဂါ (PMS)၊ ဆီးကျိတ်ကြီးခြင်းနဲ့ အခြားအရေပြား ထုတ်ကုန်တွေမှာ သူ့ရဲ့ ကျန်းမာရေးအတွက် ကောင်းတဲ့ ဂုဏ်သတ္တိကြောင့် ထင်ရှားတဲ့ ဖြည့်စွက်ပစ္စည်းအနေနဲ့ ပါဝင်ပါတယ်။ အောက်ဖေါ်ပြပါအချက်တွေကတော့ ပျားဝတ်မှုန်ကို သင့်နေ့စဉ်အစားအေသာက်ထဲထည့်သွင်းသင့်တဲ့ အဓိက အချက်တွေဖြစ်ပါတယ်။ ၁။ ပရိုတင်း၊ ဗီတာမင်နဲ့ antioxidants တွေ ပါဝင်ပါတယ်။ ပျားတွေဟာ ပျားငယ်လေးတွေကို ပျားဝတ်မှုန်တိုက်ကျွေးတယ်ဆိုတာ သင်သိပါသလား။ ပျားဝတ်မှုန်ရဲ့ ၄၀% ဟာ ပရိုတင်းတွေ ဖြစ်ပါတယ်။ သူ့မှာ လူတွေ လိုအပ်တဲ့ အာဟာရမျိုးစုံ ပါဝင်ပါတယ်။ ပျားဝတ်မှုန်မှာ ပါဝင်တဲ့ ပရိုတင်းဟာ စားပြီးပြီးချင်း အသုံးပြုနိုင်တဲ့ amino […]

အခုအချိန်မှာတော့ အမျိုးသမီးအတော်များများဟာ သူတို့ရဲ့ ကြီးကျယ်ခမ်းနားတဲ့ အလှအပဆိုင်ရာ ဂရုစိုက်မှုကို စွဲမြဲယုံကြည်ကြတယ်ဆိုတာ သင်သိပြီး ဖြစ်နိုင်ပါတယ်။ ဒါပေမယ့် သင်ဒါကိုတော့ သိအုံးမှာမဟုတ်ပါဘူး။ လူအတော်များများဟာ သူတို့ရဲ့ ညနေဘက်တွေကို မျက်နှာကြွက်သားတွေကို တောင့်တင်းစေတဲ့၊ အရေပြားလျော့ရဲမှုတွေကို တင်းရင်းစေတဲ့၊ အသားအရေကို ဝင်းလက်စေတဲ့၊ နောက်ဆုံး မျက်နှာကိုတောင်သွယ်လျစေတဲ့ နှိပ်နယ်မှုတွေလုပ်ဆောင်ရင်း ကုန်ဆုံးလေ့ရှိပါတယ်။ မျက်နှာဟာ ဘာလို့ ဖေါင်းနေရတာလဲ။ မျက်နှာကို ကြီးသယောင် ထင်ရစေတတ်တဲ့ အစိတ်အပိုင်းတွေကတော့ နှဖူး၊ ပါးရိုး၊ မေးရိုးတွေပဲ ဖြစ်ပါတယ်။ သင့်မျက်နှာ ကြီးမကြီးဆိုတာကို လူတွေက ဒါကိုကြည့်ပြီး ဆုံးဖြတ်လေ့ ရှိကြတာဖြစ်ပါတယ်။ လေးထောင့်ကျတဲ့ မေးရိုးရှိတဲ့သူတွေဟာ မျက်နှာပိုကြီးသယောင်ထင်ရပါတယ်။ ဘာလို့လဲဆိုတော့ အောက်မေးရိုးနံရံတွေကြားက နေရာဟာ အမျိုးသမီးတွေမှာ တွေ့ရတဲ့ ကြွက်သားရှိတဲ့ အသွင်အပြင်တစ်ခု ဖြစ်နေလို့ပဲဖြစ်ပါတယ်။ ဒီအစိတ်အပိုင်းဟာ အသက်ကြီးလာတာနဲ့ အမျှ ဖောင်းလာပြီး မျက်နှာကို […]

တစ်ညလုံး နှစ်နှစ်ခြိုက်ခြိုက်နဲ့ ပြည့်ပြည့်ဝဝ အိပ်ထားပေမယ့် မနက်အိပ်ယာနိုးတဲ့အခါ နွမ်းနယ်နေသလိုမျိုးခံစားရပါသလား။ မနက်တိုင်း လေးလံထိုင်းမှိုင်းနေပြီး ညအိပ်ယာဝင်ချိန်မှာလည်း စိတ်ရောကိုယ်ပါ နုံးချိပင်ပန်းနေတယ်လို့ ခံစားနေရပါသလား။ သင့်အဖြေက ဟုတ်တယ်ဆိုရင် သင့်ကို စွမ်းအင်တွေ အမြန်ဆုံးမြှင့်တင်ပေးပြီး အောင်မြင်ပျော်ရွှင်တဲ့ နေ့သစ်တွေဆီ အရောက်ပို့ပေးနိုင်ဖို့ အောက်မှာ ဖော်ပြထားတဲ့ အချက်လေးတွေကို ဖတ်ကြည့်လိုက်ပါဦး။ အကြောလျှော့ပါ မနက်အိပ်ယာထတဲ့အခါ ကုတင်ဘေးမှာ ဒါမှမဟုတ် တံခါးနားမှာ ခြေဖျားထောက်ပြီး ရပ်ပါ။ လက်နှစ်ဖက်ကို ဘေးဆန့်ပါ။ ပြီးရင် သင့်ရင်ဘတ်နဲ့ ကျောမှာ ကောင်းကောင်းကြီးပြေလျော့သွားပြီလို့ ခံစားရတဲ့အထိ ရင်ကိုကော့ပေးပါ။ ပြီးရင် အဲ့ဒီအနေအထားအတိုင်း မိနစ်ဝက်လောက်နေပေးပါ။ ဒီလိုလုပ်ပေးခြင်းဟာ သင့်အာရုံကြောတွေအတွက် အထောက်အကူဖြစ်စေပြီး စိတ်ရောကိုယ်ပါ ကျန်းမာလန်းဆန်းစေတယ်လို့ ဝါရင့် ယောဂနည်းပြဆရာတဦးက ဆိုပါတယ်။ နားချိန်တိုလေးတွေ မကြာခဏယူပါ ဒီလိုလုပ်ပေးခြင်းဟာလည်း သင့်ကို ပင်ပန်းနွမ်းနယ်မှုတွေကနေ အဝေးဆီ ဆွဲခေါ်သွားနိုင်ပါတယ်။Louisiana State တက္ကသိုလ်က သုတေသီတွေရဲ့အလိုအရ […]