ကျန်းမာစွာ စားသောက်ခြင်း

လူတစ်ယောက်နေ့စဉ်လိုအပ်တဲ့ ဗီတာမင်နဲ့ သတ္တုဓါတ်တွေဆိုတာ အသက်အရွယ်၊ ကိုယ်ခန္ဓါအချိုးအစားနဲ့ ယောက်ျား မိန်းမပေါ်မူတည်ပြီး ပြောင်းလဲနေတာပါ။ ပုံသေမရှိပါဘူး။ ပြီးတော့ လူတွေဟာ အာဟာရမျှတအောင် စားဖို့ထက် ကိုယ်ကြိုက်တာတွေပဲ ပိုစားနေကြသူချည်းပါပဲ။ ဒါကြောင့် နေ့တိုင်း အစားစားနေပေမယ့်လည်း ဗီတာမင်နဲ့ သတ္တုဓါတ်တွေအကုန်ပြည့်အောင် မရနိုင်ကြပါဘူး။ ဒီလိုနဲ့ ကြာလာတဲ့အခါ ဗီတာမင် နဲ့ သတ္တုဓါတ် ချို့တဲ့တာတွေဖြစ်လာပါတယ်။ ဒါဆို ကိုယ့်မှာ ဗီတာမင်နဲ့ သတ္တုဓါတ်တွေချို့တဲ့နေပြီဆိုတာ ဘယ်လိုသိနိုင်မှာလဲ။ ။ ကိုယ်နေ့တိုင်း အစားစားနေပေမယ့် ဗီတာမင်နဲ့ သတ္တုဓါတ်တွေ ချို့တဲ့တာတွေ ဖြစ်နိုင်သေးတဲ့အတွက် ကိုယ့်မှာ ဘာ ဗီတာမင်နဲ့ သတ္တုဓါတ်တွေချို့တဲ့နေပြီလဲဆိုတာ သိနိုင်ဖို့ ဒီအချက်လေးတွေ ဖတ်ကြည့်စေချင်ပါတယ်။ ဗီတာမင် A ။ ။ ဗီတာမင် A ချိုတဲ့နေရင် အရေပြားမှာ ကြာဆူးတွေပေါက်လာမယ်။ ညဘက်ရောက်ရင် မျက်လုံးကသိပ်ကြည့်မကောင်းတော့ဘူး။ လက်သည်းတွေမှာလည်း […]

အစာစားရင် ဖြည်းဖြည်းစား၊ သေချာကျေညက်အောင် ဝါးစားဆိုပြီး လူကြီးတွေ ငယ်ငယ်က ပြောဖူးတာ မှတ်မိကြမယ်ထင်ပါတယ်။ တကယ်တော့ အစာကို ဖြည်းဖြည်းနဲ့ မှန်မှန်စားပေးတာက ကျွန်တော်တို့အတွက် အစာခြေဖို့ ကူညီပေးနိုင်တဲ့အပြင်ကိုမှ ကိုယ်အလေးချိန်ကိုလည်း ကျစေနိုင်ပါတယ်။ ဒါပေမယ့်လည်း လူတွေက အစာစားရင် အလုပ်မအားတာနဲ့၊ အမြန်ပြီးချင်ဇောနဲ့ လောကြီးပြီး စားတတ်ကြတယ်နော်။ ဒီနေ့ဆောင်းပါးမှာ အစာကိုဖြည်းဖြည်း စားမလား၊ မြန်မြန်စားမလား ဘယ်လိုအကျိုးကျေးဇူးတွေ ရနိုင်လဲဆိုတာ ပြောပြပေးမယ်နော်။ အစာဖြည်းဖြည်းစားတဲ့အခါ ဘာကောင်းကျိုးရှိလဲ အစာကို ကျေညက်အောင် ဝါးစားတဲ့အခါ ဗိုက်ကိုပိုပြည့်စေပြီး ထပ်ကာတလဲလဲ အစာစားချင်စိတ်ကို ထိန်းချုပ်ပေးတယ်။ အစားအစာကိုလည်း အလွန်အကျွံမဟုတ်ဘဲ လိုအပ်သလောက် ပမာဏကိုသာ ထိန်းပြီး စားတတ်လာတယ်။ အစားလျှော့စားတဲ့အခါ ကယ်လိုရီစားသုံးမှု ပမာဏ လျော့နည်းသွားတယ်။ ခန္ဓာကိုယ်တွင်း အဆီပမာဏ မြင့်တက်လာမှုကို လျှော့ချပေးတယ်။ ကိုယ်အလေးချိန်ကိုလည်း ထိန်းပေးနိုင်သလို အဝလွန်ခြင်းမဖြစ်စေဖို့ […]

ကျန်းမာခြင်းအစ အစားအသောက်က ဆိုတဲ့ စကားလေးကြားဖူးကြမှာပါ။ အသက်ရှင်နေထိုင်နိုင်ဖို့အတွက် နေ့တိုင်း အစာစားပေးနေဖို့လိုပါတယ်။ ဒီလို အသက်ရှင်နေထိုင်တယ်ဆိုတဲ့နေရာမှာ ကျန်းမာတဲ့ ဘဝကို ပိုင်ချင်လား၊ နေထိုင်မကောင်းတဲ့ ဘဝကို ပိုင်ဆိုင်ရမလားဆိုတာကတော့ ကိုယ်ရဲ့ စားသောက်နေထိုင်မှု ပုံစံတွေ အပေါ်မှာ မူတည်နေပါတယ်။ နေမကောင်းဖြစ်ချင်တဲ့သူ ဘယ်သူမှ မရှိပါဘူး။ ဒီတော့ ကိုယ်နေ့စဉ် စားနေတဲ့ ဘယ်အစားအစာတွေက ကျန်းမာရေးအတွက် ကောင်းကျိုးဖြစ်စေတာလဲ ။ ဘယ်လိုအစားအစာတွေကို ဦးစားပေးစားရမလဲ ဆိုတာကို သိထားရင် တကယ်ကို ဒေါင်ဒေါင်မြည်တဲ့ ကျန်းမာရေးတဲ့ ဘဝကို ပိုင်ဆိုင်နိုင်မှာပါ။ ဘာတွေ စားရမလဲ ။ ။ ကျန်းမာတဲ့ ဘဝတစ်ခုကို ပိုင်ဆိုင်ဖို့အတွက် စားပေးသင့်တဲ့ အစားအသောက် ၇ မျိုး ။ ။ ငါး - ကမ္ဘာပေါ်မှာ အသက်အရှည်ဆုံးလူမျိုးတွေ နေထိုင်တဲ့ […]

မုန့်ဟင်းခါးဆိုတာ လူကြိုက်အများဆုံးမြန်မာ့အစားအစာတွေထဲမှာ ထိပ်ဆုံးကပါဝင်နေတာပါ။ မနက်စာဆိုပြီးကြည့်လိုက် မုန့်ဟင်းခါးက မပါမဖြစ်၊ မုန့်ဟင်းခါးဆိုင်ဆိုတာနေရာတိုင်းမှာ ပစ်မလွဲပဲ။နေရာဒေသကိုမူတည်ပြီး ချက်နည်းအမျိုးမျိုး၊ နာမည်အမျိုးမျိုးနဲ့ ကွဲပြားကြပေမယ့် ငါးကိုအခြေခံတာချင်း တူတူပါပဲ။ ပရိုတင်းပြည့်ဝစေတဲ့ ပဲ၊ ကယ်လိုရီအတွက် ဆန်မှုန့်တို့ကို ကိုယ့်နည်းကိုယ့်ဟန်နဲ့ ဖြည့်စွက်ကြပေမယ့် ငါးမပါလို့တော့မရဘူးလေနော်။ မုန့်ဟင်းခါးဆိုတာ မုန့်ဟင်းခါးက ရိုးရိုးသရေစာမဟုတ်ပါဘူး။ ထမင်းမစားဘဲ သူ့ချည်းစားရင်တောင် တစ်နပ်စာအာဟာရအပြည့်အဝပေးနိုင်တဲ့ စားစရာတစ်မျိုးပါ။ ထည့်စားရတဲ့ မုန့်ဖတ်ကိုသာကြည့်ပါ၊ ဆန်နဲ့လုပ်တဲ့မုန့်ဖတ်ရယ်၊ ပဲရယ်၊ ဆန်မှုန့်ရယ်၊ ငါးငံပြာရည်ရယ်၊ ငါးအသား၊ ငါးအရိုးပြုတ်ရည်တွေနဲ့တင် ထမင်းနဲ့ဟင်းစားရသလိုပြည့်စုံသွားစေပါတယ်။ အဲဒီမှာမှ ချင်း၊ စပါးလင်၊ ကြက်သွန်ဖြူနီ၊ ငရုတ်ကောင်း စတဲ့ အမွှေးအကြိုင်တွေကို နိုင်နိုင်ထည့်ပြီးချက်ပြုတ်ရတဲ့အတွက် သူတို့ရဲ့အာဟာရအကျိုးကျေးဇူးတွေကိုပါ တပေါင်းတည်းရနိုင်ပါတယ်။ မုန့်ပွဲပြင်ဆင်တဲ့အခါလည်း အိုးဘဲဥနဲ့ အကြော်တွေပါမယ်၊ဆေးဖက်ဝင်တဲ့ နံနံပင်ပါရင်ပါမယ်၊ဒေသစာ မုန့်ဟင်းခါးတွေ ဥပမာ-မော်လမြိုင်မုန့်ဟင်းခါးဆို ပဲသီး၊ပဲပင်ပေါက်တွေကိုပါ များများထည့်စားတတ်ကြတာမျိုး ဆိုတော့ ရရှိမယ့်အာဟာရက မနည်းမနောပါပဲ။ ဒါ့ကြောင့်နေမကောင်းတဲ့သူတွေ နာလန်ထချိန်တောင်မှ […]

သက်သတ်လွတ်စားခြင်းဟာ ဘာသာရေးအစဉ်အလာကြောင့် (သို့မဟုတ်)၊ မိမိကိုယ်ပိုင်ရွေးချယ်မှုကြောင့် (သို့မဟုတ်)၊ တခြားယုံကြည်ချက်တစ်ခုခုကြောင့် စသဖြင့်အကြောင်းတစ်ခုခုကြောင့် ဖြစ်နိုင်ပါတယ်။ တချို့ကတော့ အသက်သတ်ခြင်းကနေ လွတ်ကင်းတဲ့ ဥအမျိုးမျိုးနဲ့ နို့ကိုစားသုံးကြပါတယ်။ တင်းကြပ်တဲ့သဘာဝရှိသူများကတော့ အသားအပြင် နို့နဲ့နို့ထွက်ပစ္စည်းပါ ရှောင်ကြဉ်ကြပါတယ်။ တိရစ္ဆာန်နဲ့ ပတ်သက်နေရင် ပျားရည်လို အရာမျိုးကိုတောင် ရှောင်ကြဉ်ကြပါတယ်။ အဲဒီအစား အသီးအရွက်တွေပဲ စားကြပါတယ်။ ကျန်းမာရေးအတွက် လိုအပ်တဲ့ အာဟာရဓာတ်တွေဟာ အသားမှာပဲ ရှိတာမဟုတ်လို့ အသီးအရွက်ချည်းပဲ စားနေသူတွေဟာလည်း ကျန်းမာရေးနဲ့ ညီညွတ်မျှတအောင် စားသောက်နိုင်ပါတယ်။ ကျန်းမာရေးအတွက် သက်သတ်လွတ်စားခြင်းဟာ ကောင်းတယ်လို့ ယူဆတာကြောင့် တစ်ကမ္ဘာလုံးမှာ အသီးအရွက်ကိုပဲ အားပြုစားသူတွေဟာ ယခင်ထက် ပိုများလာတယ်လို့ အစီရင်ခံစာတစ်ခုမှာ ဆိုထားပါတယ်။ အမေရိကန် တစ်နိုင်ငံလုံးရဲ့ ၅ ရာခိုင်နှုန်းဟာ အသီးအရွက်စားသူတွေလို့ သိရပါတယ်။ အသီးအရွက်ပဲစားနေခြင်းဟာ ကျန်းမာရေးကို တကယ်ပဲ အထောက်အကူပြုစေပါသလား။ အမှန်တော့ ဘယ်နေရာမဆို […]

အဆီကျဆေးေတွ ရွေးချယ်စရာ ဈေးကွက်မှာ အမျိုးမျိုးရှိနေသလို လူသုံးများတဲ့ အမှတ်တံဆိပ်တွေကလည်း အများကြီးပါ။ ဒါပေမယ့် အဆီကျဖို့ မပင်ပန်းရဘဲ အမြန်ထိရောက်တဲ့ဆေးတွေကိုရွေးကြတာများပါတယ်။ အချိန်တိုအတွင်း ကိုယ်အလေးချိန်များများကျလေဆေးက စွမ်းတယ်၊ကောင်းတယ်ပြောကြလေဆိုတော့ လူကြိုက်များလာတာပဲဖြစ်ပါတယ်။ ဘယ်ဆေးဆို ဘယ်နှပေါင်ကျလဲ အရင်မေးတတ်ကြတယ်မလား။ ဒါပေမယ့် ဒီနေရာမှာအရေးကြီးတဲ့အချက်ကိုမေ့နေကြပါတယ်။ ကိုယ့်အတွက် ဘေးရောကင်းရဲ့လား။ ခန္ဓါကိုယ်ထဲရောက်လာမယ့်ဆေးက ကိုယ့်အတွက်ဘေးအန္တရာယ်ကင်းရဲ့လား၊ စိတ်ချရရဲ့လားဆိုတာ အရင်စဉ်းစားသင့်ပါတယ်။ အဆီကျဆေးတွေရဲ့ လုပ်ဆောင်ချက်နဲ့ အာနိသင်တွေကို ကြည့်မယ်ဆိုရင် အများအားဖြင့် - အစားအသောက်ကို တောင့်တတဲ့စိတ်ဖြစ်မလာအောင်တားဆီးပေးတယ်၊ အစားများများမစားမိခင် ဗိုက်ပြည့်တယ်လို့ ခံစားရစေတယ်၊ ကိုယ်တွင်းဇီဝကမ္မဖြစ်စဉ်ကိုမြန်ဆန်စေတယ်၊ ခန္ဓါကိုယ်မှာ အဆီဖြစ်လာမှုနှုန်းကိုနှေးစေတယ်၊ စားလိုက်တဲ့အဆီတွေကို ခန္ဓါကိုယ်က မစုပ်ယူအောင် တားဆီးပေးတယ်။ အဆီကျစေတဲ့ဖြည့်စွက်ဆေးတွေကိုဆေးတောင့်၊ အမှုန့်၊ အရည်၊ကော်ဖီ၊ စတဲ့ ပုံစံအမျိုးမျိုးနဲ့ ရရှိနိုင်တယ်။ တချို့ဆိုရင် ဂျယ်လီပုံစံနဲ့တောင် ရနိုင်သေးတယ်။ ဘာလို့ အန္တရာယ်များတာလဲ စိတ်အပြောင်းအလဲမြန်ခြင်း၊ သွေးဖိအားမြင့်တက်ခြင်း၊ နှလုံးခုန်နှုန်းမမှန်ခြင်း၊ လေဖြတ်ခြင်း၊ အတက်ရောဂါနဲ့ […]

အစားမလျှော့ချင်ဘူး၊ လေ့ကျင့်ခန်းလုပ်ဖို့လည်းအချိန်မရှိဘူး ဆိုပြီး မြန်မြန်ပိန်ချင်တဲ့သူတွေက အဆီကျဆေးဝယ်သောက်ကြတယ်။ ဘယ်နရက်အတွင်း ဘယ်နပေါင်ကျတယ် ဆိုတဲ့ ကြော်ငြာလေးတွေ၊ ရီဗျူးလေးတွေကလည်း မက်လောက်စရာကိုး။ ဒါပေမယ့် လနဲ့၊နှစ်နဲ့ချီပြီး စုလာခဲ့တဲ့ အဆီတွေ၊ ကိုယ်အလေးချိန်တွေက ရက်ပိုင်းလေးနဲ့ကျသွားဖို့ဆိုတာလောဘသိပ်ကြီးသလိုတော့ဖြစ်နေပါတယ်နော်။ ဆေးစွမ်းတယ်၊ စွမ်းတယ်နဲ့ ဝယ်သောက်ကြတာ ပါဝင်ပစ္စည်းကိုရောဘေးကင်းမကင်းလေ့လာကြည့်ဖူးရဲ့လား။တော်ကြာ ဆေးမှာ တားမြစ်ထားတဲ့ပါဝင်ပစ္စည်းတွေပါနေရင် ဘယ်လိုလုပ်ပါ့မလဲ။ ကိုယ့်ရဲ့ဘေးကင်းမှုအတွက်သေချာလေ့လာသင့်ပါတယ်။တချို့အဆီကျဆေးတွေမှာ သဘာဝဆေးဖက်ဝင်ပစ္စည်းတွေလို့ပြောထားပေမယ့် တစ်ခါတလေသောက်သုံးဖို့မသင့်တော်တဲ့ တားမြစ်ပါဝင်ပစ္စည်းတွေ ပါနေတတ်ပါတယ်။ တားမြစ်ထားတဲ့ ပါဝင်ပစ္စည်းတွေက ဘာတွေလဲဆိုတာလေ့လာနိုင်အောင်ဖော်ပြပေးလိုက်ပါတယ်။ Ephedra အာရှအလယ်ပိုင်းနဲ့ မွန်ဂိုလီးယားမှာရှိတဲ့ အမြဲစိမ်းပင်တစ်မျိုးဖြစ်တဲ့Ephedra မှာephedrine ဆိုတဲ့ဒြပ်ပေါင်းပါဝင်ပါတယ်။ သူ့ကို အာရုံကြောနှိုးဆွတဲ့ဆေးဖက်ဝင်အဖြစ် အိန္ဒိယနဲ့တရုတ်တို့မှာ ဟိုးအရင်ကသုံးခဲ့ကြပြီး အအေးမိ၊ တုပ်ကွေး၊ဖျားနာ၊ခေါင်းကိုက်၊ စတာတွေကို ကုသဖို့လည်းသုံးကြပါတယ်။ မကြာသေးခင်ကမှ Ephedra ကို အဆီကျဆေးအဖြစ်သုံးလာခဲ့ကြပါတယ်။ အဲဒီနောက်Ephedra ဟာ နှလုံးရုတ်တရက်ရပ်ဆိုင်းခြင်း သို့မဟုတ်လေဖြတ်ခြင်းဖြစ်နိုင်ခြေပိုများစေတယ်၊ လူသေဆုံးမှုတွေရှိခဲ့တယ် ဆိုတဲ့တွေ့ရှိချက်ကြောင့် အန္တရာယ်ရှိပါဝင်ပစ္စည်းအဖြစ် တားမြစ်ခံခဲ့ရပါတယ်။ Fenfluramine Fenfluramine […]

အသက်အရွယ်ကြီးရင့်လာလေ ဇရာကြောင့် ခန္ဓါကိုယ်မှာ ချို့ယွင်းပျက်စီးတာတွေက များလာလေလေပါ။ ဒါကြောင့် ဂရုစိုက်နိုင်မှာတော်ကာကျမယ့်အချိန်ဖြစ်လာတာပါ။ အသက် ၃၀ကျော်လာတဲ့အခါ အသားအရေက စလို့ ခန္ဓါကိုယ်အစိတ်အပိုင်းတွေတိုင်း အားလုံးနီးပါးကိုသေချာထိန်းသိမ်းဖို့လိုလာမှာပါ။ တကယ်လို့များသေချာဂရုမစိုက်မိဘူးဆိုရင် အရွယ်မတိုင်ခင်အိုမင်းမှုက မဖိတ်ခေါ်ဘဲ သင့်ဆီကိုပျော်ပျော်ကြီးရောက်လာနိုင်ပါတယ်။ ဒီတော့ ဇရာကြောင့်ဖြစ်တဲ့ အိုမင်းမှုကို အချိန်မတိုင်ခင်ရောက်မလာစေဖို့ ဒါလေးတွေကို ဂရုစိုက်ပေးစေချင်ပါတယ်။ အသက် ၃၀ကျော်ရင် ဒါတွေမစားနဲ့တော့နော်လေဒီ အသက် ၃၀ကျော်လာပြီဆိုရင် နုပျိုမှုတွေက အလိုလိုပျောက်ကွယ်သွားတော့မှာပါ။ ဒါကြောင့် အချိန်မတိုင်ခင်အိုမင်းမှုကနေ ကာကွယ်တဲ့အနေနဲ့ ဒီအစားအစာတွေကို မစားဖို့လေဒီလေးတို့ကို သတိပေးပါရစေနာ်။ အချိုပါတဲ့ ဒိန်ချဉ် ဒိန်ချဉ်က ကျန်းမာရေးအတွက် သင့်တော်တယ်ဆိုပေမယ့် အသက် ၃၀ကျော်လာပြီဖြစ်တ့လေဒီလေးအတွက်တော့ အချိုကဲနေတဲ့ ဒိန်ချဉ်တွေက အရေးအကြောင်းတွေဖြစ်စေဖို့ အားဖြည့်ပေးနိုင်တာကြောင့်ဖြစ်နိုင်ရင် မစားကြဖို့ သတိပေးချင်ပါတယ်။ အချိုကဲလေလေ အသားအရေတင်းရင်းမှုကို ထိခိုက်စေလေလေပါ။ ဒါကြောင့် အချိုပါတဲ့ ဒိန်ချဉ်၊ရေခဲမုန့်တို့ကို မစားပါနဲ့။ ဆီသွတ်ဗူးတွေ ၂၀၁၃ ခုနှစ်က လုပ်ခဲ့တဲ့လေ့လာမှုတစ်ရပ်အရ ဆီသွတ်ဗူးတွေကို […]

ကင်ဆာကုထုံးခံယူနေတဲ့ကာလအတွင်းမှာ အရေးကြီးတာက ကုသနေတဲ့ဆေးဝါးတွေကို ခံနိုင်ရည်ရှိဖို့၊ ကျန်းမာအားပြည့်နေဖို့၊ သက်တောင့်သက်သာရှိဖို့၊ တခြားရောဂါတွေကင်းဖို့(ကိုယ်ခံအားကောင်းဖို့)ဖြစ်ပါတယ်။ ဒါမှ ကုထုံးရဲ့ထိရောက်မှုကို အပြည့်အဝရရှိနိုင်မှာပါ။ ကင်ဆာကုထုံးတွေခံယူနေတဲ့အချိန် ဒါလေးတွေ စားလို့ သင့်တော်နိုင်ပါတယ်။ (၁) မုန်လာဥနီ (ကုထုံး ပိုထိရောက်စေဖို့) ကင်ဆာလူနာတွေအတွက် အကြံပြုကြတဲ့ စားသောက်မှုပုံစံတိုင်းမှာ မုန်လာဥနီပါဝင်လေ့ရှိပါတယ်။ မုန်လာဥနီ၊ တရုတ်နံနံတို့မှာပါတဲ့ဒြပ်ပေါင်းတချို့က ကင်ဆာကုထုံးကိုအနှောင့်အယှက်ပေးနိုင်တဲ့အရာတွေ၊ လုပ်ဆောင်ချက်တွေကို တားဆီးပေးပြီး ဓါတုကုထုံးကို ထိရောက်မှုပိုရှိအောင်ထောက်ပံ့ပေးနိုင်ပါတယ်လို့ နယူးဇီလန်သုတေသနကဖော်ပြထားပါတယ်။ ဒါ့ကြောင့် ဒီဓါတ်စာကို မကြာခဏစားပေးရင် ကုထုံးကို ရလဒ်ပိုကောင်းစေနိုင်တယ်လို့ သုတေသီတွေက ဆိုပါတယ်။ (၂) ငှက်ပျောသီး (ဝမ်းပျက်ခြင်းကို ကုသဖို့) ဆန်၊ငှက်ပျောသီး၊ အပူပေးထားတဲ့ပန်းသီး(ပန်းသီးအဆီအနှစ်)နဲ့ပေါင်မုန့်မီးကင် ဆိုတဲ့အတွဲအစပ်က ဝမ်းပျက်ဝမ်းလျှောခြင်းအတွက်ဓါတ်စာပါ။ ကင်ဆာကုထုံးကြောင့် ဝမ်းပျက်ခြင်းကို သက်သာစေနိုင်ပြီး ဝမ်းကိုခဲစေပါတယ်။ အဆီများတဲ့အစားအစာတွေ၊ အသီးအနှံတွေက ဝမ်းပျက်ခြင်းကိုပိုဆိုးစေနိုင်ပါတယ်။ (၃) ဂျုံကြမ်းနဲ့လုပ်တဲ့ စားစရာတွေ (ဝမ်းချုပ်ခြင်းကို ကာကွယ်ဖို့) ဝမ်းချုပ်နေတယ်ဆိုရင်တော့ရေများများသောက်ပါ။ ဂျုံကြမ်းပေါင်မုန့်၊ကွေကာ၊ သစ်သီးခြောက်၊ ပဲ […]