ကျန်းမာစွာ စားသောက်ခြင်း

အရည်ရွှမ်းတဲ့ ဖရဲသီးကို အနီပဲဖြစ်ဖြစ် အဝါပဲဖြစ်ဖြစ် နှစ်ခြိုက်စွာစားသုံးကြတဲ့သူ များပါတယ်။ ရေဓာတ်ပြည့်ဝစေတဲ့အပြင် ဘီတာကယ်ရိုတင်းနဲ့ လိုင်ကိုပင်းဓာတ်တွေကြွယ်ဝလို့ သူ့ရဲ့ အာဟာရတန်ဖိုးက မသေးလှပါဘူး။ ဖရဲသီးမှာ ဗီတာမင်၊ သတ္တုဓာတ်နဲ့အော်ဂင်းနစ်ဒြပ်ပေါင်းတွေအပြင် ဗီတာမင်စီ၊ ကယ်လ်စီယမ်၊ မဂ္ဂနီဆီယမ်၊ အမျှင်ဓာတ်၊ ပရိုတင်းနဲ့ ပိုတက်ဆီယမ်ပါဝင်မှုမြင့်မားပါတယ်။ ဗီတာမင်အေ၊ ဗီတာမင် ဘီဆစ်နဲ့ ကာရိုတီးနွိုက်နဲ့ အပင်ထွက်အာဟာရဓာတ်တွေပါဝင်နေပါသေးတယ်။ ဒီလောက် ပါဝင်မှုများတဲ့အသီးက ဘာကျန်းမာရေးအကျိုးကျေးဇူးတွေရှိနေလဲဆိုတာကြည့်ရအောင်။ ၁) ကျောက်ကပ်ရောဂါတွေကို ကုသနိုင်တယ် ဖရဲသီးမှာ ကျောက်ကပ်ထဲက အဆိပ်အတောက်တွေကိုဖယ်ရှားသန့်စင်ပေးရာမှာ အစွမ်းထက်တဲ့ ပိုတက်ဆီယမ်ပါဝင်မှုများပါတယ။ ဒါ့အပြင် သွေးတွင်း ယူရစ်အက်စစ်ပါဝင်မှုကိုလျော့နည်းစေတာ ကြောင့် ကျောက်ကပ်ထိခိုက်ပျက်စီးမှုုဖြစ်နိုင်ခြေနည်းစေပါတယ်။ ရေဓာတ်ပါဝင်မှုမြင့်မားလို့ဆီးရွှင် စေပြီး ကျောက်ကပ်လုပ်ဆောင်ချက်ကိုကောင်းစေပါတယ်။ ဖရဲသီးမှာပါတဲ့ ဓာတ်တိုးဆန့်ကျင်ပစ္စည်းတွေက ကျောက်ကပ်ကောင်းစေဖို့ အချိန်အတော်ကြာအထောက်အကူပေးနိုင်ပြီး အရေပြားပေါ်က အစက်အပျောက်တွေနဲ့ အရေးအကြောင်းတွေလိုမျိုး အရွယ်မတိုင်မီ အိုမင်းရင့်ရော်မှုလက္ခဏာတွေကို လျော့ပါးသက်သာစေနိုင်ပါတယ်။ ၂) အပူရှပ်ခြင်းကိုကာကွယ်ပေးတယ် ဖရဲသီးဟာ ခန္ဓာကိုယ်အပူချိန်နဲ့သွေးဖိအားကို လျော့ကျစေနိုင်တဲ့အစွမ်းရှိပါတယ်။ […]

နှလုံးစည်းချက်သံလေးကို မှန်မှန်လေးကြားနေရတာက ရှင်သန်မှုရှိနေတယ်ဆိုတဲ့ လက္ခဏာပါ။ လူတစ်ယောက်ရဲ့ ရှင်သန်မှုအတွက် နှလုံးကအရေးပါတဲ့အခန်းကဏ္ဍကနေပါဝင်နေတာပါ။ ဒါကြောင့် နှလုံးကျန်းမာရေးကို သေချာလေးဂရုစိုက်ပေးဖို့လိုပါမယ်။ နှလုံးကျန်းမာစေဖို့ နေ့စဉ်နေထိုင်မှုပုံစံကိုဂရုစိုက်ဖို့လိုသလို အစားအသောက်ကိုလည်း မေ့ထားလို့မဖြစ်ပြန်ပါဘူး။ ဒီတော့ နှလုံးကျန်းမာစေဖို့ ဘာတွေများသိထားဖို့လိုမလဲ........ နှလုံးကျန်းမာစေဖို့ လိုက်နာသင့်တဲ့ နေထိုင်မှုပုံစံ နှလုံးကျန်းမာစေဖို့ဆိုရင် နေ့စဉ်နေထိုင်မှုပုံစံကို မှန်ကန်စေဖို့အတွက် ဒီအချက်တွေကို အလေ့အထလိုဖြစ်လာအောင် ပျိုးထောင်ဖို့လိုပါမယ်။ ဆေးလိပ်ဖြတ်ပါ သွေးတွင်းကိုလက်စထရောပုံမှန်စစ်ပါ သွေးတိုးထိန်းညှိပါ သွေးချိုထိန်းညှိပါ ကိုယ်အလေးချိန်ထိန်းပါ နေ့စဉ်လှုပ်ရှားမှုရှိပါစေ စိတ်ဖိစီးမှုဖြေလျော့ပါ အာဟာရသင့်တင့်မျှတအောင်စားပါ စတဲ့အလေ့အထတွေကို ပျိုးထောင်ပေးပါ။ နှလုံးကျန်းမာစေဖို့ စားပေးသင့်တဲ့ အစားအစာတွေ ကျန်းမာတဲ့လူနေမှုပုံစံအတွက်အရေးပါတဲ့ နှလုံးလေးကျန်မးာစေဖို့ဆိုရင်တော့ ကညွတ် ဖောလိတ်ကြွယ်ဝစွာပါဝင်နေတဲ့ သဘာဝဟင်းသီးဟင်းရွက်တစ်မျိုးပါ။ ကိုယ်တွင်းမှာ နှလုံးထိခိုက်စေနိုင်တဲ့ homocysteine လို့ခေါ်တဲ့ အမိုင်နိုအက်ဆစ်တွေ စုပုံမှုမဖြစ်အောင်ကာကွယ်ပေးပြီး နှလုံးကျန်းမာစေဖို့ အကောင်းဆုံးထောက်ပံ့ပေးပါတယ်။ လေဖြတ်တာ နဲ့ နှလုံးသွေးကြောဆိုင်ရာ ရောဂါတွေကင်းစေဖို့ စားပေးသင့်ပါတယ်။ ပဲအမျိုးမျိုး ပဲအမျိုးမျိုးက သွေးတွင်းကအကျိုးမပြုကိုလက်စထရော (LDL) ကိုကျဆင်းစေနိုင်ပါတယ်။ အမျှင်ဓါတ်၊ […]

နေပူပူမှာ ရင်အေးစေတဲ့ သလဲသီးလေးကို စားတဲ့အခါ အရည်ပဲစုပ်ပြီး အစေ့ကိုပြန်ထွေးပစ်ကြတာလား။ တကယ်တော့ နှမျောဖို့ကောင်းပါတယ်နော်။ အရည်နဲ့အစေ့မှာပါတဲ့ အစွမ်းအာနိသင်တွေကို အကုန်ရနိုင်ဖို့က ဖျော်ရည်အဖြစ် ကြိတ်သောက်ပစ်လိုက်တာပဲဖြစ်ပါတယ်။ သလဲသီးရဲ့အချိုရည်ထဲမှာ အပင်ထွက်ဓာတုပစ္စည်း အမျိုးပေါင်း ၁၀၀ ကျော်ပါဝင်တာကြောင့် လွန်ခဲ့တဲ့ နှစ်ပေါင်းထောင်ချီကတည်းက ဆေးဖက်ဝင်ပစ္စည်းအဖြစ်အသုံးပြုလာခဲ့ကြပါတယ်။ ကနေ့ခေတ်မှာလည်း သလဲသီးရဲ့ကျန်းမာရေးအကျိုးကျေးဇူးတွေအကြောင်း သုတေသနတွေပြုလုပ်ခဲ့ကြပြီးနောက် ၎င်းက ကင်ဆာကာကွယ်နိုင်၊ ကိုယ်ခံအားကို ကောင်းစေပြီး သားသမီးရရှိနိုင်ဖို့လည်း အထောက်အကူပြုတယ်လို့ တွေ့ရှိရပါတယ်။ သလဲသီးရဲ့ အကျိုးကျေးဇူးတွေကတော့ - ၁) ဓာတ်တိုးဆန့်ကျင်ပစ္စည်းကြွယ်ဝတယ် သလဲသီးရဲ့အစေ့တွေမှာ ပိုလီဖနောဓာတ်တွေပါတာကြောင့် အနီရဲရဲအရောင်ရှိပါတယ်။ သည်ဓာတ်တွေက အစွမ်းထက်တဲ့ဓာတ်တိုးဆန့်ကျင်ပစ္စည်းတွေဖြစ်ပါတယ်။ သလဲသီးမှာ တခြားသစ်သီးဖျော်ရည်တွေမှာထက် ဓာတ်တိုးဆန့်ကျင်ပစ္စည်းပါဝင်မှုပိုများပြီး ဝိုင်နီနဲ့ လက်ဖက်စိမ်းတို့မှာထက်လည်း ဓာတ်တိုးဆန့်ကျင်ပစ္စည်း သုံးဆပိုများပါတယ်။ သူ့မှာပါတဲ့ သည်ဓာတ်တွေက free radicals တွေကို ဖယ်ရှားပေးပြီး ဆဲလ်တွေမပျက်စီးအောင်ကာကွယ်ပေးတဲ့အပြင် ရောင်ရမ်းမှုကို လျော့ကျစေပါတယ်။ ၂) ဗီတာမင် C များတယ် သလဲသီးတစ်လုံးစာ ဖျော်ရည်မှာ […]

အသက်ရှင်ဖို့အတွက် အရေးပါတဲ့ အစိတ်အပိုင်းလေးက ဘာများဖြစ်မလဲ။ ပြန်တွေးကြည့်လိုက်လေ ခန္ဓာကိုယ်မှာ ရှင်သန်မှုကို ဖော်ပြနေတဲ့ အစိတ်အပိုင်းလေးတစ်ခုရှိပါတယ်။ ဒီအစိတ်အပိုင်းလေးကတော့ စည်းချက်မှန်မှန်နဲ့ တဒုတ်ဒုတ်ခုန်နေတဲ့ နှလုံးလေးပါ။ နှလုံးကျန်းမာဖို့ အစားအသောက်ဂရုစိုက်ဖို့သလို အနေအထိုင်ကိုလည်း ဂရုစိုက်ဖို့လိုပါမယ်။ အရောင်အသွေးကျတဲ့ နှလုံးကျန်းမာစေမယ့် ဖျော်ရည်တစ်ခု နှလုံးကျန်းမာစေဖို့ သောက်ပေးသင့်တဲ့ ဖျော်ရည်လေးတစ်ခုရှိပါတယ်။ ဒါကတော့ အနီရောင်စိုစိုဖျော်ရည်လေးဖြစ်တဲ့ သလဲသီးဖျော်ရည်ပါ။ သလဲသီးဖျော်ရည် လတ်လတ်ဆတ်ဆတ်လေးမှာ ဗီတာမင် K ပိုတက်ဆီယမ် ဖောလိတ် ဗီတာမင် B6 ဗီတာမင် B5 ဗီတာမင် E ဓာတ်တိုးဆန့်ကျင်အာနိသင် တို့ကြွယ်ဝစွာပါဝင်နေပါတယ်။ နှလုံးအတွက် သလဲသီးဖျော်ရည်သောက်ပေးသင့်တဲ့ အကြောင်းအရင်း သလဲသီးဖျော်ရည်သောက်ပေးတာကြောင့် သွေးတိုးကျစေနိုင်တယ် သွေးတိုးက သွေးကြောလေးတွေကို ပိတ်ဆို့စေနိုင်သလို သွေး​ကြောလေးတွေကို ပျက်စီးစေနိုင်ပါတယ်။ ဒီလိုသွေးကြောလေးတွေ ပိတ်ဆို့မှုက သွေးစီးဆင်းမှုမကောင်းတာမျိုးဖြစ်ရာကနေတဆင့် လေဖြတ်တာ၊ ရုတ်တရက်နှလုံးရပ်တာတွေကို ခံစားရနိုင်ပါတယ်။ သွေးကြောတွေပိတ်ဆို့မှုက သွေးစီးဆင်းရောက်ရှိမှုကိုတင်အဟန့်အတားဖြစ်စေတာမဟုတ်ပါဘူး။ နှလုံးကို ဝန်ပိစေနိုင်ပါတယ်။ ဒီပြဿနာကို […]

စားလို့ရတဲ့ အသားလို့ပြောလိုက်ရင် တော်တော်များများ ပြေးမြင်ကြမှာက ကြက်သား၊ ဝက်သား၊ ဆိတ်သား၊ အမဲသားတိုပလို့ထင်ပါတယ်။ ဒီအသားတွေက ပရိုတင်းလိုအပ်ချက်ကို ဖြည့်ပေးသလို ခန္ဓာကိုယ်အတွက် ကောင်းကျိုးများတယ်ဆိုတာကို လူတိုင်းသိထားပြီးဖြစ်မှာပါ။ ဒီတစ်ခေါက်တော့ လူသိပ်မသိသေးတဲ့ ပရိုတင်းကြွယ်ဝတဲ့ အသားတစ်မျိုးအကြောင်းပြောပြပေးပါရစေလား.... လူစားနည်းပေမယ့် ပရိုတင်းကြွယ်ဝတဲ့ ဖားသား ဖားသားကို လူတိုင်းကတော့ မစားကြပါဘူး။ ဖားသားကနူးညံ့သလို အာဟာရဓာတ်လည်း ပြည့်စုံကြွယ်ဝပါတယ်။ ဖားဆတိုင်းကို စားဖို့မရပေမယ့် စားလို့ရတဲ့ ဖားသားကတော့ ကျန်းမာရေးအတွက် တော်တော်လေးအထောက်အကူပြုပေးပါသတဲ့။ ဖားသားမှာ ဘယ်လိုအာဟာရဓာတ်တွေပါလဲ.... ဖားသားမှာ ပရိုတင်း ဗီတာမင် A omega-3 fatty acids ပိုတက်ဆီယမ် ကာဗိုဟိုက်ဒရိတ် အဆီဓာတ် ဇင့် ဗီတာမင် B1 ဗီတာမင် C ကယ်လ်ဆီယမ်တို့ပါဝင်နေပါတယ်။ ဖားသားစားရင်းရရှိမယ့် ကျန်းမာရေးအကျိုးကျေးဇူးတွေက ဘာတွေများလဲ..... ဖားသားကို ကြော်စားတာ၊ ကင်စားတာ၊ ချက်စားတာဆိုပြီး အမျိုးမျိုးလုပ်စားလို့ရပါတယ်။ ဒီလိုအရသာရှိတဲ့ ဟင်းတစ်ခွက်က […]

ပလပ်စတစ်အိတ်တွေပေါ်မလာခင်မှာ အစားအစာတွေကိုထုပ်ပိုးဖို့အတွက် အဓိကအသုံးပြုခဲ့ကြတာက ငှက်ပျောရွက်ကိုပါ။ ဒီလိုအသုံးပြုမှုက ပတ်ဝန်းကျင်ကိုတင်သန့်ရှင်းစေတာမဟုတ်ပါဘူး။ ကျန်းမာရေးကိုလည်း အများကြီး အထောက်အကူပြု ပေးနိုင်ပါတယ်။ ငှက်ပျောရွက်နဲ့ အစားအစာတွေကို ထုပ်ပိုးတာကြောင့် ဘာတွေထူးခြားသွားလဲသိချင်တယ်ဆိုရင်တော့ ဒီဆောင်းပါးလေးထဲမှာ ပြောပြပေးမယ်နော်။ ငှက်ပျောရွက်က ထုပ်ပိုးလို့ရရုံ သက်သက်ပဲလား………….. ငှက်ပျောရွက်က အရွက်ဖားဖားနဲ့ မာကျောမှုမရှိတာကြောင့် ထုပ်ပိုးရတာလွယ်တဲ့အတွက် ထုပ်ပိုးဖို့အသုံးပြုခဲ့ကြပေမယ့် ငှက်ပျောရွက်က ထုပ်ပိုးလို့ရရုံဆိုတာထက် အသုံးဝင်တဲ့ အရွက်တစ်မျိုးပါ။ ငှက်ပျောရွက်မှာ လက်ဖက်စိမ်းမှာတွေ့ရတဲ့ EGCG လို့ခေါ်တဲ့ free radicals တွေကိုတိုက်ထုတ်ပေးနိုင်တဲ့ဓာတ်တစ်မျိုးပါဝင်နေပါတယ်။ Free Radical တွေက ခန္ဓာကိုယ်မှာ ကင်ဆာ၊ နှလုံးရောဂါလိုမျိုး ရောဂါတွေကိုဖြစ်စေနိုင်ပါတယ်။ ဒီလိုမျိုး free radical တွေကိုတိုက်ထုတ်နိုင်မှုက ခန္ဓာကိုယ်ကို ကျန်းမာစေနိုင်သလို သွေးသန့်စေပြီး အစားစားချင်စိတ်ကို ဖြစ်စေနိုင်ပါတယ်။ ခံတွင်းအနာကိုသက်သာစေပြီး ဆီးနဲ့ဆိုင်တဲ့ ရောဂါတွေကို ကင်းစေနိုင်သလို ကိုယ်ခံအားကိုလည်း မြှင့်တင်ပေးနိုင်ပါတယ်။ […]

သက်ရှည်ကျန်းမာဖို့အတွက် ကျန်းမာရေးနဲ့ညီညွတ်တဲ့ အစားအသောက်တွေကို သင့်တင့်မျှတစွာ ရွေးချယ်စားသောက်ပေးဖို့ လိုအပ်ပါတယ်။ ဗီတာမင်၊ သတ္တုဓာတ်အမျိုးမျိုးနဲ့ ပရိုတိန်းစတာတွေ မျှတအောင် လတ်ဆတ်တဲ့ အသီးအရွက်များ၊ သားငါးများ၊ ပဲအမျိုးမျိုးနဲ့ အစေ့အဆန်များ စတာတွေကို ရွေးချယ်စားသုံး ကျန်းမာရေးကို အထောက်အကူပြုစေမှာပဲ ဖြစ်ပါတယ်။ ဒီနေရာမှာ ရုပ်ပိုင်းဆိုင်ရာ ကျန်းမာရေးကိုသာမကဘဲ စိတ်ပိုင်းဆိုင်ရာအတွက်လည်း ပါဝင်ပါတယ်။ ဦးနှောက်ဟာ တခြားသော ကိုယ်တွင်းအင်္ဂါတွေလိုပဲ သင်စားသောက်လိုက်တဲ့အရာတွေအပေါ် တုံ့ပြန်မှု ပြုလုပ်ပါတယ်။ ဦးနှောက်ဟာ သူ့ရဲ့လုပ်ငန်းတာဝန်တွေကို အပြည့်အဝထမ်းဆောင်နိုင်ဖို့ ဗီတာမင်အမျိုးမျိုး၊ သတ္တုဓာတ်နဲ့ တခြားအာဟာရမျိုးစုံ နေ့စဉ်လိုအပ်ပါတယ်။ အဆိုပါအာဟာရဓာတ်တွေ ရသင့်သလောက်မရရင်တော့ ဦးနှောက်ရဲ့လုပ်ငန်းတာဝန်တွေ ချို့ယွင်းပြီး စိတ်ကျန်းမာရေး ပြဿနာတွေ ကြုံလာနိုင်ပါတယ်။ ဘာတွေလိုအပ်သလဲ.......... ဗီတာမင်၊ သတ္တုဓာတ်နှင့် ကာဘိုဟိုက်ဒရိတ် ဗီတာမင်နဲ့ သတ္တုဓာတ်တွေကတော့ မရှိမဖြစ်အရေးကြီးပါတယ်။ အထူးသဖြင့် ဗီတာမင် စီ၊ ဗီတာမင် ဒီနဲ့ ဗီတာမင် ဘီအုပ်စုတွေ ပါဝင်ပါတယ်။ […]

ပထမဆုံး ဆီရိုတိုနင်ဆိုတဲ့ ဟော်မုန်းအကြောင်း ရှင်းပြလိုပါတယ်။ ဆီရိုတိုနင်ဆိုတာဟာ စိတ်ကိုတည်ငြိမ်စေတဲ့ ဟော်မုန်းတစ်မျိုးဖြစ်ပါတယ်။ စိတ်ကို တည်ငြိမ်အေးချမ်းစေပြီး ကောင်းစွာအိပ်ပျော်စေပါတယ်။ ဆီရိုတိုနင်ဟာ စိတ်ပိုင်းဆိုင်ရာကိုရော အပြုအမူကိုပါ သက်ရောက်မှု ရှိပါတယ်။ ဆီရိုတိုနင်ပမာဏကို မြင့်တက်လာစေပြီး အမိုင်နိုအက်ဆစ်တမျိုးဖြစ်တဲ့ tryptophan ကို စားသုံးနိုင်ပါတယ်။ tryptophan ကနေ ဆီရိုတိုနင်ကို ဖွဲ့စည်းနိုင်ပါတယ်။ ဒါပေမယ့် သဘာဝအားဖြင့်လည်း ဆီရိုတိုနင်ပမာဏကို မြင့်တက်လာအောင် tryptophan ပါဝင်တဲ့အစာတွေ စားသုံးနိုင်ပါတယ်။ Tryptophan နည်းပါးတဲ့အခါ စိတ်ကျခြင်း၊ စိတ်ပူပန်ခြင်း စတဲ့ စိတ်ပိုင်းဆိုင်ရာ အခြေအနေတွေနဲ့ ဆက်စပ်နေပါတယ်။ ဒီလိုအခြေအနေမှာtryptophan ကြွယ်ဝတဲ့ အစားအစာတွေကို စားသုံးပြီး ဆီရိုတိုနင်ပမာဏကို မြှင့်တင်ပေးသင့်ပါတယ်။ ယခုဆက်လက်ဖော်ပြမှာကတော့ ဆီရိုတိုနင်ဓာတ်ကို ပိုမိုကြွယ်ဝစေမယ့် အစားအစာတွေပဲ ဖြစ်ပါတယ်။ ၁။ ဥအမျိုးမျိုး ဥအမျိုးမျိုးမှာ ပါဝင်တဲ့ ပရိုတိန်းဟာ သွေးထဲမှာပါဝင်တဲ့ tryptophan ပမာဏကို မြင့်တက်စေတယ်လို့ သုတေသနစာစောင်တွေမှာ […]

ဗိုက်ဆာတယ်ဆိုတဲ့ ခံစားချက်ဟာ တစ်နည်းအားဖြင့် ကိုယ်ခန္ဓာကနေ အစာလိုအပ်နေတယ်ဆိုတာကို ဖော်ပြနေတဲ့ လက္ခဏာတစ်ခုပါပဲ။ လူက ဗိုက်ဆာလာပြီဆိုရင် ဝမ်းဗိုက်ကထဲကနေ ဂွီဂွီနဲ့ အသံတွေထွက်နေမယ်၊ စိတ်တိုဒေါသဖြစ်မယ်၊ ဘာကိုမှ အာရုံစုစည်းလို့မရတော့ဘဲ ခေါင်းကိုက်နေမှာပေါ့။ ပုံမှန်လူတစ်ယောက်က အစာစားပြီး နောက်တစ်ကြိမ်ထပ်မစားခင်အထိ နာရီတော်တော်များများ နေနိုင်တယ်ဆိုပေမဲ့ တချို့လူတွေမှာတော့ ဘယ်လောက်ပဲစားစား ဗိုက်ကဝသွားတယ်လို့ကို မခံစားရဘဲ တစ်ခုမဟုတ် တစ်ခု ရေခဲသေတ္တာထဲကနေ လိုက်ရှာပြီး ပါးစပ်ထဲထည့်ဝါးလိုက်ရမှ ကျေနပ်တဲ့သူတွေလည်း ရှိပါတယ်။ ဒီနေ့ဆောင်းပါးမှာတော့ ဘယ်လိုအကြောင်းရင်းတွေကြောင့် ခဏခဏဗိုက်ဆာတတ်တာလဲဆိုတာနဲ့ ပတ်သက်ပြီး ပြောပြပေးချင်ပါတယ်။ ၁။ ပရိုတင်းဓာတ် လုံလောက်စွာ မစားသုံးခြင်း ပရိုတင်းဓာတ်လို့ ခေါ်တဲ့ အသားဓာတ်ဟာ လူတစ်ယောက်ရဲ့ ကိုယ်ခန္ဓာကြွက်သားထုတည်ဆောက်ခြင်းနဲ့ ကိုယ်ခံအားစနစ်၊ အစာခြေစနစ်၊ တစ်နေ့တာကုန်ဆုံးသွားတဲ့ အားအင်တွေကို ပြန်လည်ဖြည့်ဆည်ပေးဖို့အတွက် လိုအပ်ပါတယ်။ ဒါ့အပြင် ပရိုတင်းဓာတ်ဟာ ဗိုက်ကိုပြည့်ဝစေပြီး အစာခဏခဏ စားချင်စိတ်ကို ဖြစ်စေတဲ့ […]

ဖရဲသီးစားတဲ့အခါ အစေ့ကိုထွေးပစ်ကြပါတယ်။ နှမျောစရာကောင်းတာက ဖရဲစေ့ဟာ အံ့အားသင့်လောက်စရာ အကျိုးအာနိသင်တွေပါရှိနေပြီး ကျန်းမာရေးကို အကျိုးပြုနိုင်လို့ပါပဲ။ ကျန်းမာရေးအတွက် အစေ့အဆန်တွေစားရမယ်ဆိုပြီး အွန်လိုင်းကတောင် တကူးတကမှာစားကြတာ ဈေးကြီးပေးပြီးတော့လေ။ ကိုယ့်အနီးအနားမှာပဲ လွယ်လွယ်ကူကူရနိုင်နေတဲ့ သမားရိုးကျအစေ့အဆန်တွေကလည်း တန်ဖိုးမသေးဘူးဆိုတာ မသိကြရော့သလား။ ဖရဲစေ့က စားလို့ရလို့လား ကွာစေ့လို့သိကြတာ ဖရဲစေ့ပါပဲ။ ဖရဲသီးအစေ့ကိုစားတာာက လုံးဝကိုအန္တရာယ်ကင်းတဲ့အပြင် အလုံးစုံကျန်းမာရေးအတွက်ပါ အရမ်းကောင်းပါတယ်လို့ ပညာရှင်တွေက လက်ခံထားကြပါတယ်။ ကလေးတွေစားရင် အစေ့တွေမျိုချမိလို့ သီးမှာ နင်မှာကို မိဘတွေကစိုးရိမ်ကြပေမယ့် ဖရဲစေ့ကို ကြိုက်သလောက်စား ဘေးမရှိပါဘူးတဲ့။ ဆေးဖက်ဝင်ဖို့အတွက်ဆိုရင် သည်အတိုင်းမျိုချတာအပြင် ဖရဲစေ့ကိုစားဖို့ နည်းလမ်းအမျိုးမျိုးရှိပါတယ်။ ဥပမာ- အညှောင့်ဖောက်တာ၊ လှော်တာ၊ အဆီထုတ်တာ တို့ပဲဖြစ်ပါတယ်။ အလွယ်ဆုံးနည်းက လှော်တာဖြစ်ပါတယ်။ ဖရဲစေ့တွေကို ဒယ်အိုးထဲမှာ အပူနည်းနည်းနဲ့ မိနစ် ၃၀ - ၄၅ မိနစ်လောက် ကြွပ်ရွလာတဲ့အထိ လှော်ပါ။ အိုးကို သံလွင်ဆီလေး ဖျန်းပြီးမှလှော်ရင် […]