ကျန်းမာစွာ စားသောက်ခြင်း

ဗီတာမင် ဆိုတဲ့ သက်စောင့်ဓာတ်တွေဟာ လူ့ခန္ဓာကိုယ်အတွက် မရှိမဖြစ်လိုအပ်တဲ့ အရာတွေပါ။   သို့သော်သတ်မှတ်ထားတဲ့ ပမာဏအတိုင်းသာ သောက်သုံးမှီဝဲသင့်ပါတယ်။ “တန်ဆေးလွန်ဘေး” ဆိုတဲ့ အတိုင်း ပမာဏကျော်လွန်သောက်သုံးမိပါက အဆိပ်သာဖြစ်လာမှာပါ။ ယခု ကိုဗစ်ကပ်ရောဂါကာလမှာလည်း ကိုယ်ခံအားကောင်းချင်ဇောနဲ့ ဗီတာမင်တွေသောက်သုံးလာကြတာကို တွေ့ရပါတယ်။ အချို့ကလည်း သတ်မှတ်ပမာဏအတိုင်း  စနစ်တကျ သောက်သော်လည်း တချို့မှာတော့ ပိုလျှံစွာ သောက်သုံးနေကြပြန်ပါတယ်။ ဒါကြောင့် သောက်သုံးသင့်တဲ့ ဗီတာမင်ပမာဏနဲ့ လွန်ကဲရင်ဖြစ်လာမယ့် ဆိုးကျိုးတွေကို တွဲဖက်တင်ပြလိုက်ရပါတယ်။ တတ်ကျွမ်းနားလည်တဲ့ ဆရာဝန်ကိုမေးမြန်းပြီးမှ မှီဝဲတာ အကောင်းဆုံးဆိုတာ ဦးစွာအကြံပေးချင်ပါတယ်။ ဗီတာမင်အမျိုးအစား (၂) မျိုး ရေမှာပျော်ဝင်တဲ့ဗီတာမင်များ ဗီတာမင် ဘီများနဲ့ ဗီတာမင် စီ အဆီတွင်ပျော်ဝင်တဲ့ဗီတာမင်များ ဗီတာမင် အေ ဗီတာမင် ဒီ ဗီတာမင် အီး ဗီတာမင် ကေ ရေမှာပျော်ဝင်တဲ့ဗီတာမင်များထက် အဆီမှာပျော်ဝင်တဲ့ ဗီတာမင်တွေကို ခန္ဓာကိုယ်မှာ အချိန်အတိုင်းအတာတစ်ခုထိ […]

နှစ်ပေါင်း ၄၀၀၀ ကျော်စိုက်ပျိုးစားသုံးလာတဲ့ သစ်သီးတစ်မျိုးဖြစ်တဲ့သရက်သီးရဲ့ ကျန်းမာရေးအကျိုးကျေးဇူး တွေကို ပြောပြချင်ပါတယ်။ သရက်သီးတွေက အိန္ဒိယတိုက်နဲ့ အရှေ့တောင်အာရှဒေသရဲ့ မျိုးရင်းတွေဖြစ်ပြီး အရသာအလွန်ရှိတဲ့သစ်သီး တစ်မျိုးဖြစ်ပါတယ်။ သရက်သီးရဲ့အရသာရှိမှုကြောင့် အသီးမှာသရက်ဆိုပြီးတောင် ပြောဆိုကြတယ်မဟုတ်လား။ အနံ့၊အရသာ၊ အရောင်အဆင်း အားလုံးနဲ့ပြည့်စုံတဲ့အပြင် သရက်သီးစားသုံးခြင်းကနေရနိုင်မယ့် ကျန်းမာရေး အတွက်ကောင်းကျိုးတွေလည်းအများကြီးရှိတာမို့ ဒီအကြောင်းလေး နည်းနည်းလောက်ပြောပြချင်ပါတယ်။ ကိုယ်ခံအားကောင်းစေတယ် သရက်သီးထဲမှာ ဗီတာမင် အေ၊ စီ၊ ကေ၊ အီးနဲ့ ဗီတာမင် ဘီမျိုးစုံပါဝင်နေလို့ကိုယ်ခံအားကို မြှင့်တင်ပေးနိုင်တာ အသေအချာပါပဲ။ ကူးစက်ရောဂါမျိုးစုံကိုတိုက်ထုတ်တဲ့နေရာမှာဗီတာမင် အေကို မရှိမဖြစ်လိုအပ်ပြီး ဗီတာမင် အေ လုံလုံလောက်လောက်ရှိနေရင်ရောဂါကူးစက်ခံခဲ့ရရင်တောင် နောက်ဆက်တွဲပြဿနာတွေခံစားရတာ နည်းတာကိုတွေ့ရပါတယ်။ ပြင်ပရောဂါတွေကို တိုက်ထုတ်တဲ့နေရာမှာလိုအပ်တဲ့နောက်ထပ်ဆဲလ်တစ်မျိုးဖြစ်တဲ့ သွေးဖြူဥတွေထုတ်လုပ်ဖို့ ဗီတာမင် စီလိုအပ်ပါတယ်။ သရက်သီးကိုအတော်အသင့်တစ်ကြိမ်လောက်စားသုံး လိုက်ရုံနဲ့ နေ့စဉ်လိုအပ်တဲ့ဗီတာမင် စီပမာဏ ၃ ပုံတစ်ပုံလောက်ရရှိသွားနိုင်တာမို့ ကိုယ်ခံအားအတွက် မဖြစ်မနေ စားသုံးသင့်တဲ့သစ်သီးတစ်မျိုးလို့ဆိုရမှာပါ။ နောက်ပြီး […]

(ရိုးရိုးရေသောက်တာထက် pH ပမာဏများတဲ့အယ်ကာလီရေသောက်တာ ကျန်းမာရေးအတွက်တကယ်အကျိုး ရှိမရှိကို ပြောပြချင်ပါတယ်) ရေဆိုတာ သက်ရှိအားလုံးအတွက်မရှိမဖြစ်တဲ့ သက်စောင့်ဓာတ်တစ်မျိုးပါ။ဆဲလ်တိုင်း၊ကြွက်သားတိုင်းပုံမှန် အလုပ်လုပ်နိုင်ဖို့ရေဓာတ်ကိုရယူသုံးစွဲရပါတယ်။ဒါ့ကြောင့် ရေအသက် တစ်မနက်လို့တောင် ဆိုကြတာမဟုတ်လား။ ရေထဲမှာအက်စစ်ဓာတ်လွန်ကဲနေလား၊ အယ်ကာလီဓာတ်များနေသလားဆိုတာကို pH ပမာဏနဲ့ခွဲခြား ပါတယ်။ pH ပမာဏနည်းရင် အက်စစ်ဓာတ်မြင့်တဲ့ရေဖြစ်သွားပြီး pH ဓာတ်များနေရင်တော့အယ်ကာလီများတဲ့ ရေအဖြစ်သတ်မှတ်နို်င်ပါတယ်။ pH ပမာဏက ၁ ကနေ ၁၄ အထိ ရှိပါတယ်။ ကျွန်တော်တို့နေ့စဉ်သောက်သုံး နေတဲ့ရေသန့်တွေက pH ပမာဏ ၇ ရှိပြီး အက်စစ်ဓာတ်လည်းမဖြစ်၊ အယ်ကာလီလည်းမဟုတ်တဲ့ ရိုးရိုးရေပါ။ အရောင်အဆင်းအနံ့အရသာဘာမှမရှိတဲ့ ရေသန့်ဖြစ်တဲ့အတွက်စိတ်ချလက်ချသောက်နိုင်သလိုခန္ဓာကိုယ် အတွက်လိုအပ်တဲ့ဓာတ်သတ္ထုတွေလည်းပါဝင်ပြီးသားဖြစ်ပါတယ်။ အယ်ကာလီဓာတ်များတဲ့ရေမှာတော့ pH ဓာတ်က ၇ ကျော်ရှိပါတယ်။ သဘာဝအတိုင်းအယ်ကာလီဓာတ်မြင့်တဲ့ရေရှိသလို စက်ရုံကနေပြုပြင်ထုတ်လုပ် ထားတာတွေလည်းရှိပါတယ်။ အယ်ကာလီရေသောက်သုံးရတာကိုနှစ်ကြိုက်သူတွေက အယ်ကာလီဓာတ်များတဲ့ရေမှာ ရိုးရိုးရေထက် ဟိုက်ဒရိုဂျင်ဓာတ်ပိုပါဝင်တာကြောင့် ခန္ဓာကိုယ်အတွက် လိုအပ်တဲ့ရေဓာတ်ကိုပိုကောင်းကောင်း ဖြည့်ဆည်းပေးနိုင်တယ်လို့ ပြောကြပါတယ်။ နောက်ပြီးရေထဲမှာပါတဲ့အယ်ကာလီဓာတ်က […]

စာဖတ်သူဟာ သက်သတ်လွတ်ဆို ဟင်ခနဲ နှာခေါင်းရှုံ့တတ်တဲ့သူလား။ ဒါလေးတွေ မစားကြည့်ရသေးလို့ နေမှာပါ။ ၁။ ပဲထမင်း စားတော်ပဲ အစိမ်းလုံးလေးတွေ နဲ့ ပဲထမင်း စိမ်းစိမ်းလေးဟာ တခြားဘာဟင်းလျာမှ မလိုဘဲ စားရတာ အရသာ သိပ်ရှိတာပါ။ ချက်ရတာကလည်း ထမင်းချက်သလို သိပ်လွယ်တာပါပဲ။ လိုအပ်သော ပစ္စည်းများ ဆန် - ဆန်ခြင်ခွက် (၁) ခွက် ပဲစိမ်းလုံး - ဆန်ခြင်ခွက် (၁/၄) ခွက် ကြက်သွန်နီ - ၂လုံး (ပါးပါးလှီး) သံလွင်ဆီ (ရိုးရိုးဆီ/ ထောပတ်/ မာဂျရင်း) - အနည်းငယ် ညက်နေအောင် ထောင်းထားသော ချင်း(ဂျင်း) - လက်ဖက်ရည်ဇွန်း (၁) ဇွန်း ဆား အနည်းငယ် သကြား အနည်းငယ် ဒီ ပစ္စည်းတွေ အားလုံးကို ထမင်းချက်မယ့်အိုးထဲမှာ […]

အသားကင်တွေက ဆွဲဆောင်မှုအား သိပ်ကောင်းပါတယ်။ တစ်ခါစားပြီးရင် မရပ်ချင်လောက်အောင်ပါပဲ။ ဒါပေမဲ့ မီးဖိုပေါ် ကင်ထားတဲ့ အသားတွေရဲ့ နောက်ဆက်တွဲ ကျန်းမာရေး ပြဿနာတွေကိုရော သတိထားမိကြပါရဲ့လား။ ၁။ အချို့သော ကင်ဆာရောဂါ ဖြစ်နိုင်ခြေတွေကို မြင့်မားစေပါတယ်။ မြင့်မားတဲ့ အပူချိန်တွေပေါ် ကင်တဲ့အခါ အစာရေမြိုပြွန် နဲ့ အူလမ်းကြောင်းဆိုင်ရာ ကင်ဆာတွေနဲ့ ဆက်စပ်နေတဲ့ သဘာဝ ဓာတ်ပစ္စည်းတွေ ထွက်ပေါ်လာပါတယ်။ ဒီ ဓာတုပစ္စည်းတွေဟာ မီးကျွမ်းသွားတဲ့အခါ ဒါမှမဟုတ် ကျပ်တိုက်ထားတဲ့အခါမှာ ထွက်လာတတ်တဲ့ ဓာတုပစ္စည်းတွေပါ။ ဒါကြောင့် အသားကင်တဲ့အခါမှာ မီးပေါ် တိုက်ရိုက်တင်ပြီး ကင်တာမျိုး မလုပ်ပါနဲ့။ ၂။ သွေးတိုးနဲ့ ဆီးချိုတွေကို ဖြစ်စေနိုင်ပါတယ်။ နှပ်ပြီးသား အသားတွေက အန္တရာယ်များပါတယ်။ ပါဝင်ပစ္စည်းတွေထဲမှာ ဆားနဲ့ သကြားပမာဏ များများ ပါတတ်တာမို့ ဒါတွေကိုသာ စားမိရင် သွေးတိုး နဲ့ ဆီးချိုတွေ […]

ငှက်ပျောဖူးကို သနပ်စုံသုပ်တွေထဲမှာ အများဆုံး စားမိနိုင်ပါတယ်။ ငှက်ပျောဖူးက သုပ်စားလို့ရသလို ငါးနဲ့ချက်စားတာ။ အရွယ်တော်လေး တုံးပြီး မုန့်နှစ်နဲ့စိမ်လို့ အကြွပ်ကြော်စားတာတွေပါ လုပ်စားလို့ ရပါသေးတယ်။ ဝါးရတာ အရသာရှိလှတဲ့ ငှက်ပျောဖူးကို လေချုပ်မှာစိုးလို့ မစားတဲ့သူ များပေမယ့် ငှက်ပျောဖူးက အခုလို ကျန်းမာရေး အကျိုးကျေးဇူးလေးတွေ ပေးစွမ်းပါတယ်။ ငှက်ပျောဖူး ဆိုတာ ငှက်ပျောဖူး ဆိုတာက ငှက်ပျောပင်ရဲ့ အဖူးပါ။ ငှက်ပျောသီး နုနုလေးတွေ စီနေတဲ့အရာပေါ့။ အပေါ်ခွံက နီနီရဲရဲလေးပါ။ တကယ်ကတော့ ငှက်ပျောပင်ရဲ့ ပန်းပေါ့။ ငှက်ပျောဖူးကို ပြုတ်ပြီး တို့စားကြသလို သနပ်သုပ် လုပ်စားတာ၊ အချဉ်စိမ်စားတာ၊ သုပ်စားတာဆိုပြီး အမျိုးမျိုး လုပ်စားလို့ရပါတယ်။ ငှက်ပျောဖူး ကြိုက်ကြလား.............. စားရတာ အရသာရှိတဲ့ ငှက်ပျောဖူးလေးက ကူးစက်ရောဂါတွေကို ကာကွယ်ပေးတယ်။ ငှက်ပျောဖူးမှာ ethanol ပါဝင်နေတာကြောင့် ဘက်တီးရီးယားတွေ ပေါက်ဖွားတာမျိုး မဖြစ်စေဖို့ ကာကွယ်ပေးပါတယ်။ အနာကျက်စေနိုင်သလို ကူးစက်တတ်တဲ့ […]

နေထိုင်မကောင်းဘူး။ ဖျားနာတယ်။ နာလန်ထတယ်ဆိုတဲ့ အခါမျိုးမှာ အစာမာမာ မစားနဲ့ဦးနော်။ ဆန်ပြုတ်လေး သောက်ပေးနော်။ စွပ်ပြုတ်​လေး ဖြစ်ဖြစ် သောက်နော်ဆိုတဲ့ စကားတွေကို ကြားခဲ့ဖူးတာ ငယ်ငယ်ကတည်းက နေမှာပါ။ ဆန်ပြုတ်ကို နေမကောင်းမှ မဟုတ်ပါဘူး။ သာမန်အချိန်တွေမှာလည်း သောက်ပေးလို့ရပါတယ်။ နေထိုင်မကောင်းတဲ့အခါ ဆန်ပြုတ်သောက်ရတဲ့ အကြောင်းအရင်းနဲ့ ဆန်ပြုတ်သောက်တာက ကျန်းမာရေးအတွက် ဘယ်လို ကောင်းလဲဆိုတာကို ဆောင်းပါးလေးထဲမှာ ဖတ်ကြည့်စေချင်ပါတယ်။ ဆန်ပြုတ် သောက်ပါ။ ထမင်းစားရတာ ကြိုက်သူတွေကတော့ ဆန်ပြုတ်သောက်ရတာက အတော်လေး စိတ်ညစ်စရာ ကောင်းမယ့် ကိစ္စပါ။ ဒါပေမယ့် ဆန်ပြုတ်သောက်တာက ခန္ဓာကိုယ်ကို ရေဓာတ်ဖြည့်ပေးတယ်။ ဆန်ပြုတ်မှာ ရေဓာတ်က ၉၀ ရာခိုင်နှုန်းအထိ ပါဝင်နေပါတယ်။ ပူနွေးခြောက်သွေ့ချိန်မှာ ဖြစ်ဖြစ် ပူနွေးစိုစွတ်နေချိန်မှာ ဖြစ်ဖြစ်၊ အေးမြ ခြောက်သွေ့နေချိန်မှာ ဖြစ်ဖြစ် လိုအပ်တဲ့ ရေဓာတ်ကို ပြည့်ဝစွာ ဖြည့်ပေးနိုင်ပါတယ်။ ဒါကြောင့်လည်း နေထိုင်မကောင်းချိန်မှာ ရေဓာတ်ပြည့်ဝစေဖို့ […]

ဘီယာမှာ ခါးသက်တဲ့အရသာရစေဖို့ ထည့်သုံးလေ့ရှိတဲ့ ဗျစ်ပွင့်က ဘီယာအတွက်ပဲ အသုံးတည့်တာမဟုတ်ဘဲ ကျန်းမာရေးအတွက်လည်း အကျိုးကျေးဇူးတွေ ပေးပါသတဲ့။ ဒီတော့ ဘီယာ ချက်လုပ်ရာမှာ အသုံးများတဲ့ ဗျစ်ပွင့်က ဘယ်လို ကျန်းမာရေး အကျိုးကျေးဇူးတွေ ပေးနိုင်သလဲဆိုတာကို ဆောင်းပါးလေးထဲမှာ ဖတ်ကြည့်စေချင်ပါတယ်။ ဗျစ်ပွင့်ဆိုတာ ဘာလဲ......... ဗျစ်ပွင့် ဆိုတာက နွယ်ပင်တစ်မျိုးဖြစ်ပြီး ဥရောပ မျိုးရင်းပင်ပါ။ အနောက်အာရှနဲ့ မြောက်အမေရိကဒေသတွေမှာလည်း ပေါက်ရောက်ကြပါတယ်။ စိတ်အပန်းပြေစေဖို့နဲ့ အိပ်မပျော်တာတွေကို သက်သာစေဖို့ အသုံးပြုခဲ့ကြပါတယ်။ ဗျစ်ပင်တွေဟာ ချက်စ်၊ ပိုလန်၊ အင်္ဂလန်နဲ့ ဂျာမနီနိုင်ငံတွေမှာ ပေါက်ရောက်သလို အမေရိကန်ပြည်ထောင်စု၊ တောင်အမေရိကနဲ့ ဩစတြေးလျနိုင်ငံတွေမှာလည်း ပေါက်ရောက်လေ့ရှိပါတယ်။ ဗျစ်ပွင့် နဲ့ ကျန်းမာရေး အာနိသင် ဘီယာချက်လုပ်ရာမှာ သုံးကြတဲ့ ဗျစ်ပွင့်က ကျန်းမာရေးအတွက် အခုလို အထောက်အကူပြုပေးပါတယ်။ ကင်ဆာအတွက် အသုံးပြုနိုင်တယ်။ လေ့လာမှုတွေအရ ဗျစ်ပွင့်မှာပါတဲ့ xanthohumol  က ကင်ဆာကို ကုသရာမှာ […]

ဒီနေ့ ဘာဟင်းလဲ.... ကြက်သားအာလူး၊ နောက်နေ့ရောက်တော့လဲ ကြက်သားကြော်နဲ့ ကြက်စွပ်ပြုတ်၊ နေ့တိုင်းနီးပါး ကြက်သားပဲ စိတ်တောင်ညစ်လာပြီ ဆိုသူလေးတွေ ရှိနေပြီလား............ ဒါဆိုရင် ဒီဆောင်းပါးလေး ဖတ်ကြည့်နော်။ ကြက်သားစားတာ ကျန်းမာရေးအတွက် ကောင်းပါတယ်။ ကြက်သားက နေမကောင်းမှ စားရတဲ့ ဓာတ်စာ မဟုတ်ပါဘူး။ နေကောင်းနေသူအဖို့လည်း ကိုယ်ခံအားကို အကောင်းဆုံး ဖြစ်နေစေဖို့ ကြက်သားစားဖို့လိုပါတယ်။ အခုလို ကိုဗစ်ကာလမှာ ရောဂါကို ခုခံကာကွယ်ဖို့က ကိုယ်ခံအားကောင်းဖို့ဆိုတော့ အခုကာလမှာ ကြက်သားက စားပေးသင့်တဲ့ အာဟာရပါပဲ။ ဘာကြောင့် ဒီလိုပြောနေရတာလဲဆိုတာကို အတူတူ ဆက်ကြည့်လိုက်ရအောင်နော်။ ကြွက်သားတွေကို တည်ဆောက်ပေးတယ်။ ကြက်သားက အသီးအရွက်တွေကနေ မရနိုင်တဲ့ ပရိုတင်းကို ပေးစွမ်းနိုင်တဲ့ အာဟာရတန်ဖိုးမြင့် အစားအစာတစ်ရပ်ပါ။ အဆီမပါတဲ့ ကြက်သားမှာ ပရိုတင်း ကြွယ်ဝစွာပါဝင်နေပါတယ်။ ကြွက်သားတွေ ဖြစ်ပေါ်စေဖို့ဆိုရင် အရေခွံမပါတဲ့ ကြက်သားကို စားပေးလို့ရပါတယ်။ အရိုးတွေ ကျန်းမာစေတယ်။ ကြက်သားမှာ ပရိုတင်း အပြင် ကယ်လ်ဆီယမ်၊ […]

စမုန်စေ့က လူတိုင်းနဲ့ ရင်းနှီးပြီး ဖြစ်နိုင်ပေမယ့် ဒီ စမုန်စေ့ကို ရတဲ့ စမုန်စပါးပင် ကိုတော့ သိထားမိသူ နည်းနိုင်ပါတယ်။ စမုန်စပါးပင်က ဟင်းခတ်အမွှေးအကြိုင်တစ်ခုပါ။ ဒီတစ်ခေါက်တော့ စမုန်စပါးပင် ရဲ့ ကျန်းမာရေးအာနိသင် အကြောင်းလေး ပြောပြပေးချင်ပါတယ်။ စမုန်စပါးပင်ဆိုတာ စမုန်စပါးပင် ဆိုတာ နံနံပင်လိုမျိုး ဟင်းခတ်အမွှေးအကြိုက် တစ်မျိုးပါ။ အပင်က အရမ်းမကြီးပါဘူး။ အရွက်က အစိမ်းရောင်ရှိပြီး ရှည်မျောမျော အရွက်ဖြာလေးတွေပါ။ အသုပ်တွေထဲ ထည့်တာ၊ ငါးဟင်း၊ ကြက်သားဟင်းတွေ ထဲကို ဟင်း အရသာ တိုးအောင် ထည့်ကြပါတယ်။ ကြက်အူချောင်း၊ ဝက်ပေါင်ခြောက် စတာတွေကို ကင်တဲ့အခါမှာလည်း အနံ့အရသာ တိုးစေဖို့ အသုံးပြုလို့ ရပါတယ်။ စမုန်စပါးပင် မှာပါတဲ့ အာဟာရဓာတ်များ ဟင်းခတ်အမွှေးအကြိုင်အဖြစ် အသုံးများကြတဲ့ စမုန်စပါးပင်မှာ ကယ်လ်လိုရီ ပရိုတင်း အဆီဓာတ် ကာဗိုဟိုက်ဒရိတ် အမျှင်ဓာတ် သဘာဝ […]