ဦးနှောက်အာရုံကြောကျန်းမာရေး

အာရုံကြောစနစ်ဆိုတာ ခန္ဓာကိုယ်ရဲ့ ထိန်းချုပ်ရေးစင်တာပါ။ ရှုပ်ထွေးတဲ့ စနစ်ဖြစ်ပြီး ခန္ဓာကိုယ်ရဲ့ လှုပ်ရှားမှုတွေ ဟန်ချက်ညီအောင်၊ တုံ့ပြန်နိုင်အောင်၊ အာရုံခံနိုင်အောင်၊ တွေးတောမှုတွေ လုပ်နိုင်အောင် ထိန်းချုပ်ထားတာပဲ ဖြစ်ပါတယ်။

“အသက်ကြီးလာတာနဲ့အမျှ ဦးနှောက်က ပြောင်းလဲလာပါတယ်။ ဦးနှောက်ကျန်းမာပြီး မှတ်ဉာဏ်ကောင်းနေစေဖို့ အောက်ပါ နည်းလမ်းတွေကိ လိုက်နာသင့်ပါတယ်။

-ဦးနှောက်ကို အလုပ်ပေးပါ။ ဥပမာ Puzzles ဆော့တာ၊ စာအုပ်ဖတ်တာ၊ ပန်းချီဆွဲတာ
-လေ့ကျင့်ခန်း ပုံမှန်လုပ်ပါ။
-အာဟာရပြည့်ဝအောင် စားသောက်ပါ။ ဥပမာ အသီးအနှံ၊ အသီးအရွက်၊ အစေ့အဆန်တွေနဲ့ မပြည့်ဝဆီ”

အာရုံကြောရောဂါတွေမှာ ဦးနှောက်၊ အာရုံကြောနဲ့ ကျောရိုးအာရုံကြောမကြီးမှာ ဖြစ်တတ်တဲ့ ရောဂါတွေ ပါဝင်ပါတယ်။ ဥပမာ လေဖြတ်တာ၊ လေဖြန်းတာ၊ ပိုးဝင်တာတွေ ဖြစ်တဲ့ ပိုလီယို၊ ဦးနှောက်အမြှေးရောင်၊ လက်ကောက်ဝတ်အာရုံကြောညပ်တာ၊ ဦးနှောက်နဲ့ ကျောရိုးအာရုံကြောအကျိတ်၊ အတက်ရောဂါ၊ ပါကင်ဆန်ရောဂါ၊ အယ်ဇိုင်းမားရောဂါ၊ Multiple sclerosis စတာတွေ ပါဝင်ပါတယ်။

လက္ခဏာတွေကတော့ အကြောသေတာ၊ ကြွက်သားတွေ အားနည်းတာ၊ တုံ့ပြန်မှု မကောင်းတာ၊ အာရုံခံစားမှု နည်းသွားတာ၊ တက်တာ၊ သတိမကောင်းတာ၊ နာတာ၊ အသိစိတ်လွတ်တာ စတာတွေပဲ ဖြစ်ပါတယ်။

သင့်မှာ နဂိုရောဂါအခံတစ်ခုခုရှိနေရင် အာရုံကြောပြဿနာတွေကိ ပိုဆိုးစေနိုင်ပါတယ်။ ဥပမာ ဆီးချိုရောဂါ၊ အရေပြားလေးဖက်နာ၊ လေးဖက်နာအဆစ်ရောင်ရောဂါ၊ လေဖြတ်တာ စတာတွေပဲ ဖြစ်ပါတယ်။ ဒီရောဂါအခံတွေရှိနေပြီး အာရုံကြောထိခိုက်မှာ စိုးရိမ်တယ်ဆိုရင် ဆရာဝန်နဲ့ အမြန်ဆုံးပြသသင့်ပါတယ်။