ရင်နှစ်သည်းခြာလေးတွေ ကျန်းမာဖွံ့ဖြိုးဖို့ မရှိမဖြစ်လိုအပ်တဲ့ အာဟာရဓါတ်များ

ကလေးတွေကို ကျန်းကျန်းမာမာနဲ့ ကြီးပြင်းလာစေချင်တာ မေမေတို့ရဲ့ စေတနာပါ။ ကြီးထွားဖွံ့ဖြိုးဆဲ အရွယ်ဖြစ်တာကြောင့် နေ့စဉ် အစာအာဟာရကို သေချာဂရုစိုက်ပြီး ပြင်ဆင်မှ ကလေးတွေလည်း ကြီးထွားဖွံ့ဖြိုးပြီး ဉာဏ်ရည်ထက်မြက်မှာပေါ့။

ကလေးတွေ အရိုးအဆစ်တွေ သန်မာဖို့၊ ကိုယ်ခန္ဓါ ကြီးထွားဖို့ ပရိုတင်းဓါတ်နဲ့ ကယ်လ်စီယမ်ဓါတ်တွေ၊ ရောဂါတွေကို ကာကွယ်ပေးနိုင်တဲ့ ကိုယ်ခံအားစနစ် မြှင့်တင်ပေးဖို့၊ ကိုယ်တွင်းအင်္ဂါ ကောင်းစွာ အလုပ်လုပ်နိုင်စေဖို့ ဗီတာမင်နဲ့ သတ္တုဓါတ်တွေ နေ့စဉ် မရှိမဖြစ် လိုအပ်ပါတယ်။ ဒီတော့ ကလေးကြီးထွားဖွံ့ဖြိုးဖို့အတွက် နေ့စဉ်လိုအပ်တဲ့ အာဟာရဓါတ်တွေက ဘာတွေများလဲ၊ ဘယ်ကနေရနိုင်မလဲဆိုတာကို ဆက်ဖတ်ကြည့်လိုက်ရအောင်။

ကလေးကြီးထွားမှုအတွက် မရှိမဖြစ်လိုအပ်တဲ့ အာဟာရဓါတ်တွေ

ကလေးရဲ့ ကျန်းမာရေးနဲ့ ဉာဏ်ရည်ထက်မြက်စေဖို့ အလေးအနက်ထားတဲ့ မေမေတွေအနေနဲ့ အောက်မှာပြထားတဲ့ အာဟာရဓါတ်တွေကို နေ့စဉ် မဖြစ်မနေ ကျွေးပေးသင့်တယ်နော်။

၁။ ပရိုတင်းဓါတ်

ကလေး ကိုယ်ခန္ဓါကြီးထွားဖွံ့ဖြိုးစေဖို့၊ အရိုးအဆစ်တွေ သန်စွမ်းကြံ့ခိုင်စေဖို့၊ ကိုယ်ခန္ဓါက တစ်နေ့တာ ကုန်ဆုံးသွားတဲ့ အားအင်တွေကို ပြန်လည်ဖြည့်တင်းပေးဖို့ ကူညီပေးပါတယ်။ ဦးနှောက်ဉာဏ်ရည်ကို ထက်မြက်စေပြီး ကိုယ်ခံအားစနစ်ကို မြှင့်တင်ပေးလို့ ရောဂါတွေ အလွယ်တကူ ဝင်မလာအောင် တားဆီးပေးနိုင်ပါတယ်။ အဖျားတာတိုစေပြီး ဒဏ်ရာတွေ၊ အနာကျက်မြန်စေနိုင်ပါတယ်။

ပရိုတင်းဓါတ်ကို ကြက်သား၊ ဝက်သား၊ ငါး အစရှိတဲ့ အသားတွေ၊ ဥ၊ နွားနို့၊ ပဲအမျိုးမျိုးကနေ အဓိက ရရှိနိုင်ပါတယ်။

၂။ ဗီတာမင် A

အမြင်အာရုံကြည်လင်စေပြီး မျက်စိအားကောင်းစေတယ်။ သွေးဖြူဥတွေကို ပိုမိုထုတ်လုပ်ပေးနိုင်ပြီး သွေးကြောထဲမှာ ရှိနေတဲ့ ဘက်တီးရီးယားပိုးမွှားတွေကို ဖယ်ရှားပေးနိုင်တယ်။ ကိုယ်ခံအား ကောင်းစေတယ်။ အရိုးတွေကို ကျန်းမာစေပြီး အရိုးပါးရောဂါ ဖြစ်နိုင်ခြေကို လျှော့ချပေးနိုင်ပါတယ်။

ဗီတာမင် A ကြွယ်ဝတဲ့ အစားအစာကတော့ အသား၊ နွားနို့၊ ဥအမျိုးမျိုး၊ လိမ္မော်သီး၊ မုန်လာဥ၊ ကန်စွန်းဥတွေပဲ ဖြစ်ပါတယ်။

၃။ ဗီတာမင် B အုပ်စု

ဦးနှောက်နဲ့ အာရုံကြောစနစ်ကို အထောက်အကူပေးပြီး မှတ်ဉာဏ်ချို့ယွင်းတာ၊ စိတ်ကျရောဂါ မဖြစ်စေဖို့ ကာကွယ်ပေးနိုင်ပါတယ်။ သွေးနီဥဆဲလ်တွေ ထုတ်လုပ်ပေးမှုကို မြှင့်တင်ပေးလို့ သွေးအားနည်းရောဂါတွေကို ကာကွယ်ပေးတယ်။ ကိုယ်ခန္ဓါအတွက် နေ့စဉ်လိုအပ်တဲ့ အားအင်တွေကို ဖြည့်စွမ်းပေးနိုင်ပါတယ်။

ဗီတာမင် B အုပ်စုမှာ ဗီတာမင် B1, B2, B3, B5, B6, B7 နဲ့ B12 တို့ ပါဝင်ပြီး အသား၊ ငါး၊ နို့ထွက်ပစ္စည်း၊ ကြက်ဥ၊ အစေ့အဆန်နဲ့ ဟင်းသီးဟင်းရွက်တွေမှာ အများဆုံးတွေ့နိုင်ပါတယ်။

၄။ ဖောလစ်အက်ဆစ်

ကလေးရဲ့ အရိုးနဲ့ ဦးနှောက်ကို ဖွံ့ဖြိုးစေပြီး ကိုယ်ခန္ဓါတွင်း ဆဲလ်တွေကို ကျန်းမာစေတယ်။ ဇီဝကမ္မ ဖြစ်စဉ်ပြောင်းလဲမှုအတွက် အရေးပါပြီး အာရုံကြောစနစ်ကို ကောင်းစေတယ်။ လူ့ခန္ဓါကိုယ်အတွက် လိုအပ်တဲ့ အမိုင်နိုအက်ဆစ်တွေ၊ သွေးဖြူဥ၊ သွေးနီဥဆဲလ်တွေကို ထုတ်လုပ်ပေးနိုင်ဖို့ ကူညီပေးပါတယ်။ ဖောလစ်အက်ဆစ်ဓါတ်ကို အစိမ်းရောင်ဟင်းသီးဟင်းရွက်တွေ၊ ပဲအမျိုးမျိုးနဲ့ အသည်းအမြစ်တွေကနေ ရနိုင်ပါတယ်။

၅။ ဗီတာမင် C

သွား၊ သွားဖုံးနဲ့ အရိုးကို ကျန်းမာကြံ့ခိုင်စေပြီး ခန္ဓါကိုယ်ထဲ ဝင်လာတဲ့ ရောဂါပိုးတွေကို တိုက်ထုတ်ပေးနိုင်တယ်။ အစားအစာထဲမှာ ပါဝင်တဲ့ သံဓါတ်ကို ကိုယ်ခန္ဓါက ကောင်းစွာ စုပ်ယူနိုင်စေဖို့ ကူညီပေးပါတယ်။ လိမ္မော်သီး၊ သံပရာသီး၊ စတော်ဘယ်ရီသီး အစရှိတဲ့ ချဉ်တဲ့အရသာ ရှိတဲ့ အသီးအနှံတွေ၊ ခရမ်းချဉ်သီး၊ ကန်စွန်းဥ၊ အာလူးနဲ့ ဟင်းသီးဟင်းရွက်ကနေ ဗီတာမင် C ဓါတ်ကို ရရှိနိုင်ပါတယ်။

၆။ ဗီတာမင် D

နေရောင်ခြည်နဲ့ အရေပြားတိုက်ရိုက်ထိတွေ့တဲ့အခါမှာ ခန္ဓါကိုယ်က ဗီတာမင် D ဓါတ်ကို ရရှိပါတယ်။ အစားအစာကနေ ရရှိတဲ့ ကယ်လ်စီယမ်နဲ့ ဖော့စဖရပ်စ်ဓါတ်တွေကို ကောင်းစွာ စုပ်ယူပေးနိုင်လို့ အရိုးနဲ့ ကြွက်သားတွေကို ကျန်းမာကြံ့ခိုင်စေပါတယ်။ ငါးကြီးဆီ၊ ကြက်ဥအနှစ်၊ ထောပတ်ကနေလည်း ဗီတာမင် D ဓါတ်တွေကို ရရှိနိုင်ပါတယ်။

၇။ ဗီတာမင် E

ကိုယ်ခံအားစနစ်ကို ကောင်းမွန်စေပြီး အရေပြားနဲ့ မျက်လုံးကျန်းမာရေးကို အထောက်အကူ ဖြစ်စေတယ်။ နေကြာစေ့၊ သီဟိုရ်စေ့လို အစေ့အဆန်တွေနဲ့ ထောပတ်သီးကနေ ဗီတာမင် E ဓါတ်ကို ရရှိပါတယ်။

၈။ ကယ်လ်စီယမ်

အရိုးနဲ့ သွားကို ကျန်းမာကြံ့ခိုင်စေတယ်။ ကလေးတွေ ကြီးလာတဲ့အခါမှာ အရိုးပါးရောဂါ မဖြစ်စေဖို့၊ အရိုးတွေ အလွယ်တကူ ထိခိုက်ကျိုးပဲ့တာ မဖြစ်စေဖို့ ကာကွယ်ပေးနိုင်ပါတယ်။ နွားနို့ နဲ့ ငါးအမျိုးမျိုး၊ အစိမ်းရောင် ဟင်းသီးဟင်းရွက်တွေကနေ ကယ်လ်စီယမ်ဓါတ်ကို အဓိက ရရှိပါတယ်။

၉။ အိုင်အိုဒင်းဓါတ်

ကလေးတွေ ကြီးထွားဖွံ့ဖြိုးမှုနဲ့ ခန္ဓါကိုယ်ရဲ့ ဇီဝကမ္မပြောင်းလဲမှု ဖြစ်စဉ်ကို အထောက်အကူပေးနိုင်တယ်။ ဦးနှောက်နဲ့ ဉာဏ်ရည်ကို ထက်မြက်စေပြီး အစာစားချင်စိတ်ကို ဖြစ်ပေါ်စေတယ်။ ငါး၊ ပင်လယ်စာ၊ အိုင်အိုဒင်းဆားကနေ အဓိက ရရှိနိုင်ပါတယ်။

၁၀။ သံဓါတ်

လိုအပ်တဲ့ အောက်စီဂျင်ကို သွေးမှတစ်ဆင့် ကိုယ်ခန္ဓါအနှံ့ သယ်ယူပို့ဆောင်ပေးနိုင်တယ်။ အမောခံနိုင်ပြီး သက်လုံကောင်းစေတယ်။ ကိုယ်ထဲ ဝင်လာမယ့် ရောဂါတွေကို တိုက်ထုတ်ပေးနိုင်တယ်။ ကလေးတွေမှ သွေးအားနည်းရောဂါ မဖြစ်စေဖို့ ကာကွယ်ပေးပါတယ်။ သံဓါတ်ကို ကြက်သား၊ ငါး၊ ပင်လယ်စာ၊ ပဲ၊ ကြက်ဥအနှစ်တွေမှာ အများဆုံးတွေ့ရပါတယ်။

၁၁။ ဇင့်ဓါတ်

ကိုယ်ခံအားစနစ်ကို မြှင့်တင်ပေးပြီး အနာကျက်မြန်စေတယ်။ ကလေးကြီးထွားဖွံ့ဖြိုးမှုနဲ့ ကျန်းမာရေးအတွက် လိုအပ်တဲ့ အာဟာရဓါတ်တစ်မျိုး ဖြစ်ပါတယ်။ ကြက်သား၊ ဝက်သား၊ ပင်လယ်စာ၊ နွားနို့၊ အစေ့အဆန်တွေမှာ ဇင့်ဓါတ်ပမာဏ များစွာ ပါဝင်ပါတယ်။

၁၂။ မဂ္ဂနီဆီယမ်ဓါတ်

ဦးနှောက်နဲ့ အာရုံကြောစနစ်အတွက် အရေးပါတဲ့ သတ္တုဓါတ်ဖြစ်ပြီး ကလေးတွေရဲ့ စိတ်ခံစားချက်ပိုင်းဆိုင်ရာကို မြှင့်တင်ပေးတယ်။ ကယ်လ်စီယမ်ဓါတ် ကောင်းစွာ စုပ်ယူနိုင်မှုကိုလည်း ကူညီပေးနိုင်တယ်။ အရိုးနဲ့ ကိုယ်ခန္ဓါဖွံ့ဖြိုးစေဖို့လည်း အရေးကြီးတဲ့ အခန်းကဏ္ဍကနေ ပါဝင်နေပါတယ်။ မဂ္ဂနီဆီယမ်ဓါတ်ကို အစိမ်းရောင်ဟင်းသီးဟင်းရွက်၊ အသီးအနှံ၊ ပဲအမျိုးမျိုးနဲ့ အစေ့အဆန်၊ ပင်လယ်စာတွေကနေ ရရှိနိုင်ပါတယ်။

၁၃။ ဖော့စ်ဖရပ်စ်ဓါတ်

ကိုယ်ခန္ဓါတွင်း ဆဲလ်တွေ ကောင်းစွာ အလုပ်လုပ်နိုင်စေဖို့၊ ကယ်လ်စီယမ်ဓါတ်ကို ခန္ဓါကိုယ်အနှံ့ သိုလှောင်ထိန်းသိမ်းပေးဖို့ ကူညီပေးပါတယ်။ အရိုးနဲ့ သွားတွေကို ကြံ့ခိုင်စေတယ်။ ကျောက်ကပ်ကို သန့်စင်ပေးတယ်။ အားအင် သိုလှောင်ခြင်း၊ အသုံးပြုခြင်း ဖြစ်စဉ်ကို ကူညီပေးတယ်။ ခန္ဓါကိုယ်တွင်း ဗီတာမင်နဲ့ သတ္တုဓါတ်တွေကို မျှတစေတယ်။ နှလုံးကျန်းမာရေးအတွက်လည်း အထောက်အကူဖြစ်စေပါတယ်။ ဖော့စ်ဖရပ်စ်ဓါတ်ကို ကြက်သား၊ ငါး၊ နို့ထွက်ပစ္စည်း၊ ဥနဲ့ ပဲအမျိုးမျိုး၊ အစေ့အဆန်တွေကနေ အများဆုံး ရရှိပါတယ်။

ကလေးအာဟာရအတွက် မေမေတွေ ဘယ်လိုစီစဉ်ကြမလဲ။

ကလေးရဲ့ ကြီးထွားဖွံ့ဖြိုးမှုနဲ့ ကျန်းမာရေးကို အလေးအနက်ထားတဲ့ မေမေတွေ၊ နေ့စဉ် ကလေးအာဟာရ ပြည့်ဝဖို့ ဘာကျွေးရမလဲ စဉ်းစားရခက်နေရင် BRAND’S တံဆိပ် NutriChamp ကြက်သားမှုန့်ကို တိုက်ကျွေးပေးဖို့ အကြံပြုချင်ပါတယ်။

ဘာလို့ ဒီလိုအကြံပြုရတာလဲဆိုတော့ NutriChamp ပရိုတင်းမှုန့်မှာ ကလေးကြီးထွားဖွံ့ဖြိုးမှုအတွက် မရှိမဖြစ်လိုအပ်တဲ့ အရည်အသွေးမြင့် ပရိုတင်းဓါတ်တွေအပြင် ဗီတာမင်နဲ့ သတ္တုဓါတ်တွေ ပါဝင်လို့ ကြီးထွားဖွံ့ဖြိုးမှုကို အထောက်အကူ ဖြစ်စေနိုင်ပါတယ်။ ဒီတော့ တစ်ခုချင်းစီ အလုပ်ရှုပ်ခံလိုက်ရှာပြီး ကျွေးမွေးနေစရာမလိုတော့ဘဲ အလွယ်တကူနဲ့ပဲ လိုအပ်တဲ့ အာဟာရဓါတ်တွေရရှိသွားစေနိုင်ပါတယ်။

မရှိမဖြစ် အရေးပါတဲ့အမိုင်နိုအက်ဆစ်တွေနဲ့ ဖွဲ့စည်းထားပြီး PDCAAS အဆင့် ၁ ရှိတဲ့ အရည်အသွေးမြင့် ပရိုတင်းဓါတ်ဖြစ်လို့ ကိုယ်ခန္ဓါအတွက်လည်း စုပ်ယူရလွယ်ကူစေတယ်။ တခြားပရိုတင်းမှုန့်တွေလိုလည်း အချိုမှုန့်တွေ ထည့်မထားဘဲ သကြားပါဝင်မှုနည်းတာကြောင့် ကလေးကျန်းမာရေးအတွက် ပူစရာမလိုတော့သလို အချိန် ၃မိနစ် ပေးရုံနဲ့ အလွယ်တကူ ကျွေးလို့ရတော့ မေမေတွေလည်း အချိန်ကုန်၊ လူပင်ပန်းသက်သာပြီး အလုပ်မရှု့ပ်တော့ဘူးပေါ့။