ကျန်းမာစွာ စားသောက်ခြင်း

မိဘတို့သည် အသား၊ ငါး၊ ဥ၊ နွားနို့တို့ များများပါသော အစားအစာသည် ကလေးအတွက် “အာဟာရ အပြည့်ဆုံး” ဟု ထင်ကြ၏။ အာဟာရသိပ္ပံတွင်တော့ အားရှိတဲ့အစာကို ရွေးစားတာထက် အစာအုပ်စုစုံလင်စွာပါပြီး သင့်တင့်မျှတအောင် စားဖို့ အကြံပြုထားပါသည်။ မဟုတ်လျှင် အာဟာရနှင့်ဆိုင်သောရောဂါများဖြစ်သည့် ဗီတာမင်ချို့တဲ့ခြင်းများ၊ အဝလွန်ခြင်း၊ အာဟာရချို့တဲ့ခြင်းများကို ဦးတည်သွားနိုင်ပါသည်။ မျှတသော အစားအသောက်ဆိုတာဘာလဲ။ အာဟာရဆိုသည်မှာ ကလေးငယ်၏ဦးနှောက် ဖွံဖြိုးမှုနှင့် ခန္ဓာကိုယ်ကြီးထွားမှုအတွက် အဓိကအချက်ပင်ဖြစ်သည်။ ထို့ကြောင့် ကျိုးကြောင်းညီညွှတ်သည့် အစားအသောက်တစ်ခုတွင် လုံလောက်သော စွမ်းအင်၊ လုံလောက်သော အာဟာရဓာတ်များကို ညွှန်းဆိုထားသည့် အာဟာရလိုအပ်မှုနှင့် မျှတမှုအတိုင်း ပါဝင်ရမည်ဖြစ်သည်။ ကလေး၏အသက်နှင့် လိင်ပေါ်လိုက်၍ အာဟာရမျှတမှုနှင့် ထောက်ပံ့မှု သင့်လျော်ရမည်ကို သိထားပါ။ မျှတသောအစာအစာဆိုသည်မှာ- အစားအစာတွင် စွမ်းအင်ရင်းမြစ်သုံးခု မျှတရမည် (ပရိုတင်း၊ အဆီနှင့် ကာဗိုဟိုက်ဒြိတ်မှရသော စွမ်းအင်) ပရိုတင်းမျှတရမည် (ပရိုတင်းစုစုပေါင်းနှင့် […]

ကာဘိုဟိုက်ဒရိတ်က စွမ်းအင်ကိုပေးပါတယ်။ လူရဲ့ကိုယ်က အဲဒီစွမ်းအင်ကို လူရဲ့လုပ်ငန်းစဉ်တွေ လည်ပတ်ဖို့အသုံးပြုပါတယ်။ သင်အစားအသောက်တွေစားသုံးတဲ့အခါ ကာဘိုဟိုက်ဒရိတ်ဘက်ကိုလည်း သတိထားသင့်ပါတယ်။ သူတို့က သင့်ရဲ့ သွေးချိုအဆင့်ကို သက်ရောက်နိုင်ပါတယ်။   ကာဘိုဟိုက်ဒရိတ်တွေကဘာတွေလဲ ? လူရဲကိုယ်က ကာဘိုဟိုက်ဒရိတ်ကို Glucose လုပ်ဖို့သုံးပါတယ်။ သင့်ရဲ့ကိုယ်ဟာ glucose တွေကို ချက်ချင်းသုံးလိုက်နိုင်သလို အသည်းနဲ့ ကြွက်သားတွေထဲမှာလည်းသိုလှောင်ထားနိုင်ပါတယ်။ ကာဘိုဟိုက်ဒရိတ်ကို အောက်ပါအစားအစာတွေမှာ တွေ့နိင်ပါတယ် - သစ်သီးများ - ဟင်းသီးဟင်းရွက်များ - သကြား - ဆန်ပြောင်းအစေ့အဆန်များ - နို့ထွက်ထုတ်ကုန်များ ကာဘိုဟိုက်ဒရိတ် အမျိုးအစားနှစ်မျိုးရှိပါတယ်။ ရိုးရှင်းတဲ့ကာဘိုဟိုက်ဒရိတ်နဲ့ ရှုပ်ထွေးတဲ့ ကာဘိုဟိုက်ဒရိတ်ပါ။ ရှုပ်ထွေးတဲ့ ကာဘိုဟိုက်ဒရိတ် ရှုပ်ထွေးတဲ့ကာဘိုဟိုက်ဒရိတ်မှာအမျိုးအစားနှစ်မျိုးရှိပါတယ်။ ကစီနဲ့ အမျှင်ဓာတ်ဖြစ်ပါတယ်။ ကစီဓာတ်က လူကိုယ်က glucose အဖြစ်သုံးမပြုခင်ပြိုကွဲရပါသေးတယ်။ ကစီဓါတ်ပါဝင်တဲ့ အစားအစာတချို့က - အာလူး၊ ပဲ၊ ပြောင်းဖူး စတဲ့ စေကပ်တဲ့ ဟင်းသီးဟင်းရွက်များ - ပေါင်မုန့်၊ ဆန်၊ဂျုံ အမျှင်ဓာတ် ကိုတော့ - Oatmeal - အစေ့အဆံများ။ သစ်ကြားသီး၊ မြေပဲ၊ […]

အခုခေတ်မှာ အိမ်ရှင်မတွေအနေနဲ့ ဆီကုန်သက်သာပြီး အိုးမကပ်တဲ့ ဒယ်အိုးတွေ၊ ဟင်းချက်အိုးတွေအပြင် သတ္တုအမျိုးအစားအမျိုးမျိုးနဲ့ ထုတ်ထားတဲ့ အကင်အိုး၊ ပေါင်းအိုးတွေကိုပါ တွင်တွင်ကျယ်ကျယ်အသုံးပြုလာကြပြီး ရွေးချယ်စရာအမျိုးအစာတွေကလည်း စုံလင်လှပါတယ်။ အမြင်လှအောင် ပြင်ဆင်ထားတဲ့ အိုးလေးတွေက မိမိကိုယ်တိုင်နဲ့ မိသားစုဝင်တွေရဲ့ ကျန်းမာရေးအပေါ်မှာ ဘယ်လိုအကျိုးသက်ရောက်နေသလဲဆိုတာကိုတော့ သေသေချာချာသိရှိတဲ့သူက ရှားမယ်ထင်ပါတယ်။ တိုးတက်လာတဲ့ခေတ်နဲ့အညီ အပြိုင်အဆိုင်တီထွင်ထုတ်လုပ်လာတဲ့ အိုးလေးတွေရဲ့ နောက်ကွယ်က ကျွန်မအပါအဝင် အိမ်ရှင်မတော်တော်များများသတိမထားမိသေးတဲ့ သတိပြုစရာအချက်လေးတွေကို သိရှိနိုင်စေဖို့ လက်လှမ်းမီသမျှ မျှဝေပေးလိုက်ပါတယ်။ မီးဖိုချောင်ထဲက သင်မသိသေးတဲ့အန္တရာယ် ကျွန်မတို့ရဲ့ ကျန်းမာရေးအပေါ်မှာ နေ့စဉ်စားသောက်လိုက်တဲ့ အစားအသောက်တွေက တော်တော်လေးကို လွှမ်းမိုးထားပါတယ်။ အစားအသောက်တွေရဲ့ အာဟာရဓာတ်တွေက အပူချိန်အလွန်အကျွံပေးမှုကြောင့် အလွယ်တကူပျက်စီးသွားနိုင်ပါတယ်။ ချက်ပြုတ်အပူပေးတဲ့ အခါမှာ အသုံးပြုတဲ့ အိုးတွေမှာပါတဲ့ ဓာတ်သတ္တုတွေက အစားအသောက်တွေထဲကို စိမ့်ဝင်သွားတာမျိုးတွေကြောင့်လည်း အစားအသောက်တွေရဲ့ အာဟာရဓာတ်တွေ ပျက်စီးသွားနိုင်ပါတယ်။ ချက်ပြုတ်ရာမှာ သုံးတဲ့အိုးတွေရဲ့ ကိုယ်အတွင်းပါတဲ့ သတ္တုဓာတ်တွေက အစားအသောက်တွေထဲမှာပါတဲ့ အင်ဇိုင်းတွေနဲ့ အစားအသောက်တွေရဲ့ […]

မိုးရာသီနဲ့ အစားအစာ ပတ်ဝန်းကျင်လေထုက စိုစွတ်ထိုင်းမှိုင်းတတ်တဲ့ မိုးရာသီမှာ ရေနဲ့ အစားအစာတွေကတဆင့် ကူးစက်ဖြစ်ပွားစေတဲ့ ရောဂါတွေရှိတတ်ပါတယ်။ ဗိုင်းရပ်စ်၊ မှိုပိုးနဲ့ ဘက်တီးရီးယားတွေကြောင့် အရေပြား၊ အသက်ရှူလမ်းကြောင်းနဲ့ အစာချေစနစ်တွေမှာ ရောဂါဝင်စေတတ်ပါတယ်။ ကိုယ်ခံအားစနစ် နဲ့ အစာချေစနစ်တို့က စိုထိုင်းတဲ့ရာသီဥတုမှာ ထိခိုက်ဖို့ပိုလွယ်တာကြောင့် အအေးမိခြင်း၊ ဖျားခြင်း၊ ဝမ်းပျက်ခြင်း၊အစာမကြေခြင်းတို့လို အဖြစ်များတဲ့ရောဂါတွေနဲ့ ဒုက္ခရောက်ကြရပါတယ်။ ရေနဲ့ အစားအစာကတဆင့် ကူးစက်ဖြစ်ပွားနိုင်တဲ့ ကျန်းမာရေးပြဿနာတွေက မိုးတွင်းမှာ အမြဲပိုဖြစ်လွယ်ပြီး ပိုးမွှားတွေနဲ့ ဘက်တီးရီးယားတွေကလည်း စီးဆင်းမှုမရှိတဲ့ ရေမြောင်း၊ရေအိုင်တွေနဲ့ စိုထိုင်းတဲ့နေရာတွေ မှာပေါက်ဖွားကြတာများပါတယ်။ ဒါ့ကြောင့် မိုးရာသီမှာ ကိုယ့်ရဲ့အစားအသောက်ကို သတိပြု ဂရုစိုက်နိုင်ဖို့ အရေးကြီးပါတယ်။ လမ်းဘေးအစားအစာတွေကို ရှောင်ပြီး အိမ်မှာပဲ ချက်ပြုတ်စားသောက်နိုင်ရင်လည်းအကောင်းဆုံးဖြစ်ပါတယ်။ မိုးရာသီမှာ သတိထားရမယ့် စားသောက်ပုံအာဟာရ အတော်များများက မိုးရာသီမှာ ချဉ်ချဉ်စပ်စပ်လေးတွေ စားချင်တတ်ကြတာကြောင့် လမ်းဘေးက လွယ်လွယ်ဝယ်စားတတ်ကြပါတယ်။ ဒီရာသီမှာတော့ ဆင်ခြင်သင့်ပါတယ်။ ကျန်းမာရေးနဲ့ညီတဲ့ […]

စိမ်းပြာရေညှိ (Spirulina Algae)စိမ်းပြာရေညှိက ကမ္ဘာမြေကြီးရဲ့ သက်တမ်းအရင့်ဆုံးသော သက်ရှိတစ်မျိုးလို့ဆိုရမှာပါတယ်။ စိမ်းပြာရေညှိက ကမ္ဘာ့လေထုအတွက်အောက်ဆီဂျင်ထုတ်ပေးတဲ့ တာဝန်ကို တစ်စိတ်တစ်ဒေသကနေထမ်းဆောင်ပေးနေပါတယ်။ စိမ်းပြာရေညှိက ကမ္ဘာ့ပထမတန်းစား အစားအသောက်တစ်ရပ်ဖြစ်ပြီး ကမ္ဘာ့မြေပေါ်က အာဟာရဓါတ်အကြွယ်ဝဆုံးသော အစားအစာတွေထဲက တစ်ရပ်ဖြစ်ပါတယ်။ စိမ်းပြာရေညှိမှာ ပရိုတင်းဓါတ် ၅၅ ရာခိုင်နှုန်းကနေ ၇၀ ရာခိုင်နှုန်းအထိပါဝင်ပြီး ခန္ဓါကိုယ် အတွက် မရှိမဖြစ်လိုအပ်တဲ့ အမိုင်နိုအက်ဆစ် ၈ မျိုး နဲ့ သိပ်အရေးမပါတဲ့ အမိုင်နိုအက်ဆစ် ၁၀ မျိုးလောက်ပါဝင်နေပါတယ်။gamma-linolenic acid (GLA) များစွာပါဝင်ပြီး ၊ ဘီတာကယ်လ်ရိုနွိုက်၊linoleic အက်ဆစ်၊arachidonic အက်ဆစ်၊ ဗီတာမင်B12၊ ကယ်လ်ဆီယမ်၊ဖော့ဖရိတ် နဲ့ အခြားအာဟာရဓါတ်များစွာပါဝင်ပါတယ်။ စိမ်းပြာရေညှိတစ်ခုတည်းမှာသာပါဝင်တဲ့ pigment-protein complex လည်းပါဝင်ပါတယ်   စိမ်းပြာရေညှိရဲ့ ကျန်းမာရေးအပေါ် သက်ရောက်မှုအာဟာရဓါတ်များစွာပါဝင်ခြင်း စိမ်းပြာရေညှိကရေချိုရောရေငန်မှာပါပေါက်ရောက်တဲ့ သက်ရှိသတ္တဝါတစ်မျိုးပါ။cyanobacterium ဘက်တီးရီးယားတစ်မျိုးလို့လည်းခေါ်ပါတယ်။ အပင်တွေနဲ့ဆင်တူတဲ့cyanobacterium ကနေရောင်ခြည်ကိုစုပ်ယူပြီး အစာချက်လုပ်မှုကနေတဆင့် […]

GMO ဆိုတာဘာလဲ GMO အစားအစာဆိုတာ ရှိပြီးသားမျိုးဗီဇတွေထဲကို တခြားတစ်ခုဆီက မျိုးဗီဇအသစ်တွေပေါင်းစပ်ပြီးပြုပြင်ထားတဲ့ အမျိုးအစားတွေဖြစ်ပါတယ်။ မျိုးဗီဇပြုပြင်ထားတဲ့ GMO အစားအစာတွေက လူ့ကျန်းမာရေးနဲ့ စိုက်ပျိုးမွေးမြူရေးလုပ်ငန်းအတွက်ကောင်းကျိုးများစွာ ရှိနိုင်တယ်ဆိုပေမယ့် ဆိုးကျိုးတွေလည်းရှိလာနိုင်ပါတယ်။ တောင်သူဦးကြီးတွေကတော့ ပိုးသတ်ဆေး၊ပေါင်းသတ်ဆေးအပြင်းစားတွေကိုခံနိုင်ရည်ရှိဖို့နဲ့ ပိုးတွေအဆိပ်အတောက်ဓါတ်တွေကို ခံနိုင်ရည်ရှိဖို့ မျိုးဗီဇပြုပြင်ထားတဲ့ GMOမျိုးစေ့တွေနဲ့စိုက်ပျိုးလာကြပါတယ်။ အများစုက အထွက်နှုန်းကောင်းပြီး အကျိုးအမြတ်တိုးစေဖို့နဲ့ ပျိုးပင်တွေကို ရာသီဥတုဒဏ်၊ ပိုးသတ်ဆေးဒဏ်ကြောင့် ထိခိုက်ပျက်စီးမှုနှုန်းလျော့နည်းစေဖို့ သုံးကြပါတယ်။   GMO အစားအစာတွေကို အသုံးများလာ ဈေးကွက်အတွင်းGMO အစားအစာထွက်ကုန်တွေရဲ့ပမာဏက ကမ္ဘာတလွှားမှာ များပြားကျယ်ပြန့်လာပါတယ်။ ဒါပေမယ့် အစားအစာတွေမှာ GMO ဖြစ်ကြောင်း labelမဖော်ပြထားတာကြောင့် ကိုယ်စားတဲ့အထဲ GMOဘယ်လောက်ပါနေသလဲဆိုတာကတော့ အတိအကျပြောဖို့ခက်ပါတယ်။ GMO သီးနှံတွေရဲ့ ၇၀ ကနေ ၉၀ ရာခိုင်နှုန်းခန့်ဟာမွေးမြူရေးအစာအတွက် အသုံးပြုဖို့ဖြစ်ပြီး အမေရိကန်ရဲ့မွေးမြူရေးတိရစ္ဆာန် ၉၅ ရာခိုင်နှုန်းကျော်ဟာ GMOအစာတွေကို စားကြတာဖြစ်ပါတယ်။ ပဲပိစပ်၊ အထူးသဖြင့်ပဲပိစပ်နဲ့လုပ်တဲ့ထုတ်ကုန်တွေကို သင်စားလေ့ရှိတယ်ဆိုရင် ဒါဟာ GMO […]

ကမ္ဘာတလွှားမှာ ကင်ဆာရောဂါကြောင့်သေဆုံးသူအရေအတွက်ကတော်တော်လေးကိုများလာနေပါတယ်။နေ့စဉ်စားသောက်တဲ့အစားအစာတွေက ကင်ဆာဖြစ်ပေါ်ခံစားရတဲ့ အဓိကအကြောင်းရင်းခံပဲဖြစ်ပါတယ်။နေ့စဉ်စားသုံးတဲ့အစားအသောက်တွေထဲမှာ ကင်ဆာဖြစ်စေနိုင်တဲ့ ဓါတုပစ္စည်းတွေပါဝင်နေမှုက ကင်ဆာဖြစ်ပေါ်ခံစားရသူဦးရေ တိုးလာရတဲ့ကိစ္စနဲ့ ကင်ဆာရောဂါကြောင့်သေဆုံးသူဦးရေ များပြားလာရခြင်းရဲ့ အဓိကအကြောင်းရင်းခံဖြစ်ပါတယ်။ လူတွေရဲ့ ခန္ဓါကိုယ်ပေါ်မှာ သက်ရောက်မှုရှိနိုင်တဲ့ ကင်ဆာဖြစ်စေနိုင်တဲ့အခြေခံကျတဲ့ကာစီနိုဂျင် အမျိုးအစား ၄ မျိုးရှိပါတယ်။ ပထမဆုံးတစ်ခုက အစားအသောက်တွေထဲမှာ သဘာဝအတိုင်းပါနေတဲ့ ကာစီနိုဂျင်ဖြစ်ပြီး အဆိုပါကာစီနိုဂျင်ဓါတ်ကရှောင်လွှဲလို့မရပါဘူး။ ဥပမာပေးရရင် ငါးခြောက်တွေမှာ ပါနေတဲ့ ကာစီနိုဂျင်ဓါတ်ကိုရှောင်လွဲ စားသုံးလို့မရပါဘူး။ ဒုတိယတစ်ခုကတော့ ဆန်တို့၊ ဂျုံတို့မှကပ်ညှိနေတဲ့ မှိုသတ်ဆေးတွေကနေဖြစ်တဲ့ ကာစီနိုဂျင်ပါ ဆန်စေ့နဲ့ဂျုံစေ့ သိုလှောင်မှုပုံစံကိုကောင်းကောင်းလုပ်ဆောင်မယ်ဆိုရင်တော့ အဆိုပါ ကာစီနိုဂျင်ကိုရှောင်ရှားနိုင်မှာဖြစ်ပါတယ်။ တတိယမြောက်တစ်ခုကတော့ အရန်သင့်အစားအသောက်တွေကို တာရှည်ခံအောင်လုပ်ဆေင်ရာမှာ အသုံးပြုတဲ့ပစ္စည်းတွေကြောင့်ဖြစ်ပေါ်လာတဲ့ ကာစိနိုဂျင်ဓါတ်ပါ။နောက်ဆုံးတစ်မျိုးကတော့ အစားအသောက်တွေကို အရောင်လှစေဖို့အတွက် အသုံးပြုတဲ့ ဓါတုပစ္စည်းတွေကြောင့်ဖြစ်ပေါ်လာတဲ့ ကာစီနိုဂျင်ဓါတ်ပဲဖြစ်ပါတယ်။ အစားအသောက်တွေထဲကacrylamide Acrylamide ဆိုတာကpolyacrylamide နဲ့ acrylamide copolymers တို့နဲ့ဖွဲ့စည်းထားတဲ့ ဓါတုဗေဒပစ္စည်းတစ်မျိုးဖြစ်ပါတယ်။acrylamide copolymers နဲ့polyacrylamide တို့ကို […]

မာလကာသီးမာလကာသီးဟာ ကျန်းမာရေးအတွက်ကောင်းကျိုးများစွာရှိတဲ့အပြင်niacin၊ ဗီတာမင် C ၊ ဗီတာမင် A ၊သံဓါတ်၊ပိုတက်ဆီယမ်၊ မဂ္ဂနီဆီယမ်၊ကယ်လ်စီယမ်နဲ့thiamine တို့ပါဝင်ပါတယ်။ မာလကာသီး ကလေပွခြင်းကိုသက်သာစေပြီး အစာကြေလွယ်စေ၊ အရောင်ကျစေတဲ့ အပြင် ပဋိဇီဝပိုးမွှားတွေကိုလည်းသေစေနိုင်ပါတယ်။ မာလကာသီးက ဝက်ခြံပျောက်စေ၊လိပ်ခေါင်းပျောက်စေ၊ ဆီးချိုဖြစ်နိုင်ခြေလျော့နည်းစေ၊ သန္ဓေရရှိနိုင်ခြေများစေပြီး ဝမ်းချုပ်ခြင်း၊ ဝမ်းပျက်ဝမ်းလျှောခြင်း၊ ဗိုက်အောင့်ခြင်း၊ အချဉ်ပေါက်ခြင်းတို့လို အစာချေဖျက်မှုဆိုင်ရာပြဿနာတွေကို သက်သာလျော့ပါးစေနိုင်ပါတယ်။ မာလကာသီးရဲ့အခွံနဲ့အစေ့မှာ ရောင်ရမ်းမှုကိုလျော့ကျစေပြီး ပဋိဇီဝပိုးမွှားတွေသေစေနိုင်စွမ်းရှိတဲ့ glycosides ၊carotenoids၊ နဲ့တခြားphenolic နဲ့flavonoidဒြပ်ပေါင်းတွေပါဝင်ပါတယ်။ ဒါ့အပြင် ဗိုက်ပြည့်စေတဲ့အသီးဖြစ်လို့ ကိုယ်အလေးချိန်လျှော့ချရာမှာ အထောက်အကူပေးပါတယ်။ အသီးထဲမှာ အစေ့သေးသေးလေးတွေ အများကြီးပါပေမယ့် အစာချေဖျက်နိုင်မှာမဟုတ်တာကြောင့် စားလို့မရဘဲ စွန့်ပစ်နေရပါတယ်။ မာလကာစေ့ကို ဒီအတိုင်းတော့ အသီးနဲ့အတူရောစားလို့မရပါဘူး။ အူအတက်ပေါက်မှာ စိုးရိမ်ရတာကြောင့် မစားရဲရင် ဖျော်ရည်မှာလိုမျိုး အသီးနဲ့အစေ့ကို ရောကြိတ်ပြီးစားနိုင်ပါတယ်။ မာလကာသီးရဲ့ ဆေးဖက်ဝင်အာနိသင်များမာလကာသီးအစေ့ကနေ ရရှိနိုင်မယ့်ဆေးဖက်ဝင်အာနိသင်တချို့ကတော့ – (၁) သွေးတိုးကိုကျစေနိုင် မာလကာမှာ ပါဝင်တဲ့ […]

သီဟိုဠ်စေ့ကပေးတဲ့ ကျန်းမာရေးအကျိုးကျေးဇူးများသီဟိုဠ်စေ့က နှလုံးကျန်းမာရေး၊ အာရုံကြောကျန်းမာရေး၊ ကြွက်သားလုပ်ဆောင်ချက်ကောင်းမွန်စေခြင်း၊တို့လို ကျန်းမာရေးအကျိုးကျေးဇူးတွေအပြင်သွေးအားနည်းခြင်း၊ ဆီးချိုရောဂါတို့လိုရောဂါအခြေအနေတွေကိုပါ သက်သာလျော့ပါးစေနိုင်တဲ့ အစေ့အဆံတစ်မျိုးဖြစ်ပါ တယ်။ ဓါတ်တိုးဆန့်ကျင်ပစ္စည်းတွေပါဝင်တာကြောင့်လည်းသွေးနီဥဆဲလ်ဖြစ်ပေါ်မှုကို ကူညီပေးပြီး ကိုယ်ခံအားကိုကောင်းစေပါတယ်။   သီဟိုဠ်စေ့ရဲ့အာဟာရတန်ဖိုးသီဟိုဠ်စေ့မှာ အာဟာရဓါတ်ပြည့်ဝတဲ့အပြင်ကော့ပါး၊ ကယ်လ်စီယမ်၊ မဂ္ဂနီဆီယမ်၊ သံဓါတ်၊ပိုတက်စီယမ်နဲ့ဇင့်အပါအဝင် သတ္ထုဓါတ်တွေနဲ့ ပရိုတင်းတွေပါဝင်ပါတယ်။ သူ့မှာ ဗီတာမင်C ၊B1(thiamin)၊ B2(riboflavin) ၊B3(niacin)၊B6၊ folate ၊ ဗီတာမင် E(alpha-tocopherol) နဲ့ ဗီတာမင် K(phylloquinone) တို့ပါဝင်တဲ့အပြင် သင့်တင့်စွာ စားသုံးမယ်ဆိုရင် monounsaturated အဆီတွေနဲ့polyunsaturated အဆီတွေ၊ အကျိုးပြုကိုလက်စထရောတွေကိုကောင်းမွန်စွာထိန်းသိမ်းနိုင်ပါတယ်။   ကျန်းမာရေးအကျိုးကျေးဇူးများသီဟိုဠ်စေ့ရဲ့ ကျန်းမာရေးအကျိုးကျေးဇူးတွေကတော့ – (၁) နှလုံးရောဂါကာကွယ်ပေးခြင်း သီဟိုဠ်စေ့ဟာ အဆီမှာပျော်ဝင်လွယ်တဲ့ ဗီတာမင် A ၊ D၊E ၊ K တို့ကို စုပ်ယူနိုင် ဦးနှောက်ဖွံ့ဖြိုးမှုနဲ့သွေးခဲပိတ်ဆို့ခြင်းတို့အတွက် အရေးပါတဲ့ အကျိုးပြုအဆီတွေ၊ ဦးနှောက်ဖွံ့ဖြိုးမှုနဲ့သွေးခဲပိတ်ဆို့မှုအတွက် အဓိကကျတဲ့ […]

လူအများစုသည် ခန္ဓါကိုယ်ကို အကျိုးပြုသည့်ဇီဝပိုးကောင်များပါဝင်သော ကျန်းမာရေးကို အထောက်အကူပြုစေသော အစားအသောက်များအကြောင်းကို ကြားဖူးကြပါလိမ့်မည်။ သို့သော် ထိုဇီဝပိုးကောင်များကို အစာချေစနစ်ထဲတွင် ပွားများလာစေရန် ကူညီထောက်ပံပေးသော အရာများအကြာင်းကိုကြားဖူးပါသလား၊ အထက်ဖော်ပြပါ နှစ်ခုလုံးသည် လူတစ်ယောက်၏အစာချေစနစ်ထဲတွင် ရှိသော ကျန်းမာရေးကို အကျိုးပြုသည့်အရာများပင်ဖြစသည်။ ထို့ကြောင့် အောက်ပါဆောင်းပါးတွင် သင့်ကျန်းမာရေးနှင့် အစာချေစနစ်ကောင်းမွန်စေရန် ထိုအကျိုးပြုဇီဝပိုးကောင်များကို မှီဝဲသင့်သည့် အကြောင်းများကို ဖော်ပြရေးသားသွားမည်ဖြစ်ပါသည်။ အကျိုးပြုဇီဝပိုးကောင်များ ဆိုတာဘာလဲ။ အကျိုးပြုဇီဝပိုးကောင်များသည် ခန္ဓါကိုယ်တွင် ဆိုးကျိုးများကို ဖြစ်စေသော ဘက်တီးရီးယားများကို တိုက်ထုတ်ပေးသည့် အကျိုးပြုဘက်တီးရီးယားများဖြစ်ပြီး ယင်းတို့သည် အူမကြီးထဲတွင်ရှိကြသည်။ ယခုဆောင်းပါးတွင် ဖော်ပြမည့်အကြောင်းအရာမှာ ထိုအကျိုးပြု ဘက်တီးရီးယားများကို အားဖြည့်ပေးသည့် ခန္ဓါကိုယ်ရှိ အစာချေစနစ်မှ မချေဖျက်နိုင်သော ကာဗွန်ဟိုက်ဒြိတ်များအကြောင်းဖြစ်ပါသည်။ ထို အကျိုးပြုကာဗွန်ဟိုက်ဒြိတ်များမရှိဘဲလျှင် အကျိုးုပြု ဘက်တီးရီးယားများအတွက် အာဟာရမရရှိသောကြောင့် ယင်းတို့သည်လည်း အူထဲတွင် အသက်မရှင်နိုင်ကြောင်းလေ့လာရပါသည်။ အင်္ဂလန်တွင်ရှိသော တက္ကသိုယ်တခုက အမျိုးသား ၈ ယောက်ကို အုပ်စု […]