RV uterus လေဒီလေးတို့အတွက် လေ့ကျင့်ခန်း

သားအိမ်နောက်လန်ခြင်း (RV uterus)က ၂၀ရာခိုင်နှုန်းသော အမျိုးသမီးတွေမှာ တွေ့ရတတ်ပြီး ပုံမှန်အခြေအနေပဲ ဖြစ်ပါတယ်၊၊ များသောအားဖြင့် ဒုက္ခမပေးတတ်သလို လက္ခဏာလည်း ပြလေ့မရှိပါဘူး၊၊

ဒါပေမယ့် တချို့တွေမှာ သားအိမ်လန်နေလို့ အတူနေရင် နာတာမျိုး ဖြစ်နိုင်ပါတယ်၊၊ ဒါကိုသက်သာဖို့ဆိုရင် လေ့ကျင့်ခန်းလုပ်လို့ရသလို ခွဲစိတ်ကုသမှုခံယူလို့ရတယ်ဆိုတယ်။ ခွဲစိတ်တာတော့ မလုပ်ချင်ဘူး။ လေ့ကျင့်ခန်းပဲလုပ်မယ်ဆိုတဲ့ လေဒီလေးတွေများရှိလား။ ဒါဆိုရင်တော့ ဒီဆောင်းပါးလေးထဲက လေ့ကျင့်ခန်းလေးတွေက အကောင်းဆုံးအထောက်အကူပြုပေးနိုင်မှာပါ။

သားအိမ်နောက်လန်ခြင်း (RV uterus) ဘာကြောင့်ဖြစ်ရတာလဲ……..

ဒီအခြေအနေက အမျိုးသမီး ၅ ဦးမှာ ၁ ဦးနှုန်းခံစားရလေ့ရှိတဲ့ အခြေအနေတစ်ရပ်ပါ။ အများစုအတွက် ဒါက ပုံမှန်ပါပဲ၊၊ တင်ပဆုံအရွတ်တွေ အားနည်းမှုကြောင့် ဖြစ်နိုင်သလို မွေးရာပါလည်း ဖြစ်နိုင်ပါတယ်၊၊ ရောဂါကြောင့်ဆိုရင်တော့

• Endometriosis (သားအိမ်အတွင်းမြှေးနံရံ ပြဿနာ) ခံစားနေရတာ
• သားအိမ်ထဲကို ပိုးဝင်ကူးစက်တာ
• ဆီးလမ်းကြောင်းပိုးဝင်ကူးစက်တာ
• တင်ပဆုံပိုင်း ခွဲစိတ်ကုသမှုခံယူထားသူတွေမှာ အဖြစ်များပါတယ်။

RV uterus(သားအိမ်နောက်လန်ခြင်း) အတွက် လေ့ကျင့်ခန်းတွေက ဘာတွေဖြစ်မလဲ………

သားအိမ်နောက်လန်ခြင်း (RV uterus) ကိုခံစားနေရတဲ့ လေဒီလေးတွေအနေနဲ့ အခုလို လေ့ကျင့်ခန်းတွေလုပ်လို့ရပါတယ်။

• Kegel လေ့ကျင့်ခန်း

သင့်ရဲ့ Pelvic Floor ကြွက်သားတွေနဲ့ အရွတ်တွေက သားအိမ်ကို နေရာတကျရှိအောင် ထိန်းပေးထားတာပါ။ ကိုယ်ဝန်ဆောင်တာနဲ့ အသက်ကြီးလာတာတွေက ကြွက်သားတွေနဲ့ အရွတ်တွေကို အားနည်းစေနိုင်ပါတယ်။ ဒီအနေအထားက သားအိမ်ကို နောက်ဘက်ကို လန်တာမျိုးဖြစ်စေနိုင်ပါတယ်။

Kegel လေ့ကျင့်ခန်းက ကြွက်သားနဲ့ အရွတ်တွေကိုသန်မာစေပြီး သားအိမ်ကို နေရာတကျဖြစ်စေနိုင်ပါတယ်။ မွေးလမ်းကြောင်းနံရံက ကြွက်သားတွေနဲ့ အနီးတဝိုက်က ကြွက်သားတွေကို ကျုံ့ဆန့်မှုလုပ်ရတာပါ။ ၁၀ စက္ကန့်ကြွက်သားကို ကျုံ့ထားပြီး တစ်ကြိမ်နဲ့ တစ်ကြိမ်ကြားမှာ ၁၀ စက္ကန့်စီခြားလို့ တစ်ခါလုပ်ရင် ၁၀ ကြိမ် နှုန်းနဲ့ တစ်နေ့ကို အကြိမ် ၃၀ လုပ်ပေးပါ။

ခါးအောက်ပိုင်းကြွက်သားတွေကို သန်မာစေပြီး သားအိမ်ကို အနေအထားမှန်ရောက်အောင် လုပ်ဆောင်ပေးနိုင်ပါတယ်။

မတ်မတ်ရပ်ပါ။ ခြေထောက်နှစ်ချောင်းကို ပခုံးအကွာအဝေးအတိုင်းခွဲထားပါ။ လက်နှစ်ဖက်ကို ရှေ့ဘက်ကို ဆန့်ထုတ်ပြီး ခြေနှစ်ချောင်းကို စုံခုန်လို့ လှမ်းပါ။ ဒီလိုတစ်လှမ်းချင်းစီတိုင်းက သားအိမ်ကို နေရာတကျဖြစ်လာအောင် အကောင်းဆုံးထောက်ကူပေးနိုင်ပါတယ်။ တစ်နေ့ကို မိနစ်အနည်းငယ်လောက် ပုံမှန်လေ့ကျင့်ခန်းလုပ်ပေးပါ။