အသားအရေနှင့် အလှအပ

Impetigo ဟာ လွန်စွာကူးစက်နိုင်ပြီး ဘက်တီးရီးယားကြောင့် ဖြစ်တဲ့ အရေပြားရောဂါတစ်ခုဖြစ်ပါတယ်။ Impetigo နှစ်မျိုးရှိပါတယ်။ Impetigo Contagiosa သူ့ကို non-bullous impetigo လို့ ခေါ်ပါတယ်။ ဒီအမျိုးအစားဟာ အတွေ့အများဆုံးဖြစ်ပြီး အထူးသဖြင့် ကလေးတွေမှာ ပိုအဖြစ်များပါတယ်။ ဒီ Impetigo ဟာ ပါးစပ်နဲ့ နှာခေါင်းတစ်ဝိုက်မှာ နီးမြန်းတဲ့အနာတွေ ဖြစ်ပွားစေပါတယ်။ အရည်ကြည်ဖုတွေ ပေါက်သွားတဲ့အခါ အကွက်တွေ ဖြစ်လာတာဖြစ်ပါတယ်။ အကွက်တွေဟာ အနီရောင်ရှိပြီး အရည်စိမ့်ထွက်တတ်ပါတယ်။ သင့်မှာ ရောင်ရမ်းနေတဲ့ ပြန်ရည်ကျိတ်ရှိနိုင်ပြီး ထိုအကျိတ်ဟာ ပဲစေ့ပုံသဏ္ဍာန်ရှိပြီး ရောဂါပိုးကို တိုက်ထုတ်ပေးနိုင်တဲ့ ဂလင်းဖြစ်ပါတယ်။ Bullous Impetigo အသက်နှစ်နှစ်အောက် ကလေးတွေမှာ ဒီအမျိုးအစားကို အတွေ့များပါတယ်။ လက္ခဏာတွေကတော့ ရင်ဘတ်ပိုင်း၊ လက်နဲ့ ခြေထောက်တွေမှာတွေ့ရတဲ့ အရည်ကြည်ဖုတွေဖြစ်ပါတယ်။ ဒီအရည်ကြည်ဖုတွေဟာ အစပိုင်းမှာ အကြည်ရောင် ရှိပြီး နောက်ပိုင်းမှာ နောက်လာပြီး ပတ်ပတ်လည်မှာ အနီရောင်သန်းလာပါလိမ့်မယ်။ […]

Folliculitisဆိုတာ ခန္တာကိုယ်ရှိမွှေးညင်းများပေါက်သော အပေါက်ငယ်လေးများရောင်ရမ်းခြင်းဖြစ်တယ်။ ခန္ဓါကိုယ်တပြင်လုံး အမွှေးပေါက်သောနေရာတိုင်းမှာ ဖြစ်နိုင်ချေရှိပြီး အထူးသဖြင့် မုတ်ဆိတ်မွှေးနေရာ၊ လက်မောင်း၊ ကျော၊ တင်ပါးနှင့် ခြေထောက်တို့မှာ အဖြစ်များပါတယ်။ အသက်အန္တရာယ်မထိခိုက်နိုင်ဘူးဆိုပေမယ့် ပြင်းထန်တဲ့အခြေအနေတွေမှာဆိုရင် အမွှေးများကျွတ်သွားပြီး အမာရွတ်များကျန်နေတတ်တာကြောင့် ရှက်စရာဖြစ်နိုင်ပါတယ်။   လက္ခဏာများ စစချင်းမှာ မွေးညင်းပေါက်တဝိုက်မှာ အနီရောင် သို့မဟုတ် အဖြူရောင်အဖုသေးသေးလေးတွေအဖြစ် ပေါ်လာနိုင်ပါတယ်။ မွေးညင်းပေါက်တဝိုက်အရေပြားမှာ နီရဲ ရောင်ရမ်းနေတတ်ပြီး ယားယမ်းခြင်း၊ နာကျင်ခြင်းတွေလည်း ရှိတတ်ပါတယ်။ အလယ်မှာအမွှေးလေးတွေပါနေတဲ့ အနီရောင်ဝက်ခြံဖုလေးတွေနဲ့ဆင်တတ်ပြီး ပေါက်သွားရင်တော့ ပြည် သို့မဟုတ် သွေးအနည်းငယ်ထွက်နိုင်ပါတယ်။ ၂-၅ မီလီမီတာ အရွယ်ဝန်းကျင်လောက်ရှိပါတယ်။ သာမန် Folliculitisလေးတွေဟာ အမာရွတ်မကျန်ဘဲ အလျင်အမြန်ပျောက်သွားပါတယ်။ ပြင်းထန်တဲ့အခြေအနေတွေမှာဆိုရင်တော့ မွေးညင်းပေါက်တစ်ခုလုံး ရောဂါပိုးဝင်ပြီး cellulitis (ဆဲလ်များရောင်ရမ်းထိခိုက်ခြင်း) ထိဖြစ်သွားနိုင်ကာ နာကျင်ပြီး မွေးညင်းများကျွတ်သွားနိုင်ပါတယ်။ ပြင်းထန်ပြီး ခဏခဏဖြစ်နေရင်တော့ ဆရာဝန်ပြသင့်ပါတယ်။   အကြောင်းအရင်း Folliculitisဖြစ်ရခြင်း အကြောင်းနှစ်ချက်ရှိတယ်- ရောဂါပိုးဝင်ပြီး မွေးညင်းပေါက်ရောင်ရမ်းခြင်း ဘက်တီးရီးယား၊ ဗိုင်းရပ်စ်၊ မှို၊ ကပ်ပါးကောင်တွေကြောင့် […]

Ganglion cyst (အရည်လုံးများ) ဟာ အထူးသဖြင့် လက်နှင့် လက်ကောက်ဝတ်အရေပြားမှာဖြစ်ပေါ်တတ်သော အရည်များပြည့်နေသည့် အဖုများဖြစ်တယ်။ ပျော့ပျောင်းလုံးဝန်းပြီး အထိမခံသောအဖုများဖြစ်ပါတယ်။ အသက်အန္တရာယ်ခြိမ်းခြောက်မှုမရှိသော်လည်း ဖြစ်ပေါ်သည့်နေရာပေါ်မူတည်ပြီး စိတ်ကသိကအောက်ဖြစ်စေကာ ကုသဖို့လိုနိုင်ပါတယ်။ များသောအားဖြင့်အမျိုးသမီးတွေမှာ အဖြစ်များပြီး အသက် ၂၀၊ ၃၀၊ ၄၀ ဝန်းကျင်တွေမှာအဖြစ်များပါတယ်။ Ganglion cyst ဆိုတာဘာလဲ ခန္ဓါကိုယ်ရှိအဆစ်များ၊ အထူးသဖြင့် လက်ကောက်ဝတ်၊ လက်နှင့် လက်ချောင်းများမှာ ဖြစ်ပေါ်တတ်တဲ့ အဖုတစ်မျိုးဖြစ်တယ်။ အဆစ်များလှုပ်ရှားရလွယ်ကူပြီး နာကျင်မှုမရှိစေရန် ခံထားသည့် Synovial fluid ဆိုသောအရည်တစ်မျိုး ပါဝင်ပါတယ်။ အရွယ်အမျိုးမျိုးရှိပေမယ့် တစ်လက်မထက်ပိုမကြီးပါဘူး။ ရုတ်တရတ်ဖြစ်ပေါ်လာပြီး တဖြေးဖြေးမှပျောက်ကာ တခါတရံလ၊ နှစ်ချီပြီးကြာနိုင်ပါတယ်။ ဒါပေမယ့် အန္တရာယ်မရှိသလို ကင်ဆာလည်းမဟုတ်ပါဘူး။ တကယ်လို့ နာကျင်မှု၊ ကသိကအောက်ဖြစ်စေမှုမရှိဘူးဆိုရင်တော့ ပျောက်ဖို့နှစ်အနည်းငယ်ထိကြာနိုင်ပေမယ့် ကုသစရာမလိုပဲ သူ့အလိုလို ရှုံ့သွား၊ ပေါက်သွားပါလိမ့်မယ်။ Ganglion cyst […]

အညိုအမည်းစွဲခြင်းဆိုတာ ထိခိုက်သွားသော သွေးကြောများဆီမှသွေးများ အရေပြားအောက်ရှိ တစ်သျှူးများဆီစိမ့်ထွက်ခြင်းကြောင့် ဖြစ်ပေါ်လာခြင်းဖြစ်တယ်။ သာမန်ကျန်းမာသူတစ်ယောက်ဆိုရင် နှစ်ပတ်အတွင်းမှာ ပျောက်လေ့ရှိပါတယ်။ လက္ခဏာများ ဖြစ်ပေါ်ကာစမှာ နီရဲနေပြီး အချိန်ကြာလာတာနဲ့အမျှ နီပြာပြာ၊ သို့မဟုတ် နက်ပြာရောင်ပြောင်းသွားတယ်၊ ထို့နောက်အဝါရောင်သန်းလာပြီး ပျောက်သွားပါတယ်။ တခါတရံမှာ ကမ္ဘာမြေထုဆွဲအားကြောင့် အောက်ဖက်ဆီပျံ့သွားသည်များလည်း ရှိတတ်ပါတယ်။ အညိုအမည်းရာများပျောက်သွားပြီး နှစ်ပတ် သုံးပတ်အကြာမှာ ထိခိုက်ထားသောနေရာပြန်ကောင်းပါတယ်။ မျက်နှာ၊ လက်မောင်းမှအညိုအမည်းရာများဟာ ခြေထောက်ကအညိုအမည်းရာများထက် ပိုမြန်မြန်ပျောက်လေ့ရှိတယ်။ ပထမရက်တွေမှာနာကျင်နိုင်သော်လည်း အရောင်လျော့လာတာနဲ့အမျှ နာကျင်မှုလည်းပျောက်သွားပါတယ်။ အရေပြားထိခိုက်မှုမရှိ၊ ရောဂါပိုးဝင်မှုမရှိလျှင် အန္တရာယ်မရှိပါဘူး။ ရောင်ရမ်းနာကျင်မှုကို မိမိဖာသာသက်သာအောင်လုပ်လို့ရပါတယ်။ ဒါပေမယ့် ပြင်းထန်တယ်ဆိုရင်တော့ သတိထားဖို့လိုပြီး ဆရာဝန်ပြဖို့လိုပါလိမ့်မယ်။ အသက်ကြီးသူများမှာ ထိခိုက်မှုသေးသေးလေးကနေတောင် အလွယ်တကူအညိုအမည်းစွဲနိုင်ပါတယ်။ အထူးသဖြင့် လက်မောင်း၊ လက်နဲ့ ခြေထောက်တွေမှာအဖြစ်များတယ်။ အကြောင်းအရင်း အညိုအမည်းစွဲခြင်းဟာ တစ်ခုခုနဲ့တိုက်မိ၊ ထိခိုက်မိပြီး အရေပြားအောက်မှာ သွေးယိုခြင်းကြောင့်ဖြစ်တယ်။ တချို့သူများမှာ တခြားလူများထက် အညိုအမည်းစွဲနိုင်ချေပိုများတယ်။ ဥပမာ- အသက်ကြီးသူတွေမှာ အရေပြားများရော့ရဲလာသည့်အပြင် နေရောင်ကြောင့်သွေးကြောများအားနည်းလာတာကြောင့် […]

Age spot ဆိုသည်မှာ နေလောင်များရင်၊ အသက်အရွယ်ရလာရင်ပေါ်လာတတ်ပြီး အသည်းထိခိုက်မှုရှိလျှင်လည်းပေါ်တတ်တဲ့ အရေပြားပေါ်က အညိုရောင်၊ မီးခိုးရောင် သို့မဟုတ် အမည်းရောင် အစက်အပြောက်တွေဖြစ်တယ်။ မျက်နှာ၊ လက်၊ ပုခုံးနဲ့ လက်မောင်းများကဲ့သို့ နေလောင်ခံများသော အရေပြားပေါ်မှာ ပေါ်လေ့ရှိတယ်။ အရွယ်အစားအမျိုးမျိုးရှိပြီး အရေပြားကင်ဆာနဲ့ ဆက်နွယ်ခြင်းမရှိပါဘူး။ အသက် ၅၀ နောက်ပိုင်းမှာ ပေါ်ပေါက်လေ့ရှိပြီး အသက်ငယ်သူတွေမှာတော့ နေရောင်အထိများသောလူများမှာ ပေါ်လေ့ရှိပါတယ်။ ဘယ်လိုပုံစံရှိလဲ များသောအားဖြင့် အသားလတ်သော၊ ဖြူသောသူများမှာ ထင်ရှားလေ့ရှိပြီး အသားညိုသူတွေမှာလည်း တွေ့ရတတ်ပါတယ်။ မှဲ့ခြောက်အရွယ်မှ တစ်စင်တီမီတာအထိ အရွယ်အမျိုးမျိုးရှိသော ဘဲဥပုံ ရှည်မျောမျောအစက်တွေဖြစ်တယ်။ ပုံမှန်အသားအရေ အရောင်ပေါ်မူတည်ပြီး အညိုဖျော့ဖျော့မှ အမည်းထိ အရောင်အမျိုးမျိုးရှိပါတယ်။ လက်ဖမိုး၊ ခြေဖမိုး၊ မျက်နှာ၊ ပုခုံး၊ ကျောပြင်အပေါ်ပိုင်းတွေလို နေရောင်ကို နှစ်ရှည်လများထိတွေ့လာရသော အစိတ်အပိုင်းတွေမှာ ပေါ်လေ့ရှိတယ်။ တစ်စက်တစ်စက်ဟာ သေးငယ်ပေမယ့် […]

တခါတရံမှာ နှင်းခူဟာ အရေပြားပေါ်က စိတ်ညစ်စရာပြသနာတွေထက်ပိုတဲ့ ကျန်းမာရေးပြသနာတွေဖြစ်စေတတ်ပါတယ်။ အမြဲတစေ အနာကိုကုတ်ဖဲ့နေလို့ အရေပြားကိုပိုးဝင်တာဟာ နှင်းခူရဲ့အဖြစ်များတဲ့ နောက်ဆက်တွဲပြသနာပါ။ ဒီပြသနာတွေကို ကြိုသိထားမယ်ဆိုရင်တော့ ဖြစ်နိုင်ခြေနည်းသွားအောင် လုပ်ဆောင်နိုင်ပါလိမ့်မယ်။ ကြိုတင်ကာကွယ်ရန်နဲ့ ကုသရန်အတွက် သင့်ရဲ့ဆရာဝန်ကလည်း အကြံဉာဏ်ပေးနိုင်ပါတယ်။ ကျန်းမာရေးဆိုင်ရာပြသနာများ ပိုးဝင်ခြင်း ဘက်တီးရီးယားပိုးဝင်ခြင်း။ အရေပြားရောင်ရမ်းလာရခြင်းရဲ့ အဓိကကျန်းမာရေးပြသနာကတော့ staphylococcus aureus ဆိုတဲ့ ပိုးဝင်လာပြီး အရေပြားထဲမှာ နယ်မြေချဲ့ထွင်လာတာပါပဲ။ အရေပြားရောင်ရမ်းလာသူတွေရဲ့ ၆၀ ကနေ ၉၀ ရာခိုင်နှန်းခန့်ဟာ staph ဘက်တီးရီးယားပိုးကူးစက်ခံရတတ်ပါတယ်။ ပိုးဝင်တာပိုများတာနဲ့အမျှ အရေပြားတင်းမာရောင်ရမ်းတာလည်း ဆိုးရွားလာတတ်ပါတယ်။ ဗိုင်းရပ်စ်ပိုးဝင်ခြင်း။ အရေပြားရောင်ရမ်းလာသူများဟာ ဗိုင်းရပ်စ်ပိုးဝင်ရောက်နိုင်ခြေ များပါတယ်။ ဥပမာပေးရရင် ရေယုန်ပိုးဝင်ရောက်ပြီး နှင်းခူနာနဲ့ ရေယုန်နာတွဲဖြစ်ပြီး အရေပြားအခြေအနေဟာ အရမ်းဆိုးသွားတတ်ပါတယ်။ ဒါ့အပြင် နှင်းခူကြောင့်အရေပြားရောင်ရမ်းနေသူများဟာ လက်ရှိမှတ်ပုံတင်ထားတဲ့ ကျောက်ရောဂါကာကွယ်ဆေး မသုံးစွဲသင့်ပါဘူး။ ရောဂါသက်သာလာတယ်ထင်ရတဲ့တိုင်အောင် eczema vaccinatum […]

Psoriasis ကို အလိုအလျောက်ခုခံအားစနစ်မှ တိုက်ခိုက်သောရောဂါဟု အသိများကြပြီး၊ အရေပြားတွင် ယားယံခြင်း၊ ရောင်ယမ်းခြင်း၊ နှင့် အရေပြားအနာများကြွတက်လာခြင်းတို့ ဖြစ်သည်။ သင်၏ Psoriasis လက္ခဏာသည် အပျော့စားဖြစ်သော်လည်း Heart attack ကဲ့သို့သော နှလုံးရောဂါနောက်ဆက်တွဲ ပြသနာများဖြစ်တတ်ကြောင်း သိထားဖို့ အရေးကြီးသည်။ Psoriasis ဖြစ်သော လူနာများသည် များသောအားဖြင့် နာတာရှည် အရေပြားရောဂါဖြစ်တတ်ပြီး Heart attack ဖြစ်နိုင်ချေများသည်။ ပုံမှန်လူများထက် ဖြစ်နိုင်ချေ သုံးဆများကြောင်း လေ့လာမှုများက ဖော်ပြထားသည်။ Psoriasis တွင် မတူညီသောပုံစံကွဲများရှိသည်။ Psoriasis ရှိသော လူများတွင် Psoriasis မရှိသောသူများထက် နှလုံးရောဂါနှင့် လေဖြတ် နိုင်ချေ သုံးဆမြင့်တက်ကြောင်း အခိုင်အမာ ပြဆိုထားသော လေ့လာချက်များ ပေါ်ထွက်လာသည်။ ထိုအရာသည် ပြင်းထန်သော Psoriasis ရောဂါရှိသောသူများအတွက် မှန်ကန်သည်။ […]

သင့်တွင် Psoriasis ရောဂါ အနုစား သို့မဟုတ် အပြင်းစားရှိနေလျင် ယင်းရောဂါသည် ရေတာရှည်ဖြစ်သည့်အတွက် သင်တတ်နိုင်သမျှ လေ့လာမှတ်သားထားရန်အရေးကြီးပါသည်။ Psoriasis ကို မည်ကဲ့သို့ သက်သာအောင်ပြုလုပ်မည်ဆိုသည့် ဗဟုသုတနှင့် ရနိုင်သောကုသမှုများအကြောင်းကို သိရှိထားရန်အရေးကြီးသည်။ Phototherapy နှင့် Pulse Dye Laser သည် psoriasis အတွက် အသုံးများသော ကုသမှုများဖြစ်သည်။   Phototherapy for Psoriasis Phototherapy သည် ရောဂါဖြစ်သော အရေပြားနေရာကို တိုက်ရိုက်ကုသသည်။ ultraviolet light therapy ဟုလည်းခေါ်ပြီး ခရမ်းလွန်ရောင်ခြည် A နှင့် Bတို့ကို အသုံးပြု၍ ကုသသည်။ ခရမ်းလွန်ရောင်ခြည် B သည် A ထက် ရလဒ်ကောင်းပိုရနိုင်ပါသည်။ ကုသရာတွင် အောင်မြင်မှုရစေရန် ပုံမှန်အစီအစဉ်ဖြင့် ဆေးသွင်းခြင်းဖြင့် ကုသသင့်သည်။ ဤကုထုံး၏ကောင်းသောအချက်မှာ သင့်ဆရာဝန်၏ […]

Psoriasis ရောဂါ ကို ကုသမှုများသည် ရောဂါပြင်းထန်မှုနှင့် ရောဂါပေါ် စိတ်ပိုင်းဆိုင်ရာတုံ့ပြန်မှုများပေါ်တွင် မူတည်သည်။ ကုသမှုများတွင် လိမ်းဆေး၊ အလင်းကုထုံးနှင့် သောက်ဆေး၊ ထိုးဆေးများဖြစ်ကြသည်။ ထိုကုသမှုများအားလုံးသည် တစ်ခုချင်းလဲသုံးနိုင်သည်၊ အခြားကုသမှုများနှင့်လည်း တွဲသုံးနိုင်သည်။   လိမ်းဆေးနှင့် သောက်ဆေးဖြင့်ကုသမှုများ လိမ်းဆေးများသည် သောက်ဆေးနှင့် ထိုးဆေးများနှင့် နှိုင်းယှဉ်လျင် သွေးကြောထဲသို့ စုပ်ယူမှုနှင့် အခြားနေရာများသို့ အကျိုးသက်ရောက်နိုင်ချေ အနည်းဆုံးဖြစ်သည်။ အသုံးများသော လိမ်းဆေးများတွင် hydrocortisone,fluocinonide, ortriamcinolone ကဲ့သို့သော corticosteroids များ၊ moisturizers,anthralin,calcipotriene, calcitriol,coal tar,tacrolimus, နှင့် tazarotene တို့ ပါဝင်သည်။ ခရမ်းလွန်ရောင်ခြည်ဖြင့်ကုသသော အလင်းကုထုံးသည်လည်း အရေပြားနေရာတစ်ခုပေါ်တွင်သာ သက်ရောက်မှုရှိခြင်းဖြစ်သည်။ သောက်ဆေးနှင့်ထိုးဆေးများသည် ခန္ဓါကိုယ်တစ်ခုလုံးတွင် သက်ရောက်မှုရှိပြီး တခါတရံတွင် ခုခံအားစနစ်ပေါ်တွင်လည်း အကျိုးသက်ရောက်မှုရှိသည်။ ထိုကုသမျှုများကို အလတ်စားနှင့် အပြင်းစားရောဂါများနှင့် psoriasis ကြောင့်ဖြစ်သော အဆစ်ရောင်ခြင်းများတွင် […]