အိမ်ကပစ္စည်းတွေကို ဘယ်လောက်ဘယ်နှကြိမ် သန့်စင်ပေးသင့်သလဲ

အိမ်သန့်ရှင်းရေးလုပ်ပြီဆိုရင် ကြမ်းတိုက်တာ၊ တံမြက်စည်းလှည်းတာ၊ ဖုန်သုတ်တာတွေပဲ အဓိက လုပ်နေတာလား။ အိမ်မှာ ရှိနေတဲ့ တခြားပစ္စည်းတွေကိုလည်း သန့်ရှင်းပေးသင့်တယ်နော်။ သန့်ရှင်းရေး လုပ်တဲ့အခါ အမှုမဲ့အမှတ်မဲ့ ကျန်ရစ်ခဲ့တဲ့ နေရာတွေ၊ အသုံးအဆောင်တွေကို သင်သိရဲ့လား၊ ဘယ် ပစ္စည်းတွေကို ဘယ်နှကြိမ် သန့်ရှင်းသင့်လဲ ဆိုတာ ဒီမှာ အကြံပေးပါမယ်နော်။ ဒီလို ကျန်ခဲ့တဲ့ ပစ္စည်းတွေမှာ ကပ်ငြိနေတဲ့ အမှုန်အမွှားတွေကနေ ရောဂါပိုးမွှားတွေ နည်းအမျိုးမျိုးနဲ့ ကိုယ့်ဆီ ရောက်လာစေနိုင်တယ် ဆိုတာ မမေ့ပါနဲ့။

လက်ကိုင်ဖုန်း

နေ့တိုင်း မထိဘဲ၊ မကိုင်ဘဲ မနေနိုင်တာ လက်ကိုင်ဖုန်းတွေပါ။ စမတ်ဖုန်းတွေဆိုတာ ဖုန်းနံပါတ်တွေ၊ အချက်အလက်တွေ၊ ဓါတ်ပုံတွေနဲ့ သိမ်းဆည်းထားစရာမှန်သမျှ ထည့်ထားတတ်ကြတဲ့ အရာဖြစ်ပြီး အရေးကြီးနေ့ရက်တွေ၊မှတ်တမ်းတွေအထိ အားကိုးရတဲ့ အသုံးအဆောင် တစ်ခုဖြစ်နေတော့ လက်က မချတော့ပါဘူး။ ကိုယ့်လက်နဲ့ အချိန်မရွေးထိတွေ့ကိုင်တွယ်နေတဲ့ စမတ်ဖုန်းတွေမှာ ရောဂါပိုးမွှားတွေ ကပ်နေမှာကို သတိထားပါ။ ဖုန်းမျက်နှာပြင်နဲ့ ကာဗာကို အနည်းဆုံးတစ်နေ့တစ်ကြိမ်တော့ ပွတ်တိုက်သန့်စင်တဲ့ အကျင့်လုပ်ထားပါ။ ဆေးကွာ၊ ပျက်စီးလောက်အောင်တော့ မလုပ်နဲ့ပေါ့။