ခြေထောက်အတွက် ကျန်းမာရေးနဲ့ညီညွှတ်တဲ့အာဟာရ

သင့်ကျန်းမာရေးကိုဂရုစိုက်ရာမှာ အထူးသဖြင့်သင့်ခြေထောက်ကျန်းမာရေးကို ဂရုစိုက်ရာမှာ အာဟာရကအရေးကြီးတယ်ဆိုတာကို မငြင်းနိုင်ပါဘူး။ လေ့ကျင့်ခန်းနဲ့ နေထိုင်မှုပုံစံအပြင် သင်နေ့စဉ်အာဟာရကလည်း သင့်ခြေထောက်ကျန်းမာရေးကို အဆုံးအဖြတ်ပေးပါတယ်။ အောက်ပါကျွန်ုပ်တို့ရဲ့ အကြံပြုချက်တွေအတိုင်း ကျန်းမာရေးနဲ့ညီညွှတ်တဲ့အာဟာရပုံစံကို တည်ဆောက်နိုင်ပါတယ်။

အိုမီဂါသရီး ပိုမိုစားသုံးပါ။

ဆော်လမွန်ငါးကဲ့သို့သောအဆီကြွယ်ဝတဲ့ငါးတွေနဲ့ ငါးကြီးဆီတွေမှာ အိုမီဂါသရီးကြွယ်ဝစွာ ပါဝင်ပါတယ်။ အိုမီဂါသရီးက ရောင်ရမ်းခြင်းကိုထိထိရောက်ရောက် သက်သာနိုင်ပါတယ်။ သင့်နေ့စဉ်အစားအစာမှာ အိုမီဂါသရီး၊ အိုမီဂါဆစ်သင့်တင့်မျှတစွာပါဝင်သင့်တဲ့ အကြောင်းပြချက်ဖြစ်ပါတယ်။ ဒီအာဟာရတွေညီညီမျှမျှပါဝင်ဖို့အတွက်ဆိုရင် ငါးများများစားခြင်းက အကူအညီပေးနိုင်ပါတယ်။

ကယ်ဆီယမ်နဲ့ ဗီတာမင်ဒီဖြည့်စွက်ပါ။

သင့်ခန္ဓါကိုယ်ကြီးထွားလာနေစဉ်မှာ သင့်အရိုးတွေသန်မာဖို့ ကယ်ဆီယမ်လုံလုံလောက်လောက် လိုပါတယ်။ ကြီးထွားဖွံ့ဖြိုးနေတဲ့အရွယ်မှာ ကယ်ဆီယမ်ကောင်းကောင်းလုံလုံလောက်လောက်ရဖို့ အင်မတန်လိုအပ်ပါတယ်။ နောက်ပိုင်းအသက်တွေမှာ အရိုးပါးခြင်းမြဖ်စ်အောင် ကာကွယ်ပေးနိုင်ပါတယ်။ အသက်အရွယ်မရွေး ဘယ်လိုကျန်းမာရေးအခြေအနေမှာပဲဖြစ်ဖြစ် ကယ်ဆီယမ်ကအမြဲလိုအပ်ပါတယ်။

ကြီးထွားတဲ့အရွယ်ကျော်လွန်သွားပြီးနောက်မှာတောင် ကယ်ဆီယမ်ကိုလိုအပ်နေပါသေးတယ်။ အမျိုးသမီးများဓမ္မတာသွေးဆုံးစဉ်မှာ တဖြည်းဖြည်းအရိုးပါလာခြင်းကို မကာကွယ်ပေးနိုင်ပေမဲ့လည်း လုံလောက်တဲ့ကယ်ဆီယမ်ပမာဏက အရိုးကျိုးနိုင်ချေမှာ ကာကွယ်ပေးနိုင်ပါတယ်။

သင့်အစားအစာမှာ ကယ်ဆီယမ်ကြွယ်ဝတဲ့အစားအစာကိုစားပေးခြင်းဖြင့် သင့်ခန္ဓါကိုယ်အတွက် ကယ်ဆီယမ်ကိုထောက်ပံ့ပေးနိုင်ပါတယ်။ ဒိန်ချဉ်၊ ထောပတ်၊ 300 mgကယ်ဆီယမ်ပါဝင်တဲ့ ရှစ်အောင်စအလေးချိန်နို့တစ်ဖန်ခွက်၊ အရိုးနဲ့တွဲသောဆာဒင်းငါးများနဲ့ ပန်းဂေါ်ဖီစိမ်း၊ ဂေါ်ဖီစိမ်းကဲ့သို့သော အစိမ်ရောင်အရွက်များကို စားသုံးပေးနိုင်ပါတယ်။ အခြားကယ်ဆီယမ်ဖြည့်စွက်စာတွေကို မှီဝဲချင်တယ်ဆိုရင် သင့်ဆရာဝန်နဲ့အရင်တိုင်ပင်သင့်ပါတယ်။

ကယ်ဆီယမ်စုပ်ယူနိုင်မှုအတွက် ဗီတာမင်ဒီလိုအပ်ပါတယ်။ နေ့စဉ်ဗီတာမင်ပမာဏ 400 IU to 1000IUအသုံးပြုသင့်ပါတယ်။ နို့ထွက်ပစ္စည်းတွေက ဗီတာမင်ဒီလုံလုံလောက်လောက် ပေးနိုင်ပါတယ်။

နို့မှာဆိုရင် နို့တစ်ခွက်မှာ ဗီတာမင်ဒီ100IUပါပါတယ်။ သင့်အစားအစာမှာ ဗီတာမင်ဒီလုံလုံလောက်လောက်မပါခဲ့ဘူးဆိုလျှင် ဖြည့်စွက်စာမှီဝဲခြင်းနဲ့ ပတ်သက်ပြီးသင့်ဆရာဝန်နဲ့ တိုင်ပငိနိုင်ပါတယ်။ ပမာဏအများကြီးဖြည့်စွက်မိခြင်းကြောင့် အဆိပ်သင့်ခြင်းတွေလည်းဖြစ်နိုင်ပါတယ်။

ခုခံအားမြှင့်တင်ပေးတဲ့အစားအစာများ မှီဝဲပါ။

သင့်ခြေထောက်ကိုတိုက်ခိုက်တဲ့ ဘတ်တီးရီးယားတွေကို တန်ပြန်တိုက်ခိုက်ဖို့နဲ့ အနာ၊ခြေထောက်အနာသို့အရေကြည်ဖုတွေရှိခဲ့ရင် အကျက်မြန်ဖို့ သင့်ခုခံအားစနစ်ကကောင်းမွန်ရပါမယ်။ မှို၊ ကြက်သွန်ဖြူ၊ ဒိန်ချဉ်၊ ဂျုံ၊ ဘာလီ၊ ငါး၊ ကြက်စွပ်ပြုတ်၊ အမဲသား၊ ကန်စွန်းဥနဲ့ လက်ဖက်ရည်က သင့်ခုခံအားစနစ်ကိုအားကောင်းစေပါတယ်။

မဂ္ဂနီဆီယမ်မှီဝဲဖို့လည်း မမေ့ပါနဲ့။

ဗီတာမင်ဒီလိုပဲ ခန္ဓါကိုယ်ကကယ်ဆီယမ်တွေကို စုပ်ယူနိုင်ဖို့ မက်ဂနီဆီယမ်လိုအပ်ပါတယ်။ ခြေထောက်ကျန်းမားရေးအတွက်နဲ့ ခြေဖဝါးအရွတ်ပြားအတွက် မရှိမဖြစ်အရေးပါတဲ့အာဟာရဖြစ်ပါတယ်။

ကယ်ဆီယမ်မက်ဂနီဆီယမ်မမျှတခြင်းက ကယ်ဆိယမ်ချို့တဲ့ခြင်းအတွက် အကြောင်းပြချက်ဖြစ်ပါတယ်။ ဒီအာဟာရနှစ်ခုကိုမျှမျှတတမှီဝဲခြင်းက သင့်ခန္ဓါကိုယ်အတွက် မက်ဂနီဆီယမ်ထောက်ပံ့ဖို့ နည်းလမ်းတစ်ခုဖြစ်ပါတယ်။ ဟင်းနုနွယ်၊ ဖရုံစေ့၊ ပဲဖြူလေး၊ ပဲနက်၊ garbanzos,ပဲနီကလေး၊ pinto beans၊ ဆန်လုံးညို၊ လူးဆပ်ပြောင်းစသည့်နှံစားကောကနှံ၊ ထောပတ်သီး၊ ငှက်ပျောသီး၊နဲ့ သဖန်းသီးကတွတ်သီးခြောက် တွေကိုစားပေးနိုင်ပါတယ်။

ကျန်းမာတဲ့ခြေထောက်ရရှိဖို့အတွက် ပထမဆုံးလိုအပ်တာကတော့ ကျန်းမာတဲ့အာဟာရမျှမျှတတရရှိဖို့ပဲ ဖြစ်ပါတယ်။ အခြားကျန်းမာရေးအခြေအနေရှိပြီး သင့်အာဟာရအတွက်ဘယ်လိုစီစဉ်ရမလဲဆိုတာကို သင့်ဆရာဝန်နဲ့ ဆွေးနွေးနိုင်ပါတယ်။