ဖျတ်လက်တက်ကြွတဲ့ ခန္ဓါကိုယ်မျိုး ပိုင်ဆိုင်စေဖို့

ခန္ဓါကိုယ်ဖျတ်လတ်တက်ကြွနေဖို့ အရေးကြီးကြောင်းကို လူတော်တော်များများ သိထားကြပါတယ်။ ဒါပေမယ့် အဲဒီလို ဖြစ်ဖို့အတွက် ကိုယ်လက်လေ့ကျင့်ခန်းအပြင် ကျန်းမာမျှတစေတဲ့ အစားအသောက်ကိုလည်း ချင့်ချိန်ပြီး စားသင့်ပါတယ်။ ခုပြောမယ့် အချက်တွေကတော့ တက်ကြွဖျတ်လတ်တဲ့ ကိုယ်ခန္ဓါဖြစ်စေဖို့ အထောက်အကူပေးနိုင်တဲ့ အရာတွေပဲဖြစ်ပါတယ်။

၁။ အာဟာရစုံလင်စွာရရှိအောင်စားပါ

အသီးအနှံ၊ ပြောင်း၊ ပဲနဲ့ အဆီထုတ်ထားတဲ့နို့ စတဲ့ စုံလင်တဲ့အစာတွေ စားခြင်းဖြင့် သင့်ခန္ဓါကိုယ်အတွက် လိုအပ်တဲ့အဟာရတွေကို ရရှိနိုင်ပါတယ်။ အဆီနဲ့ အချိုဓါတ်များတဲ့ အစားအသောက်တွေကို လျှော့ဖို့ ရှောင်ဖို့ မမေ့ပါနဲ့။

၂။ ပြောင်းဆံကနေ စွမ်းအင်ရယူပါ။

စပါးစေ့နဲ့ ပြောင်းစေ့တွေက စွမ်းအင်ဖြစ်စေတဲ့ အဓိကအစာတွေဖြစ်ပါတယ်။ ဂျုံနဲ့ ပြုလုပ်ထားတဲ့ပေါင်မုန့်နဲ ဆန်လုံးညိုတွေက အာဟာရဖြစ်စေပြီး ကယ်လိုရီနည်းတဲ့အတွက် ရွေးချယ်သင့်တဲ့အစာတွေပဲဖြစ်ပါတယ်။

၃၊ ကြွက်သားအတွက် ပရိုတင်းဓါတ်လိုအပ်ပါတယ်။

ခန္ဓါကိုယ်မှာ ကြွက်သားကို ထိန်းသိမ်းဖို့နဲ့ အသစ်ထပ်ဖြစ်စေဖို့ ပရိုတင်းဓါတ် လိုအပ်ပါတယ်။ အဆီနည်းတဲ့အသားဖြစ်ဖို့ အရေးကြီးပါတယ်။ အပြောင်းအလဲဖြစ်အောင် ငါး သို့မဟုတ် ပင်လယ်စာစားနိုင်ပါတယ်။

၄။ အပင်ကရတဲ့ ပရိုတင်းဓါတ်စားပါ။

ပဲအမျိုးမျိုးနဲ့ အစေ့အဆံတွေက အသားဓါတ်ရစေမယ့် အရာတွေဖြစ်ပါတယ်။ တကယ်လို့ သင်က သတ်သတ်လွတ်သမားဖြစ်ရင် ဒါတွေစားဖို့ ပိုပြီး နှစ်သက်မှာပါ။

၅။ အသီးအရွက်နဲ့ သစ်သီးတွေကို စားဖို့မမေ့ပါနှင့်။

အသီးအရွက်တွေစားဖို့ ဝန်မလေးပါနဲ့။ အာဟာရမျိုးစုံ ရရှိစေဖို့ အရောင်မျိုးစုံရှိတဲ့ အသီးအရွက်များစားပါ။ သစ်သီးနဲ့ အရွက်များက လတ်လတ်ဆတ်ဆတ် ဖြစ်တဲ့အချိန်မှာ စားဖို့တော့ လိုပါတယ်။

၆။ အဆီလျှော့ပါ။

အဆီထုတ်ထားတဲ့ နို့ထွက်ပစ္စည်းတွေ စားနိုင်ပါတယ်။ နို့၊ ဒိန်ချဉ်နဲ့ ပဲနို့ စတာတွေကို နေ့စဉ်လုံလောက်တဲ့ ပမာဏစားပေးမယ်ဆိုရင် သင့်အရိုးတွေကို ကျန်းမာသန်စွမ်းစေပြီး ကြွက်သားဖြစ်ထွန်းမှုကို ဖြစ်စေပါတယ်။

၇။ မျှမျှတတရှိပါစေ။

အစာအုပ်စုမျိုးစုံ စားသင့်ပါတယ်။ ကိုယ်ကြိုက်တာ များများစားပြီး မကြိုက်တာကို မစားတာမျိုး မလုပ်ပါနဲ့။

၈။ ရေဓါတ်လုံလောက်စွာရှိနေပါစေ။

အစားစားသလိုပဲ ရေသောက်ဖို့လည်း အရေးကြီးပြန်ပါတယ်။ သကြားအနဲငယ်ရောထားတဲ့ ရေသန့်တစ်ပုလင်းလောက် သင်နဲ့အတူ အမြဲတမ်း ဆောင်ထားလိုက်ပါ။

၉။ လုံလုံလောက်လောက်စားပါ။

အစားနည်းလွန်းတာနဲ့ များလွန်းတာက သင့်ကျန်းမာရေးကို ထိခိုက်စေပါတယ်။ သင့်အတွက် လုံလောက်တဲ့အာဟာရကို သိရဖို့ တတ်ကျွမ်းသူတွေရဲ့ အကူအညီလိုကောင်းလိုနိုင်ပါတယ်။

၁၀။ ပန်းတိုင်ထားပါ။

ပန်းတိုင်တွေ ထားရှိခြင်းက သင့်ကို စိတ်အားထက်သန်မှုဖြစ်စေပါတယ်။ ဒါပေမယ့် လက်တွေ့ကျတဲ့ ပန်းတိုင်တစ်ခုဖြစ်သင့်ပြီး မိမိကိုယ်ကို ဒုက္ခပေးတာမျိုးတော့ မဖြစ်သင့်ပါဘူး။

ပုံမှန်ကိုယ်လက်လေ့ကျင့်ခန်းလုပ်ခြင်းနဲ့ အစားအသောက်ကို မျှတအောင် ချင့်ချိန်စားသောက်တာက ကျန်းမာစေတဲ့ အဓိကသော့ချက်ဖြစ်ပါတယ်။ ခုပြောခဲ့တဲ့ အချက်တွေက ကျန်းမာပြီး ဖျတ်လတ်တက်ကြွတဲ့ ခန္ဓါကိုယ်တစ်ခု ရစေဖို့ အထောက်အကူ ဖြစ်နိုင်လိမ့်မယ်လို့ မျှော်လင့်ရပါတယ်။

Hello Health Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။